أسباب الضعف الجنسي عند الرجال فوق سن الخمسين

أسباب الضعف الجنسي عند الرجال فوق سن الخمسين

الضعف الجنسي من أكثر المشاكل اللي بتأثر على نفسية الرجل بشكل سلبي، و بتخليه يحس بالعجز والاكتئاب، وكمان بتسيطر عليه حالة من التوتر والقلق وعدم الاستقرار في العلاقة الزوجية ، ومع التقدم في العمر، المشكلة دي بتزيد بشكل كبير جدا، لأن الإحصائيات أثبتت إن حوالي 52% من الرجال فوق سن الخمسين بيعانوا من ضعف جنسي، وده بيكون نتيجة لأسباب كثير جداً. 

لكن قبل ما نتكلم عن أسباب ضعف الانتصاب عند الرجال فوق سن الخمسين، تعالوا الاول نوضح ايه هو ضعف الانتصاب:

ضعف الانتصاب معناه عدم قدرة الرجل على الوصول للانتصاب أو الحفاظ عليه لفترة كافية لإتمام العلاقة الزوجية ، والخلل ده ياما بيكون بسبب ضعف في ضخ الدم للقضيب ، او ان مش بيتم الاحتفاظ بالدم داخل الأنسجة المدة الكافية لحد ما نخلص العلاقة الزوجية. 

.ودلوقتي تعالوا نعرف ايه هي الأسباب اللي بتؤدي الي ضعف الانتصاب عند الرجال فوق سن الخمسين: 

في البداية لازم تكون عارف أن الأداء الجنسي عند الرجل بيتأثر مع التقدم في السن ، وده بيكون نتيجة لعدة أسباب ، منها أسباب عضوية وأسباب ليها علاقة بنفسية الرجل.

• الأسباب العضوية : 

1/ تصلب الشرايين

بمعنى أن مع التقدم في العمر بتزداد فرصة الإصابة بتصلب الشرايين ، وده بيحدث نتيجة ارتفاع نسبة الكوليسترول في الدم ، لان علشان يحصل انتصاب ونقدر نحافظ عليه لحد ما نخلص العلاقة الزوجية ، لازم الدم اللي يوصل للقضيب يكون كافي ، بالتالي لو عندك انسداد في الشرايين ده هيتسبب في منع وصول الدم للقضيب ، و هيسبب ضعف انتصاب.

2/ مرض السكر

بمعنى أن ارتفاع نسبة السكر في الدم بتأثر على وظيفة الأوعية الدموية والأعصاب ، وده بيقلل تدفق الدم للقضيب ، وبيسبب ضعف انتصاب.

3/ ارتفاع ضغط الدم

بمعني أن القضيب بيتكون من شرايين وأوردة صغيرة وألياف عضلية ملساء ، ولما بيجي يحصل انتصاب ، الدماغ بترسل إشارات الي القضيب باسترخاء العضلات الملساء وتمدد الشرايين علشان يتدفق الدم الي القضيب ويحصل انتصاب ، فارتفاع ضغط الدم بيجعل العضلات الملساء تفقد قدرتها على الاسترخاء ، وبالتالي الدم مش هيوصل إلى القضيب وهيسبب ضعف انتصاب.

4/ انخفاض هرمون التستوستيرون

مستوى هرمون الذكورة بينخفض مع التقدم في العمر ، وده طبعاً بيؤدي الى انخفاض الرغبة الجنسية ، وبالتالي انعدام الرغبة الجنسية هتسبب ضعف انتصاب.

5/ الإصابة بالفشل الكلوي:

بمعنى أن الأشخاص اللي عندهم فشل كلوي بيكون عندهم اختلال في هرمونات الجسم ، زي انخفاض هرمون الذكورة ، وانخفاض الرغبة الجنسية وده بيسبب ضعف انتصاب.

6/ لو عندنا تسرب وريدي:

بمعني أن المرحلة الثانية من الانتصاب بتكون من خلال الحفاظ على الدم داخل العضو الذكري، فلو كان الوريد مش قادر يحتفظ بالدم المدة الكافية لحد ما نخلص العلاقة الزوجية، فكده بيكون عنده تسرب وريدي ، ولو معالجناش التسرب ده هنوصل إن مش هيبقى في الانتصاب أصلاً بيحصل وقت العلاقة الزوجية.

7/ لو اتعرضنا لكسر في الحوض :

بمعنى أن ده هيسبب قطع في الأعصاب ، والأعصاب دي هي اللي بتغذي العضو الذكري وبتتحكم في الانتصاب ، وبكده مش هيحصل انتصاب وقت العلاقة الزوجية.

8/ لو عندنا التهاب أو تضخم في البروستاتا او الحوض :

بمعنى أن الأعصاب والأوعية الدموية اللي بتغذي العضو الذكري بتكون موجودة على جدار البروستاتا ، فلو حصلها أي إصابة اثناء العمليات الجراحية ، أو اصابة البروستاتا باي أورام خبيثة ، ده هيأثر على الأعصاب اللي بتغذي العضو الذكري وهيحصل ضعف انتصاب.

9/ الإصابة بمرض بيروني :

بمعنى أن مرض بيروني ده بيكون عبارة عن تليفات بتحصل في أنسجة القضيب ، والتليف ده ممكن يخلي القضيب يبان أقصر وقت الانتصاب ، لأن المنطقة اللي فيها تليفات مش بتتمدد وقت الانتصاب وده بيعمل عند الشخص انتصاب منحني أو معوج، بالتالي انحناء أو اعوجاج القضيب بتسبب ضعف انتصاب.

ولو عايز تعرف معلومات اكثر عن مرض بيروني ، وأعراضه وعلاجه ، اسمع الفيديو ده مع الدكتور اسامة البكل…

• أما الأسباب النفسية اللي بتسبب ضعف انتصاب عند الرجال بعد سن الخمسين:

لازم تكون عارف أن الحالة النفسية للرجل في السن ده ليها دور كبير جداً، وبتأثر على الأداء الجنسي عند الرجال بعد سن الخمسين، فالرجل اللي بيكون عنده قلق وتوتر من أدائه الجنسي في العلاقة الزوجية، ده بيؤدي إلى ارتخاء العضو الذكري وعدم القدرة على الانتصاب.

ولو عايز تعرف ازاي المشاكل والخلافات الزوجية بتسبب ضعف انتصاب ، اسمع الفيديو ده مع الدكتور اسامة البكل…

لكن ده مش معناه إنك تيأس وتفقد الأمل ، لازم تكون عارف أن كل مشكلة وليها علاج ، وضعف الانتصاب ليه كذا طريقة للعلاج ، فلو عايز تعرف معلومات اكثر عن دعامات العضو الذكري لعلاج ضعف الانتصاب اضغط هنا…

في النهاية، لازم تبقى عارف أن الضعف الجنسي مش حاجة تتكسف منها ، لأنه مرض زي أي مرض ، بس مهم جداً أننا أول ما نحس بأي اختلاف في أدائنا الجنسي وقت العلاقة الزوجية أننا منجربش من نفسنا أي علاج أو منشط جنسي ، لأن المنشطات الجنسية ممكن يكون ليها أضرار ومضاعفات كتير جداً خصوصاً مع كبار السن وساعتها هنكون بنعقد المشكلة مش بنحلها.

ولو احتجت انك تتواصل معانا ونحجز لك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني، تقدر تتواصل معانا على الرقم ده 01018874287