امتي نلجأ لعملية التفتيش الميكروسكوبي من الخصية ؟

امتي نلجأ لعملية التفتيش الميكروسكوبي من الخصية ؟

( انعدام الحيوانات المنوية ) جملة سمعتها في كل مرة روحت تعمل فيها تحليل سائل منوي علشان تطمن على سبب تأخر الإنجاب ، لكن قبل ما تقلق خليني اقولك ان حديثا ظهرت تقنيات كثير جدا لعلاج انعدام الحيوانات المنوية في الخصية وكانت بمثابة الأمل لتحقيق حلم الإنجاب ، ومن أهم التقنيات دي هي عملية التفتيش الميكروسكوبي من الخصية.

ودلوقتي تعالوا نعرف مع بعض ايه هي عملية التفتيش الميكروسكوبي ، 

وامتي بنلجأ لتفتيش الخصية بالميكروسكوب الجراحي : 

تعتبر عملية التفتيش الميكروسكوبي من اهم واحدث التقنيات المستخدمة في الحالات اللي بتعاني من انعدام في الحيوانات المنوية في السائل المنوي ، وبنستخدمها من أجل البحث والتفتيش عن الانابيب والبؤر المنوية الصالحة في الخصية و استخراج الحيوانات المنوية السليمة منها واستخدامها في عمليات الحقن المجهري.

طب خليني اقولك امتى بنلجأ لتفتيش الخصية بالميكروسكوب ؟ 

في البداية لازم تكون عارف اننا بنلجا للتفتيش الميكروسكوبي من الخصية فى : 

• الحالات اللي بيكون عندها فشل وظيفي في الخصية : بمعني ان في حالات كثير الخصية بتكون عندهم مش شغاله اصلا ومش بتنتج حيوانات منوية ، ومن أهمهم : 

1/ حالات متلازمة كلاينفلتر : والمتلازمة دي بتسبب نقص في هرمون الذكورة وصغر في حجم الخصيتين ، ده غير كمان انها بتاثر على انتاج الخصية للحيوانات المنوية.

2/ الإصابة بالخصية المعلقة : لأن الخصية المعلقة جوا البطن بتتعرض لدرجة حرارة عالية وده بيسبب ضمور للخصية وعدم إنتاجها للحيوانات المنوية.

3/ وجود التهابات في الخصية : والالتهابات دي بتأثر على كفاءة وإنتاج الحيوانات المنوية وجودتها ، وممكن تؤدي الى انسداد. 

4/ التعرض للعلاج الإشعاعي أو الكيماوي : والعلاج ده بيأثر على الخصية لأنه بيهاجم الخلايا والبؤر المنوية اللي جوا الخصية ، وده ممكن يتسبب في موت الخلايا وانعدام الحيوانات المنوية ، و للاسف لو الخلايا دى ماتت مش بيكون في طريقة نقدر نرجعها بيها تانى غير اننا نلاقى بؤر فيها خلايا قادرة على إنتاج حيوانات منوية ، ودي مش بنوصلها الا عن طريق التفتيش الميكروسكوبي من الخصية. 

إذ كل دى اسباب ومشاكل بتسبب فشل وظيفي للخصية وتخليها متنتجش حيوانات منوية ، والحالات دي بيكون عندهم ارتفاع في مستوى هرمون FSH وصغر في حجم الخصيتين وساعتها هيكون شبه مستحيل ان الحالات دي تخرج حيوانات منوية في القذف ، وعلاجها الوحيد هو عملية التفتيش الميكروسكوبي ، سواء كان قبلها فترة علاج هرموني او لا ، ولو كنا محتاجين ناخد علاج ده بيكون عن طريق اننا بندي علاج هرموني نظبط بيه وضع باقي الهرمونات وننشط الخصية علشان يكون عندنا اعلى فرصة لنجاح عملية التفتيش الميكروسكوبي.

• الحالات اللي مش بيكون عندها سبب واضح لانعدام الحيوانات المنوية : بمعنى ان المريض بيكون 

1/ حجم الخصية عنده كويس.

2/ وضع الهرمونات كمان طبيعي.

3/ مفيش دوالي في الخصية.

4/ مفيش التهابات.

بالتالي مفيش سبب واضح وقابل للعلاج ، وساعتها الدكتور هو اللي بيحدد هل هيكون في علاج قبل العملية ولا الأفضل نبدأ على طول بعملية التفتيش الميكروسكوبي ، وخصوصًا في الحالات اللي العلاج الهرموني مش هيفيد فيها ، وساعتها بيكون التفتيش الميكروسكوبي هو الحل الوحيد المتاح. 

وبعد ما عرفت امتي بنلجأ للتفتيش الميكروسكوبي من الخصية ، 

تعالي اقولك ازاي بتم عملية التفتيش الميكروسكوبي من داخل الخصية : 

اولا : بنعمل فتحة صغيرة جداّ فى نص كيس الصفن ، و بعد ما بنعمل الفتحة بنبد نخرج الخصية بره كيس الصفن ، وبعد ما بنخرج الخصية بنبدء نعمل فيها فتحة طولية عشان نقدر نشوف كل انسجة الخصية.

ثانيا : بعد كده بنستخدم الميكروسكوب الجراحي لانه بيكبر الرؤية 40 ضعف ، ونبدأ نثبته على الفتحة اللى عملناها فى الخصية ، وبعدين ندور على الانسجة اللى فيها أنابيب منوية منتفخة ، ونبدأ اننا نخرج الأنابيب المنتفخة من غير ما نقص النسيج كله.

ثالثا : بنبعت الانابيب دى للمعمل عشان يستخرج منها الحيوانات المنوية ، وبعد كده بيبدأ يجهز الحيوانات المنوية اللى لاقاها للحقن المجهرى. 

رابعا : واخر حاجة بنبدا نقفل الجرح اللى عملناه فى الخصية و بنرجعها مكانها في كيس الصفن و نقفل كيس الصفن بغرز تجميلية علشان ميكونش ليه اي اثر.

وبعد عملية التفتيش الميكروسكوبي في شوية تعليمات ونصائح لازم تلتزم بيها عشان تتعافى بشكل أسرع وتضمن أعلى نسبة نجاح للعملية : 

1/ لازم تحافظ على نظافة الجرح لمنع حدوث أي عدوى أو بكتيريا. 

2/ لازم تتجنب اي مجهود شاق بعد العملية لمدة أسبوعين.

3/ ممكن تحس بألم أو تورم في كيس الصفن ، لكن ده بيكون الم بسيط جدا وبيروح بالمسكنات و بالكمادات الباردة.

ولو عايز تعرف ايه هي حالات انعدام الحيوانات المنوية اللي مش هتحتاج للتفتيش الميكروسكوبي من الخصية ، اسمع الفيديو ده مع الدكتور اسامة البكل…

وفي النهاية ، لازم تكون عارف ان اي مشكلة هتقابلك وتسبب لك تاخر في الانجاب ، فهي اكيد ليها علاج ، المهم أنك تتشخص صح وتعرف حالتك كويس علشان تمشي على خطة علاج مناسبة معاك وتقدر تحقق حلمك وتكون أب ويكون عندك طفل.

ولو خلاص وفكرت وقررت انك تاخد خطوة العلاج ، تقدر تتواصل معانا على الرقم ده 01018874287 واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.