هل تعود الدوالي بعد عملية دوالي الخصية بالميكروسكوب ؟
دايما بيجي في ذهنك سؤال واحد بيتكرر ، ليه اعمل عملية دوالي الخصية وانا عارف ومتاكد انها هترجع تاني بعد العملية ؟ وانا هنا عشان ااكد كلامك ، ايوا دوالي الخصية ممكن ترجع تاني بعد العملية ولكن في حالة واحدة بس لو اتعملت بطرق تقليدية غلط غير الطريقة الميكروسكوبية اللي نسبة نجاحها في الشفاء تتخطى الي 70%.
ولكن قبل ما أوضح لك ايه هي الطرق دي ، تعالي اقولك باختصار ايه هي دوالي الخصيتين :
دوالي الخصية هي عبارة عن تضخم في الاوردة المحيطة بالخصية والموجودة داخل كيس الصفن ، والتضخم ده بيحصل نتيجة لضعف الصمامات الموجودة في الأوردة واللي بتكون مسؤولة عن تنظيم تدفق الدم من الخصيتين الى القلب ومنع عودته تاني للخصية ، وبالتالي لو في اي خلل في الصمامات دي ، ساعتها الدم اللي طالع من الخصية في اتجاه القلب هيرجع تاني للخصية ويفضل يتراكم داخل الاوردة ، وساعتها الاوردة هتفضل تتمدد علشان تستوعب كمية الدم اللي فيها ، وهو ده سبب حدوث دوالي الخصية.
طب ازاي نعالج المشكلة دي ؟
في البداية لازم تكون عارف ان علاج دوالي الخصية مش علاج دوائي ، وان علاج دوالي الخصية الوحيد هو الجراحة ، وفي أكثر من طريقة لعلاج دوالي الخصية ، وهو ده الموضوع اللي هياخدنا للاجابة على سؤالك ، هل تعود الدوالي بعد عملية دوالي الخصية بالميكروسكوب ، خليني اقولك ان دوالي الخصية هترجع تاني بعد العملية لو اتعملت بالطرق دي :
1/ جراحة المنظار :
اول طريقة مش بننصح بيها في علاج دوالي الخصية ، لأن المريض وقتها بيكون تحت تأثير التخدير الكلي ، والجراح بيعمل شقوق صغيرة في منطقة البطن علشان يدخل منها المنظار والأدوات الجراحية والكاميرات ، علشان يربط الاوردة المصابة اللي فيها الدوالي ، والطريقة دي بتضر الخصية لأن مش بيكون فيها ادوات واجهزة حديثة تساعدنا اننا نشوف الأوردة بدقة وده بيخلينا ممكن منربطش كل الأوردة اللي فيها الدوالي ، وساعتها الدوالي هترجع تاني بعد فترة من العملية.
2/ الجراحة التقليدية :
في البداية لازم تبقي عارف ان الجراحة التقليدية من الطرق اللي كانت بتتعمل بيها عملية دوالي الخصية الاول ، واللي بيحصل فيها ، أن الدكتور بيفتح فتحة في اسفل البطن وبالتحديد في المنطقة الاربية ، ويبدا يشوف فين الاوردة المنتفخة اللي عاملة الدوالي ويربطها كلها ، ولانه مش بيكون معاه اي ادوات او اجهزة حديثة ، وبيكون معتمد علي نظره وادواته الجراحية بس ، ده طبعا بيسبب للمريض مشاكل ومضاعفات كثير بعد العملية زي :
- رجوع الدوالي ثاني بعد العملية : لأن الأوردة الثانوية والصغيرة في الخصية بتكون موجودة علي جدار الحبل المنوي ، وبتكون محتاجة تكبير ، ولان في الجراحة التقليدية ، الجراح مش بيكون معاه أجهزة حديثة ، فبيكون صعب عليه ان يشوف الاوردة الصغيرة بالعين المجردة ، وممكن ميربطهاش وقت العملية ، وهو ده اللي هيخلي الدوالي ترجع تاني بعد فترة من العملية.
3/ الأشعة التداخلية :
تعتبر أسوأ طريقة ممكن تفكر أنك تعالج بيها دوالي الخصية :
اولا: لان في الأشعة التداخلية احنا بنحط المريض تحت جهاز الاشعاع (c-arm) حوالي ساعة الا ربع ، وبكده احنا بنعرض الخصية لجزء كبير جدا من الإشعاع ، و ده بيضر الخصية اكتر ، وهي اصلا بتكون متضررة كفاية بسبب الدوالي.
ثانيا: في الاشعة التداخلية ، احنا بندخل القسطرة من الوريد اللي في الفخذ ، مرورا بالقلب ، ووصولا إلى الخصية ، ولكن في بعض الحالات الوصول للخصية اليمنى و علاجها بيكون صعب ، نتيجة التكوين التشريحي بين الخصيتين ، ده غير ان في القسطرة مش بنقدر نربط كل الأوردة الصغيرة والثانوية ، وده بيكون السبب في أن دوالي الخصية ترجع تاني بعد فترة قصيرة من العملية.
ولو عايز تعرف اكتر ليه دوالي الخصية ممكن ترجع تاني بعد العملية ، اسمع الفيديو ده مع الدكتور اسامة البكل…
و دلوقتي قبل ما تفقد الأمل في علاج دوالي الخصية ، تعالي اقولك على افضل واحسن طريقة تعالج بيها دوالي الخصية ومن غير ما تضر الخصية ولا حتى نسبة رجوع للدوالي بعد العملية وهي :
1/ لأن الميكروسكوب الجراحي بيكبر مكان العملية لغاية 25 ضعف ، وده بيساعدنا نشوف كل الأوردة و الشرايين بوضوح.
2/ ده غير اننا بنقدر نحافظ على الشريان الخصوي اللي بيغذي الخصية بالدم الغني بالاكسجين ، واللى لو حصله اى ضرر وقت العملية هيسبب ضمور للخصية.
3/ والميكروسكوب بيساعدنا نبعد عن الشعيرات والأوعية الليمفاوية اللي لو اتربطت بالغلط ممكن تسبب قيلة مائية على الخصية
4/ وايضا الميكروسكوب الجراحي بيساعدنا نربط الأوردة الثانوية والصغيرة اللي موجودة على جدار الحبل المنوي ، وبكدة مش هيكون في اي نسبة رجوع للدوالي تاني بعد العملية.
5/ وبنقدر اننا نروح من المستشفى في نفس اليوم ، وننزل شغلنا عادي جدا بعد 3-5 أيام.
6/ أما بالنسبة للعلاقة الزوجية ، فبنقدر نمارسها بعد العملية بأسبوع.
وبعد عملية دوالي الخصية بالميكروسكوب في شوية تعليمات ونصائح لازم تعملها علشان تحافظ علي الجرح وعشان تضمن اعلى نسبة شفاء بعد العملية :
1/ وضع كيس ثلج على كيس الصفن لمدة 10 دقائق وتكرارها على مدار اليوم الأول من العملية لتقليل الانتفاخ والألم.
2/ تجنب الأعمال الشاقة ورفع الأشياء الثقيلة.
3/ الالتزام بالأدوية والمضادات الحيوية بعد العملية الجراحية.
4/ تجنب الإجهاد أثناء استخدام الحمام، وتناول أدوية لعلاج الإمساك لو كان المريض بيعاني منه زي ملينات البراز.
وفي النهاية ، لازم تكون عارف ان عملية دوالي الخصية بالميكروسكوب الجراحي من أكثر العمليات دقة ، ونسبة نجاحها تتجاوز الـ 70% ده غير انها بتعمل علي زيادة كفاءة الحيوانات المنوية بنسبة تصل إلى 80% ، وبكدة هتكون الجراحة الميكروسكوبية حلت كل مشاكل دوالي الخصية من حيث الالم وتأخر الإنجاب عند الزوجين وبدون اي مضاعفات او ضرر للخصية.
ولو لسه عندك اي اسئلة او استفسارات بخصوص عملية دوالي الخصية ، تقدر تتواصل معانا على الرقم ده 01018874287 واحنا هنحجز لك اقرب ميعاد مع الدكتور اسامة محمد البكل مدرس واستشاري طب وجراحة امراض الذكورة وتاخر الانجاب والصحة الجنسية بطب القصر العيني.