ما هو الحل النهائي لضعف الانتصاب ؟

ما هو الحل النهائي لضعف الانتصاب ؟

التحدث عن المشكلات الجنسية من الأمور المعقدة اللي بيحرج معظم الرجال منها ، لانه بيشوف ان الكلام عن المواضيع دي مع اي حد بتقلل من ثقته في نفسه ومن رجولته ، لدرجة أن بعض الرجال يلجأوا إلى استخدام الأدوية والمنشطات الجنسية دون اللجوء لطبيب متخصص ، وهم ميعرفوش ان الحل ده ممكن يسبب لهم مضاعفات كثير جدا.

ولكن من خلال المقال ده هقولك عن الحل النهائي لمشكلة ضعف الانتصاب…

ودلوقتي تعالوا نعرف مع بعض ايه هو اصلا ضعف الانتصاب : 

في البداية لازم تبقي عارف ان ضعف الانتصاب بيحصل نتيجة عدم قدرة الرجل على بلوغ الانتصاب أو الحفاظ عليه وقت العلاقة الزوجية ، نتيجة وجود خلل في الاوعية الدموية ، والخلل ده ياما بيكون بسبب ضعف في ضخ الدم للقضيب أو إن مش بيتم الاحتفاظ بالدم داخل القضيب نتيجة تسربه خارج العضو الذكري ، وبكده مش بيحصل انتصاب.

وضعف الانتصاب بيكون ليه سببين : 

• أما سبب عضوي ، بمعنى أن ليه علاقة بصحة الشخص الجسدية أو اصابته بأحد الأمراض المزمنة زي الضغط او السكر او امراض القلب.
• او سبب نفسي ، كوجود مشاكل نفسية أو مشاكل مع الزوجة وضغوطات ماثرة على نفسية الشخص ومسبب له مشاكل في الإنتصاب أثناء العلاقة الزوجية.

ولكن لازم تبقي عارف ان مفيش حل نهائي واحد لعلاج ضعف الانتصاب ، لان العلاج بيعتمد على سبب المشكلة نفسها ، وممكن يتم على أكثر من مرحلة ، زي تغيير نمط الحياة ، أو الأدوية ، أو العلاج النفسي ، وفي بعض الحالات الشديدة ، ممكن تكون الجراحة هي الحل الوحيد. 

اولا : تغيير نمط الحياة : وبيتم عن طريق 

1/ ممارسة الرياضة بانتظام.

2/ الحفاظ على وزن صحي.

3/ الإقلاع عن التدخين.

4/ الابتعاد عن تعاطي أي نوع من المخدرات أو الكحول.

5/ الابتعاد عن التوتر والقلق.

6/ علاج الأمراض المزمنة زي مرض السكر وارتفاع ضغط الدم. 

ثانيا : تناول بعض الأدوية أو المنشطات الجنسية

زي ، السيلدينافيل و الفاردينافيل و التادالافيل ب جرعتها المختلفة اللي بتساعد على زيادة تدفق الدم إلى القضيب.

ثالثا : العلاج النفسي

لان ده هيساعدنا اننا نتخلص من الاكتئاب والتوتر ونعرف ازاي نتعامل مع ضغوطات الحياة ، لأنه هيعيد لينا التوازن الذهني والمزاجي وهيخلينا نتخلص تدريجيا من ضعف الانتصاب.

رابعا : العلاجات الأخرى : وقد تشمل العلاج 

1/ بالموجات التصادمية : فهى تساعد على تحسين تدفق الدم في الأوعية الدموية ، وده بيساعد على تحقيق الانتصاب والحفاظ عليه ، و ده في حالات معينة فقط مش أي حالة ضعف انتصاب هتستفاد من الموجات التصادمية.

ولو عايز تعرف هل فعلا الموجات التصادمية علاج للضعف الجنسي ، اسمع الفيديو ده مع الدكتور اسامة البكل…

2/ الحقن الموضعي : وده بيكون عن طريق إبرة رفيعة بنحقنها في القضيب قبل ممارسة العلاقة الزوجية مباشرة ، وبتساعد على الانتصاب في خلال 10 دقائق من الحقن.

3/ تركيب دعامة العضو الذكري في الحالات الشديدة التي لا تستجيب للعلاجات الأخرى ، وتعتبر الحل النهائي والفعال في علاج ضعف الانتصاب.

ودلوقتي تعالوا نعرف ليه دعامة القضيب افضل علاج نهائي لضعف الانتصاب ؟ 

1/ لأن دعامة العضو الذكري بتحقق الانتصاب بكفاءة عالية.

2/ ده غير انها بتعمل على استمرار انتصاب القضيب لفترة طويلة لحد ما نخلص العلاقة الزوجية.

3/ تسمح لاي شخص انه يركب دعامة الانتصاب سواء كان شاب او في منتصف العمر أو حتى كبير في السن بشرط يكون محتاجها.

4/ بتقضي بشكل نهائي على مشكلة ضعف الانتصاب من غير ما نضطر اننا نلجأ لعلاج دوائي فترات طويلة.

5/ بعض الأدوية والمنشطات الجنسية ممكن تسبب بعض المضاعفات زي هبوط في الدورة الدموية أو مشاكل في الضغط ، لكن دعامة العضو الذكري ملهاش اي مضاعفات.

6/ حتي اصحاب الامراض المزمنة ينفع يركبوا دعامة القضيب من غير ما يحصل لهم أي آثار جانبية.

في النهاية ، لازم تبقي عارف ان التشخيص المبكر ، ووضع خطة علاج مناسبة بيخليك تتجنب اي مضاعفات خطيرة ممكن تحصل لك ، ده غير طبعا ان الدعم العاطفي من الشريك بيكون ليه دور فعال في العلاج ، ومهم جدا تبقي عارف ان دعامة الانتصاب تعتبر بمثابة الحل الفعال اللي يرجع لك ثقتك بنفسك وبيحسن من حياتك الزوجية. 

ولو لسه عندك اي استفسار تقدر تتواصل معانا على الرقم ده 01018874287 واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.