ما هي شروط إجراء تحليل السائل المنوي للرجال ؟
السائل المنوي عند الرجل هو سائل تفرزه الحويصلات المنوية والبروستاتا ، ويحتوي على مواد مغذية وانزيمات تعمل على تغذية الحيوانات المنوية وحمايتها من اول ما تخرج من القضيب وقت القذف ولحد ما بتوصل إلى مهبل الزوجة علشان تقدر تخصب الزوجة ويحصل حمل طبيعي ، ولكن تحليل السائل المنوي نفسه هو اختبار بنفحص من خلاله صحة وسلامة الحيوانات المنوية للرجل.
ومن خلال المقال ده هنتكلم بالتفصيل عن تحليل السائل المنوي وشروط إجرائه و نسبته الطبيعية في العينة…
في البداية لازم تكون عارف اننا بنطلب تحليل السائل المنوي عشان نشخص سبب العقم او تأخر الإنجاب عند الزوجين اللي عدي علي جوازهم أكثر من سنة بالرغم من ممارسة العلاقة الزوجية بانتظام ، وبشرط تكون الزوجة سليمة ومعندهاش اى مانع للإنجاب ، فهو بيقيم عدد الحيوانات المنوية وحركتها وشكلها في العينة لتحديد السبب الرئيسي لتأخر الإنجاب.
ودلوقتي تعالوا نعرف مع بعض ايه هي شروط إجراء تحليل السائل المنوي :
- التوقف عن ممارسة العلاقة الزوجية لمدة تتراوح من 3 -5 أيام قبل إجراء الفحص.
- الامتناع عن تناول المشروبات الكحولية أو أي علاجات لأنها قد تؤثر على صحة الحيوانات المنوية.
- عدم استخدام أي مزلقات او كريمات او صابون أثناء أخذ عينة السائل المنوي.
- لا تتوقف عن الجماع قبل اختبار السائل المنوي بفترة طويلة ، لأن ده ممكن يؤثر على حركة الحيوانات منوية.
- عدم التعرض لدرجات الحرارة المرتفعة قبل التحليل بأسبوع أو أسبوعين زي السونا وحمامات البخار ، لان ده ممكن يؤثر على حركة الحيوانات المنوية.
- والتحليل لازم يتعمل في مكان متخصص ، وتكون أكثر من عينة وتكون على فترات متباعدة حوالي 2-3 اسابيع ، علشان نتاكد كويس من نتيجة التحليل.
ودلوقتي تعالوا نعرف مع بعض ايه هي النسب الطبيعية لتحليل السائل المنوي واللي بنكشف من خلالها سبب تأخر الإنجاب :
- عدد الحيوانات المنوية :
لان الشخص الطبيعي بيخرج حوالي 39 مليون حيوان منوي أو أكثر في القذف الواحد ، وحوالي 15 مليون حيوان منوي لكل ملليلتر من السائل المنوي في عملية القذف الواحدة ، وفي حالة ان العدد قل عن المعدل الطبيعي ، كدة الشخص ده بيعاني من نقص في عدد الحيوانات المنوية وهيسبب تأخر الإنجاب.
- حركة الحيوانات المنوية :
بمعنى أن حركة الحيوان المنوي مهمة ، لان ده اللي بيخليه يتحرك ويعوم لحد ما يوصل للبويضة ويخصبها ويحصل حمل بشكل طبيعي ، ولازم الحيوان المنوي يتحرك على الاقل بسرعة 25 ميكرو متر في الثانية الواحدة ، ولو لاقينا حركة الحيوانات المنوية في العينة أقل من 40% أو الحركة الامامية اقل من 32% ، كدة الحيوانات المنوية هتكون ضعيفة الحركة ، وده هيسبب تأخر الإنجاب.
- شكل الحيوانات المنوية :
اولا : الشخص الطبيعي لازم يكون عنده نسبة من الحيوانات المنوية المشوهة في العينة ، والنسبة دي بتكون اقل من 96% ، ونسبة الحيوانات المنوية الطبيعية بتكون 4% ، ولو نسبة الحيوانات المنوية المشوهة زادت عن المعدل الطبيعي ، كدة الشخص ده بيعاني من تشوه في شكل الحيوان المنوي ، وهيواجه مشكلة في الإنجاب.
ثانيا : الحيوان المنوي للشخص السليم بيتكون من رأس وعنق وذيل ، وكل جزء منهم بيكون ليه مواصفات معينة ، ولو لاقينا إن في تشوه في أي من المواصفات دي ، ساعتها الحيوان المنوي هيكون مشوه ومش هيقدر يوصل للبويضة ويخصبها ويحصل حمل.
- لزوجة السائل المنوي :
بمعنى أن السائل المنوي لما بيخرج وقت القذف بيكون متماسك ، وبعد حوالي من 15 الي 30 دقيقة بيبدا يسيل علشان يسهل خروج الحيوانات المنوية ، لكن لو نسبة اللزوجة كانت عالية ، ده هيضعف من حركة الحيوان المنوي وهيسبب تأخر الإنجاب.
- حموضة السائل المنوي :
بمعنى ان النسبة الطبيعية لحموضة السائل المنوي بتكون 7.2 – 8 ، وبالتالي لو اختلت نسبة الحموضة عن المعدل الطبيعي ، ده بيعمل ضعف في حركة الحيوان المنوي وهيسبب تاخر في الانجاب.
- حجم السائل المنوي :
بمعنى أن حجم السائل المنوي للشخص الطبيعي اللي بيخرجه وقت القذف لازم يكون من 1.5-5 مل ، ولو لاقينا في العينة أن الحجم أقل من الطبيعي ، ده بيدل ان في انسداد جزئي أو كلي ، وبكدة هيحصل تأخر في الإنجاب.
ولو عايز تعرف بنعمل كام تحليل سائل منوي علشان نحدد سبب تأخر الإنجاب ، اسمع الفيديو ده مع الدكتور اسامة البكل…
في النهاية ، لازم تكون عارف ان تحليل السائل المنوي للرجل هو الخطوة الأولى اللي بنقيم بيها صحة الرجل الانجابية وتحديد المشكلة الرئيسية لتأخر الحمل ، فمهم تبقي عارف ان المتابعة المستمرة مع الطبيب المتخصص والالتزام بالنصائح الطبية تزيد من فرص تحقيق حلم الأبوة.
ولو محتاج تتابع معانا حالتك ، ونحجز لك ميعاد مع الدكتور اسامة محمد البكل مدرس واستشاري طب وجراحة أمراض الذكورة و تأخر الانجاب والصحة الجنسية بطب القصر العيني ، تواصل معانا على الرقم ده 01018874287.