ما هو سبب ارتخاء القضيب فجأة أثناء العلاقة الزوجية ؟
اوقات كثير بيجيلنا شكاوى من بعض المرضى مبيكونش فيها غير سؤال واحد بس ، ما هو سبب ارتخاء القضيب فجأة بعد انتصابه في منتصف العلاقة الزوجية ؟ ويستكمل شكوته بأن العضو الذكري فضل مرتخي ومقدرش يكمل العلاقة الزوجية وبسبب كل ده فقد رغبته الجنسية.
وهنا لازم تكون عارف ان ارتخاء العضو الذكري المفاجئ أثناء الجماع يعتبر أحد أهم الأسباب التي تصيب الرجل بالاكتئاب والقلق غير طبعا الحرج اللي بيشعر بيه قدام زوجته.
ومن خلال المقال ده هنتكلم بالتفصيل عن أسباب ارتخاء القضيب المفاجئ ، وأهم النصائح للحفاظ على انتصابه حتى انتهاء العلاقة الزوجية.
بس في البداية لازم تكون عارف ان علشان يحصل انتصاب جيد ، بيحتاج القضيب لكمية مناسبة من الدم المتدفق إليه ، و مستوى مناسب من هرمون الذكورة ، ورغبة جنسية كافية ، وأن الحالة النفسية والمزاجية عنده تكون جيدة ، علشان ده اللي بيساهم في انتصاب القضيب طوال فترة الجماع ، لكن لو في أي خلل في أي من المتطلبات دى هيؤدي لضعف الانتصاب.
وضعف الانتصاب بيحصل نتيجة عدم قدرة الرجل على بلوغ الانتصاب أو الحفاظ عليه ، وده بيحصل نتيجة وجود خلل في الاوعية الدموية اللي بتوصل الدم إلى القضيب ، والخلل ده اما بيكون بسبب ضعف في ضخ الدم للقضيب أو إن مش بيتم الاحتفاظ بالدم داخل القضيب نتيجة تسربه خارج العضو الذكري ، وفي الحالة دي مش هيحصل انتصاب.
ودلوقتي تعالوا نعرف مع بعض ايه هو سبب ارتخاء العضو الذكري فجأة أثناء ممارسة العلاقة الزوجية :
وهنا لازم تكون عارف ان ممكن يحصلك ضعف انتصاب و يرتخي العضو الذكري فجأة نتيجة لعدة اسباب ، اهمها :
- الاصابة بأحد الامراض المزمنة :
والأمراض دي زي ارتفاع الضغط او مرض السكر او امراض القلب والاوعية الدموية أو أمراض الغدة الدرقية ، لأن كل دي أمراض بتاثر على الأوعية الدموية ، والبعض الآخر بيسبب خلل في وظيفة الأعصاب التي بترسل الإشارات من المخ إلى القضيب ، مما يسبب ضعف الانتصاب.
- وجود خلل في مستوى هرمون الذكورة :
لأن هرمون الذكورة هو اللي بيحفز الرغبة الجنسية عند الرجل و يحافظ على صحة انسجة القضيب و قدرتها على الانتصاب ، و علشان زي ما قولنا قبل كدة انك علشان تقدر تقيم علاقة زوجية ناجحة ويحصل انتصاب للعضو الذكري ، لازم يكون عندك مستوي مناسب من هرمون التستوستيرون ، بالتالي لو بتعاني من نقص في هرمون التستوستيرون ، هيكون عندك ضعف في الرغبة الجنسية وضعف انتصاب.
- لو عندنا تسريب وريدي في العضو الذكري :
لان علشان يحصل انتصاب للعضو الذكري ، بنحتاج إلى كمية كبيرة من الدم وابقاؤه داخل انسجة القضيب لحد ما نخلص العلاقة الزوجية ، بالتالي لو عندنا تسريب وريدي ، هنلاقي ان الدم بيهرب بسرعة من أنسجة القضيب وبيحصل ارتخاء للعضو الذكري قبل ما نكمل العلاقة الزوجية.
- لو عندنا اكتئاب او بناخد ادوية الاكتئاب :
لان الاكتئاب من أشهر الاضطرابات النفسية اللي بتأثر على نفسية الشخص وبتسبب له ضعف انتصاب.
- لو عندنا اعوجاج في القضيب ( مرض بيروني ) :
لأن مرض بيروني بيكون عبارة عن تليفات بتحصل اسفل جسم القضيب ، وبتخلى شكل القضيب يبان اقصر وقت الانتصاب ، لان المناطق اللي فيها تليفات مش بتتمدد وقت الانتصاب ، وده اللي بيسبب انحناء او اعوجاج في القضيب وبيسبب ضعف انتصاب.
- ممارسة بعض السلوكيات الخاطئة ، زي :
1/ التدخين : لأن مادة النيكوتين الموجودة في السجاير ، بتسبب ضعف فى الشرايين التاجية في القلب و في شرايين القضيب و ضيق فى الأوردة و ده بيقلل من تدفق الدم إلى القضيب ، و بكده مش هيحصل انتصاب او هيحصل بس مش هنقدر نحافظ عليه لحد ما ننهي العلاقة.
2/ السمنة المفرطة وتناول الأكل الغير صحي : بتزود نسبة الكوليسترول الضار والدهون بالجسم و ده هيؤدي إلى تصلب الشرايين ، وبكدة هتمنع تدفق الدم للقضيب وهتسبب ضعف انتصاب.
- المشاكل والخلافات الزوجية :
لانها مش بتخلينا قادرين نستمتع بالعلاقة الزوجية ولا بيكون عندنا رغبة جنسية ، وزي ما قولنا قبل كده علشان يحصل انتصاب لازم يكون في رغبة جنسية ، والضغط النفسي مش بيخلي عندنا رغبة ولا إثارة جنسية علشان يحصل انتصاب.
وده فيديو توضيحي من الدكتور أسامة البكل ، بيوضح هل لو بيحصل ارتخاء للعضو الذكري أثناء العلاقة الزوجية ، يبقي عندي ضعف جنسي ؟
وبعد ما عرفت الاسباب اللي بتؤدي الى ارتخاء القضيب اثناء ممارسة العلاقة الزوجية ، لازم تكون عارف ان في اكثر من طريقة تعالج بيها المشكلة دي ، زي :
- الأدوية والمنشطات الجنسية : لانها بتزود تدفق الدم إلى العضو الذكري علشان يحصل انتصاب ، ولكن استخدامها لازم يكون تحت إشراف الطبيب علشان ميحصلش اي مضاعفات.
- الحقن الموضعي : بنستخدمه بعد فشل العلاج بالأدوية والمنشطات الجنسية ، والحقن الموضعي بيكون عن طريق حقن القضيب بإبرة رفيعة جدا ، وكمان بيحقق الانتصاب في خلال 10 دقائق من الحقن.
- دعامة العضو الذكري : ودي تعتبر الحل النهائي بعد فشل العلاج بالادوية والحقن الموضعي ، وبتحقق انتصاب يشبه الانتصاب الطبيعي تماما بنسبة 100% ، وليها كذا نوع وكذا اصدار علشان تناسب مقاس كل عضو ذكري.
ودلوقتي خليني اقولك على شوية نصائح للوقاية من ضعف الانتصاب ، و لتجنب ارتخاء القضيب اثناء ممارسة العلاقة الزوجية :
- النوم جيدا خاصة بعد يوم عمل شاق ، لان ده بيحسن من مستوى هرمون التستوستيرون في الجسم وبيعزز من الرغبة الجنسية.
- تناول الأطعمة الصحية المفيدة لصحة الجسم ، وتجنب تناول الأطعمة التي تحتوي على نسب عالية من السكريات والدهون.
- ممارسة التمارين الرياضية بانتظام ، خاصة تمارين كيجل.
- التقليل من التوتر والضغوطات لتحسين الحالة النفسية والاستعداد لبدء العلاقة الزوجية.
- الإقلاع عن التدخين.
- استشارة الطبيب قبل استعمال اي ادوية او منشطات جنسية.
في النهاية ، لازم تكون عارف أن ضعف الانتصاب مهما كانت شدته ، فهو ليه علاج ، علشان كده مهم جداً وقت العلاقة الزوجية أننا نتابع ادائنا كويس جداً ، ولو حسينا ان في اي تغير ملحوظ ومستمر لفترة طويلة في حدوث الانتصاب ، منقلقش ونتابع مع دكتور متخصص علشان نعالج المشكلة دي.
ولو محتاج تتابع معانا حالتك ، تقدر تتواصل مع الفريق الطبي على رقم 01018874287 وهما هيحددولك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.