ما هي مميزات وعيوب الدعامة الهيدروليكية ؟

ما هي مميزات وعيوب الدعامة الهيدروليكية ؟

ضعف الانتصاب من اكبر المشاكل اللي بتواجه الرجل أثناء ممارسة العلاقة الزوجية ، وده بيخليه يحس بالضعف والعجز وممكن يدخله في مشاكل نفسية كثيرة ، لكن خليني اقولك ان ده كان زمان ، لان دلوقتي بقي في طرق كثير نقدر نعالج بيها ضعف الانتصاب من جذوره ، بدا من العلاج الدوائي والحقن الموضعي وصولا لتركيب دعامة العضو الذكري، ومن خلال المقال ده هنتكلم عن واحدة من أهم دعامات العضو الذكري ، وهي الدعامة الهيدروليكية.

بس قبل ما نتكلم عن مميزات وعيوب الدعامة الهيدروليكية ، خليني اقولك نبذة بسيطة عن ضعف الانتصاب : 

في البداية لازم تكون عارف ان ضعف الانتصاب بيحدث نتيجة خلل في الأوعية الدموية اللي بتوصل الدم للقضيب ، والخلل ده ياما بيكون بسبب ضعف في ضخ الدم إلى القضيب او ان مش بيتم الاحتفاظ بالدم داخل القضيب نتيجة تسربه خارج العضو الذكري قبل ما نخلص العلاقة الزوجية.

وبعد ما بنجرب العلاج الدوائي والمنشطات الجنسية والحقن الموضعي ويفشلوا معانا ، بنلجأ لتركيب دعامة العضو الذكري كحل نهائي لعلاج مشكلة الضعف الجنسي.

ودلوقتي تعالوا نعرف مع بعض ايه هي الدعامة الهيدروليكية : 

الدعامة الهيدروليكية هي نوع من أنواع دعامات العضو الذكري ، وبتكون أقرب لشكل وحجم العضو الذكري الطبيعي ، 

وبتعمل عمل الانتصاب الطبيعي تماما ، وفي منها نوعين : 

• الدعامة الهيدروليكية الثنائية : وتتكون من قطعتين ، الدعامة والمضخة 
• الدعامة الهيدروليكية الثلاثية : وتتكون من 3 قطع 

1/ الدعامة : بتتركب في العضو الذكري نفسه وهي اللي بتكون مسؤولة عن الانتصاب

2/ الخزان : وده بيتركب في اسفل البطن وبيكون جواه السائل اللي بيضخ في الدعامة ويخليها تنتصب.

3/ المضخة : ودي بتتركب في كيس الصفن ، ووظيفتها أنها تطلع السائل من الخزان لما نضغط عليها وتضخه جوا الدعامة فيحصل انتصاب ، وبعد ما بنخلص العلاقة الزوجية بندوس علي الزرار اللي موجود في المضخة ، فالسائل ده يرجع تاني الى الخزان ، فيحصل ارتخاء للعضو الذكري. 

ودلوقتي تعالوا نعرف ايه هي مميزات الدعامة الهيدروليكية : 

1. بتساعد في الحصول على انتصاب قوي يشبه الانتصاب الطبيعي بعد الضغط على المضخة في 15 ثانية فقط.
2. وكمان بيحصل ارتخاء للعضو الذكري مشابه للطبيعي بعد الانتهاء من العلاقة الزوجية.
3. العمر الافتراضي لها يتراوح بين 15 – 20 عامًا.
4. لا يمكن ملاحظتها عند تركيبها عكس الدعامة المرنة. 
5. ملهاش اي تأثير سلبي على القذف أو على الإحساس بالمتعة.
6. الدعامة الهيدروليكية ليها كذا نوع وكذا إصدار وده طبعاً بيخليها تناسب مقاس كل قضيب.
7. نسبة نجاحها تتخطى 95%.

ودلوقتي تعالوا نعرف ايه هي عيوب الدعامة الهيدروليكية : 

1/ لأن الدعامة الهيدروليكية بتكون مكونة من 3 اجزاء ، وده بيخليها معرضة للاعطال الميكانيكية.

2/ الدعامة الهيدروليكية لو اتركبت بطريقة غلط ، ممكن يحدث تآكل في الجلد ونزيف ، أو ممكن يحصل تدمير للجسم الكهفي ، وكل ده طبعاً بيرجع لخبرة وكفاءة الجراح في العمليات. 

ولازم تكون عارف ان الدعامة الهيدروليكية بيكون ليها اصدارات كثير علشان تناسب مقاس كل عضو ذكري زي : 

أنواع الدعامة الهيدروليكية المتوفرة عالميًا:

1. الدعامة الهيدروليكية Coloplast
   • تعتبر من أقدم أنواع الدعامات، وأثبتت نجاحها في حالات كثيرة كانت بتعاني من ضعف الانتصاب.
   • أقل عرضه للفشل الميكانيكي.
   • متوفرة بنوعين Titan – Titan NB 
2. الدعامة الهيدروليكية Rigicon
   • هي صناعة أمريكية وكمان أثبتت نجاحها في حالات كثيرة كانت بتعاني من ضعف الانتصاب.
   • وتتميز بان المضخة فيها بتكون أكبر، والزرار أكثر بروزًا، بعكس دعامة Coloplast اللي زرارها بيكون غير محسوس.
   • متوفرة بنوعين:
     • Infla 10
     • AMS 700™ Series بـ 3 إصدارات(CX – CXP – LGX)

ودلوقتي تعالوا نعرف مع بعض ازاي اصلا الدعامة بتتركب : 

1/ في البداية لازم تكون عارف ان مهم جدا ناخد جرعة مضاد حيوي قبل العملية ، عشان ميحصلش اي عدوي وقت تركيب الدعامة ، لان ده جسم غريب بنزرعه في العضو الذكري.

2/ بعد كده بنطهر المكان اللي هنعمل فيه الجرح كويس ، وبرضو علشان ميكونش عندنا أي فرصة لحدوث عدوى أو التهاب بعد العملية.

3/ وبعدها بنعمل فتحة في القضيب ونبعد الأوردة والشرايين علشان نوصل للنسيج الكهفي ونزرع الدعامة ، ولو كانت الدعامة مرنة ، بيتم ادخالها من خلال شق جراحي أسفل رأس القضيب أو من خلال شق بين القضيب وكيس الصفن ، أما الدعامة الهيدروليكية بيتم ادخالها من خلال شق واحد بس ، بندخل منه الدعامة و المضخة والخزان.

4/ بعد كده لازم نتاكد كويس ان مقاس الدعامة مناسب لطول العضو الذكري لا أطول ولا أقصر  ، لأنها لو كانت 

• اقصر ده هيخلي رأس العضو الذكري مرتخية.
• ولو كانت اطول ده هيسبب ألم شديد جدا للزوج والزوجة وقت العلاقة الزوجية وممكن الدعامة تخرم رأس العضو الذكري.

5/ وبعد ما خلاص ركبنا الدعامة في مكانها المظبوط ، بنبدا نقفل الجرح بخيوط تجميلية علشان ميكونش ليه اي اثر.

وده فيديو توضيحى بيوضح ازاي تتجنب أي التهابات أو عدوى بعد تركيب دعامة العضو الذكري مع الدكتور اسامة البكل…

في النهاية ، لازم تكون عارف ان الدعامة الهيدروليكية هي الحل النهائي والفعال لعلاج ضعف الانتصاب ، وعلى الرغم من أن تكلفتها مرتفعة ، الا ان نسبة نجاحها تخطت الـ 95% ودي نسبة مش بسيطة خالص كنسبة نجاح عملية جراحية ، فهي بتساعد المريض على التحكم الكامل في الانتصاب وفي الوقت اللي يحدده وبتخليه يستمتع بحياة زوجية سعيدة.

ولو خلاص اخدت قرار العلاج معانا ، تقدر تتواصل مع الفريق الطبي علي الرقم ده 01018874287 ، وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.