اعراض و اسباب دوالي الخصية

اعراض و اسباب دوالي الخصية

كتير مننا بمجرد ما بيسمع ان عنده مشكله فى الخصيه او فى المنطقه التناسليه عموما ، بيبتدى يسأل نفسه يعنى انا كده مش هقدر اخلف ولا يكون عندي اولاد ، و هل ده هيأثر على العلاقه الزوجيه ، ويبدأ يكتئب و يحس ان حياته وقفت ، مع ان كل حاجه دلوقت ليها علاج ، بس المهم نكتشف المشكله من بدرى و نعرف كويس أسبابها، و ازاى اقدر اعرف هل انا فعلا عندى دوالى فى الخصية ولا هو مجرد احتقان فى الخصية .

طيب فى البدايه خلونا نتكلم عن ازاى اقدر اعرف ان انا عندى دوالي فى الخصية :

• لو حسيت بتورم فى كيس الصفن و ده ممكن نلاحظه بمجرد النظر أو عن طريق لمس كيس الصفن .
• تضخم في أوردة الخصية .
• الاحساس بتقل في الخصية ، و فى الاغلب التقل ده بيكون فى الناحية الشمال ، و ده بسبب شكل الاورده زيادة تدفق الدم فى الناحية الشمال و عشان كده احتمالية اصابتها بدوالي الخصية بتكون اكتر من الناحية اليمين .، لكن بردو فى حالات تانيه بيكون التقل فى الناحيه اليمين ، او فى الناحيتين .
• لو حسيت بألم فى الخصية عند الجلوس و بذل اى مجهود ، والالم ده بيختفى بمجرد الاستلقاء .
• نيجى بقى لاهم عرض و هو تأثير دوالي الخصية على الخصوبة لأنها بتأثر على الحيوانات المنوية ، و ده طبعا بيكون دليل على أن دوالي الخصية هي السبب الاساسى فى تأخر الإنجاب .

دوالى الخصية كمان بتأثر على هرمون التستوستيرون ، و ده بيكون ليه اضرار كتير زى

• قلق و اضطراب فى النوم .
• و بيسبب كمان انخفاض فى الرغبة الجنسية .
• و عدم القدرة على الانتصاب.
• و كمان نقص في الكتلة العضلية للجسم .
• زيادة إفراز العرق بشكل مفاجئ .
• و اخيرا من اضرار دوالى الخصية انكماش أو ضمور فى الخصية .

كده احنا عرفنا الأعراض ، طيب انا ليه ممكن يحصلى دوالي فى الخصية ، و ده اللى هيوضحهولنا حالا د/أسامة محمد البكل .

اسباب دوالي الخصيه :

• عوامل وراثية ، بمعنى وجود تاريخ مرضى فى الإصابة بدوالي الخصية .
• لو عندنا خلل في الأوردة الدموية المغذية للخصية ، و ده بيسبب تغير فى درجة حرارة الخصية ، و بيزود حرارتها عن المعدل الطبيعى ، و طبعا ده هيأثر على الحيوانات المنوية ، و خلينا نعرف حاجه مهمه هنا ، ان تغير درجة حرارة الخصية بيكون هو السبب الاساسى فى اننا نحس بالألم اللى اتكلمنا عنه في الأعراض ، و ده بسبب ان ربنا خلق الخصية بره جسم الانسان عشان تكون درجة حرارتها اقل من جسم الانسان بدرجتين و خلاها فى كيس الصفن ، واللى بيكون مسؤول عن حاجتين ، الوظيفه الاولى انه يشيل الخصية فـمنحسش بتقلها ، والوظيفة الثانية انه بيتحكم فى درجة حرارة الخصية ، فـلما بتكون درجة حرارة الخصية عاليه ، كيس الصفن ده بيتمدد علشان يبرد الخصية ، فـلما بيحصل خلل فى الأوردة الدموية بسبب دوالى الخصية ، الخصية بتكون سخنه طول الوقت ، وبكده كيس الصفن هيكون على طول مرتخي ، و ده هيخلى تقل الخصية كله يكون على الحبل المنوى ، وهو ده اللى بيسبب الالم طول الوقت .
• تورم الغدد الليمفاوية .
• التعرض المستمر للإثارة الجنسية بدون ممارسة .
• الاصابة بجلطات الاوردة .
• و اخيرا اننا بكون بنتعرض يومياّ لدرجات حرارة عاليه ، زى مثلا الناس اللى بتشتغل فى صناعة الزجاج بيكون وقفين لساعات طويله قدام النار و ده بيخليهم بتعرضوا لسخونه شديده ، وده بيسبب تغير في درجة حرارة الجسم و الخصية .

ولو عايز تعرف ازاى نتاكد ان اننا لازم نعمل عملية دوالي الخصية ، اسمع الفيديو ده مع الدكتور اسامة البكل…..

طيب من كل اللى فات ده نفهم ايه :

نفهم ان دوالى الخصية مش مرض خطير ، دوالي الخصية مش هتضيع حلمك فى انك تكون اب ، و انك تعيش حياتك الزوجيه بشكل طبيعى بس المهم اننا نكتشفها بدرى و اننا نعالجها صح على حسب نوع و درجة الدوالي .

و لو لسه عاوز تعرف اكتر عن علاج دوالي الخصية ممكن تتواصل مع فريقنا الطبى على رقم 01018874287 ، و هما هيجوبوا على كل استفساراتك ، او تطلب منهم تحديد معاد مع دكتور اسامه محمد البكل مدرس واستشار