هل عملية دوالي الخصية ممكن تسبب قيلة مائية على الخصية ؟

هل عملية دوالي الخصية ممكن تسبب قيلة مائية على الخصية ؟

عملية دوالي الخصية عملية بسيطة وسهلة جدا وبتعالج مشاكل كتير زي تخفيف الألم وعلاج تأخر الإنجاب عند الزوجين ، بس مهم تبقي عارف انها لو متعالجتش صح واختارنا الطريقة اللي نعالجها بيها بدقة ، ممكن تكون السبب في ضمور الخصية أو القيلة المائية على الخصية. 

وقبل ما نتكلم عن الطريقة الغلط اللي لو عالجنا بيها دوالي الخصية ممكن تسبب لنا قيلة مائية على الخصية ، تعالوا الاول نعرف ايه هي القيلة المائية : 

ببساطة كدة لازم تكون عارف ان الخصية بتكون متحوطة بغشاء بريتوني رقيق جداً ده علشان يسهل نزول الخصية من البطن وقت تكوينها في رحم الأم ، وكمان الغشاء ده بيساعد الخصية أنها تتحرك مع حركة أجسامنا الطبيعية جوا كيس الصفن ، والغشاء ده بيعمل إفرازات ، والافرازات دى بعد كدة بتتفرغ عن طريق الأوعية الليمفاوية الموجودة في الحبل المنوي ، والقيلة المائية دي بتحدث نتيجة تجمع السوائل حول الخصية في حالة وجود انسداد في الأوعية الليمفاوية المسؤولة عن تفريغ السوائل من الخصية.

ودلوقتي تعالوا نعرف ايه هي اعراض القيلة المائية :

1/ لو لقينا تورم او انتفاخ في الخصية. 

2/ لو حسيت انك مش مرتاح فى الحركة ، أو وقت العلاقة الزوجية بسبب تقل الخصية.

3/ أو لو حسينا بتقل فى الخصية وزيادة في حجمها. 

4/ وممكن بردو لو التورم كبير هيكون ظاهر فى اللبس. 

وبعد ما عرفنا ايه هى اعراض القيلة المائية ، تعالوا نعرف ايه علاقتها بعملية دوالي الخصية ، 

وهل ممكن عملية دوالي الخصية تسبب للشخص قيلة مائية ؟ 

في البداية لازم تكون عارف ان عملية دوالي الخصية عملية بسيطة وسهلة ، لكن لو اتعملت بطريقة غلط زي الجراحة التقليدية أو جراحة المنظار ممكن تسبب للمريض قيلة مائية على الخصية ، زي : 

1/ الجراحة التقليدية :

لازم تبقي عارف ان الجراحة التقليدية من الطرق اللي كانت بتتعمل بيها عملية دوالي الخصية زمان ، واللي بيحصل فيها ، أن الدكتور بيفتح فتحة في اسفل البطن وبالتحديد في المنطقة الاربية ، ويبدا يشوف فين الاوردة المنتفخة اللي عاملة الدوالي ويربطها كلها ، ولانه مش بيكون معاه اي ادوات او اجهزة حديثة ، وبيكون معتمد علي نظره وادواته الجراحية بس ، ده طبعا بيسبب للمريض مشاكل ومضاعفات كثير بعد العملية ، زي : 

• القيلة المائية : لأن وقت العملية ممكن يحصل ربط للأوعية الليمفاوية بالغلط مع الأوردة ، والأوعية الليمفاوية دي زي ما قولنا قبل كده هي اللي بتكون مسؤولة عن نقل السوائل في الجسم ، فلما بيحصلها ربط بتبدأ السوائل تتجمع حوالين الخصية في كيس الصفن وتعمل قيلة مائية ، وده بيحصل لو عملنا عملية دوالي الخصية بالجراحة التقليدية  من غير ما نستخدم الميكروسكوب الجراحي.

2/ جراحة المنظار : 

ومضاعفاتها زي مضاعفات الجراحة التقليدية بالظبط.

لأن المريض بيكون تحت تأثير التخدير الكلي ، والجراح بيعمل شقوق صغيرة في منطقة البطن علشان يدخل منها المنظار والأدوات الجراحية والكاميرات ، علشان يربط الاوردة المصابة اللي فيها الدوالي ، والطريقة دي برضو بتضر الخصية لأن الجراح مش بيكون معاه اي اجهزة حديثة تساعده انه يشوف مكان العملية بشكل أوضح ، وساعتها ممكن يربط الأوعية الليمفاوية بالغلط مع الأوردة ويحصلنا قيلة مائية على الخصية.

1/ لأن الميكروسكوب الجراحي بيساعد في تكبير مكان العملية ، وده بيساعدنا اننا نميز بين الشرايين والأوردة بشكل واضح جداً ، لان المكان اللى احنا بنعمل فيه العملية هو مكان دقيق جدا.

2/ ده غير كمان ان الميكروسكوب الجراحي بيساعد الجراح إنه يشوف الأوعية الليمفاوية ويتجنب ربطها وقت العملية ، وبكدة مش هيحصلنا قيلة مائية على الخصية.

3/ ومن خلال قوة التكبير ، الجراح بيقدر يتجنب ربط  الشريان الخصوي اللي بيغذي الخصية ، وبكدة هيحافظ على الخصية ان يحصلها ضمور.

4/ وكمان بنقدر نوصل لكل الأوردة ، حتى الأوردة الصغيرة ونربطها كلها ، عشان ميحصلش ارتجاع للدوالى مره ثانيه بعد العملية ، وده اللي مش بنقدر نعمله في الجراحة التقليدية أو المنظار.

5/ والعملية مش بتاخد أكتر من ساعة واحدة بس ، والمريض بيقدر يروح البيت في نفس اليوم ، ويرجع للشغل بعد 3-5 أيام.

6/ وبالنسبة للعلاقة الزوجية بنقدر نمارسها بعد العملية باسبوع واحد بس.

ولو عايز تعرف ايه هي التعليمات والنصائح اللي لازم تلتزم بيها بعد عملية دوالي الخصية بالميكروسكوب ، اسمع الفيديو ده من الدكتور اسامة البكل…

وفي النهاية ، لازم تبقي عارف ان عملية دوالي الخصية مش مجرد أوردة متضخمة هندخل نعملها عملية ونربطها وخلاص الموضوع انتهى ، لازم نركز كويس جداً ، لأنك داخل تعمل عملية علشان تعالج مشكلة عندك مسبب لك ضغط وألم ، مش علشان تزود عليها مشكلة جديدة ، عشان كده اختيار الطريقة المناسبة لعلاج دوالي الخصية هو الخطوة الأهم علشان تضمن نجاح العملية بدون أي مضاعفات.

ودلوقتي لو محتاج تطمن على نفسك ، تقدر تتواصل مع فريقنا الطبي علي الرقم ده 01018874287 ، واحنا هنحددلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.