هل عملية دوالي الخصية ممكن تسبب عقم ؟
لو هتعمل عملية دوالي الخصية لازم تبعد عن الجراحة العادية وجراحة المنظار لأنهم هيسببوا ضمور للخصية وضعف في الخصوبة ، لأن المضاعفات هتكون اكبر بكثير من الجراحة الميكروسكوبية.
هل ممكن عملية دوالي الخصية تضر بقدرتك الانجابية او تؤدي الى ضمور الخصية او نقص في انتاجية هرمون الذكورة في الجسم ؟
خليني اقولك ان ده ممكن يحصل في بعض الحالات لو تم ربط الشريان الخصوي اللي بيغذي الخصية بالدم ، وده بيحصل في الجراحة العادية او الجراحة بالمنظار ، وبتكون احتمالية ربط الشريان الخصوي في وسط الاوردة عالي جدا ، وده اللي الجراحة الميكروسكوبية جاءت لتعالجه باستخدام التكبير الجراحي والأدوات الميكروسكوبية الدقيقة قدرنا اننا نحافظ علي الشريان الخصوي ، فبالتالي احتمالية حدوث ضمور أو تضرر للخصية بيكون اقل من الجراحات العادية.
لان طبعا استخدام التكبير اكبر من 20 ضعف الرؤية العادية مع الأدوات الميكروسكوبية الدقيقة نقدر اننا نحافظ علي الشريان الخصوي في وسط الاوردة ، ده غير كمان انه بيدينا مميزات تانية في ربط دوالي الخصية ، زي اننا بنقدر نربط كل الاوردة الكبيرة والصغيرة والأوردة الثانوية ودي ميزة مش موجودة في الاشعة التداخلية ، لان ده بيخلي فرص ارتجاع الدوالي مرة تانية اقل بكثير وفرص تحسن اعلي بكثير.
لذلك فجراحة دوالي الخصية بالطريقة الميكروسكوبية هي أفضل طريقة لعملية الدوالي في العالم كله ، لأن فرص التحسن أعلى وفرص المضاعفات أقل وبالتالي فرص نجاح أعلى بالنسبة للقدرة الانجابية ، وكمان كل المضاعفات اللي ذكرناها قبل كدة فرص حدوثها اقل بكثير في الجراحة الميكروسكوبية.
وفي النهاية ، اهم حاجة في عملية دوالي الخصية هي :
- اختيار المريض : بمعنى ان المريض ده يكون فعلا مشكلته الرئيسية هي دوالي الخصية ويكون محتاج للعملية ، لان مش كل مريض عنده دوالي في الخصية بيكون محتاج للعملية ، لان في معايير معينة ذكرناها قبل كده ، وهي امتي المريض اللي عنده دوالي في الخصية يكون محتاج فعلا للعملية وهتفيده في مشكلة تأخر الإنجاب.
- ثاني حاجة ان ميكونش الهم الرئيسي بالنسبة للمريض انه يحصل حمل ، ان يحصل تحسن في تحليل السائل المنوي ، مش قصة وجع أو جرح العملية ، ولان دي ميزة بتكون موجودة في الاشعة التداخلية ، ولكن في النهاية فرص التحسن بالنسبة للإنجاب افضل بالكثير في الجراحة الميكروسكوبية عن الأشعة التداخلية.
ولو لسه عندك اي استفسار عن عملية دوالي الخصية بالجراحة الميكروسكوبية ، تقدر تبعتلنا على رسايل الصفحة او من خلال الواتساب 01018874287
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :