اي الهدف من تشخيص مريض ضعف القدرة الجنسية وتأخر الإنجاب؟ , فيديو ازاي تتاكد ان دوالي الخصية اللي عندك ماثرة عليك ومحتاجة للعملية , فيديو امتي يكون تركيب دعامة العضو الذكري هي الحل الوحيد لعلاج ضعف الانتصاب ؟
اسباب ضعف الانتصاب العضوي كتيرة جدا ، ممكن تكون نتيجة انخفاض في مستوى هرمون الذكورة في الجسم ، او سمنة مفرطة ، أو الاصابة بأحد الامراض المزمنة زي الضغط او السكر او امراض القلب لأن كل دي أمراض بتاثر على الأوعية الدموية ، والعضو الذكري ما هو إلا وعاء دموي بيتاثر بكل الامراض دي وبيحصل فيه ارتخاء أثناء ممارسة العلاقة الزوجية.
ضعف الانتصاب ممكن يحصل بسبب مشاكل نفسية ، زي ان الشخص ممكن يكون بيتعرض لضغط نفسي طول الوقت أو الاكتئاب والقلق والتوتر من ضغوط الحياة ، أو أن يكون في مشاكل وخلافات بينه وبين زوجته ، ممكن تاثر على العلاقة الزوجية وتسبب ضعف انتصاب.
المشاكل والخلافات بين الزوج والزوجة ممكن تكون السبب في ارتخاء العضو الذكري وضعف الانتصاب وقت ممارسة العلاقة الزوجية ، لأن المشاكل دي بتخلق عند الزوج نوع من التوتر والقلق في العلاقة الزوجية.
انواع ضعف الانتصاب ، ضعف انتصاب أولي بمعنى أن الشخص مصاب بيه من اول سن البلوغ ، وضعف انتصاب ثانوي بمعنى أن الشخص كان عنده انتصاب وصلابة طبيعية وفجأة حصل له ضعف وارتخاء للعضو الذكري ، ولو فشل العلاج بالأدوية والمنشطات الجنسية وكذلك الحقن الموضعي ، بنلجأ لاخر حل وهو تركيب دعامة لقضيب.
نقص مستوى هرمون الذكورة في الجسم بيسبب ضعف انتصاب ، لأن انخفاض هرمون التستوستيرون بيؤدي الى انخفاض الرغبة الجنسية ، وزي ما قولنا قبل كدة علشان يحصل انتصاب للعضو الذكري أثناء العلاقة الزوجية ، لازم الشخص يكون عنده رغبة جنسية علشان يمارس العلاقة الزوجية.
مرض بيروني او اعوجاج القضيب بيكون سبب في الإصابة بضعف الانتصاب ، لانه بيكون عبارة عن تليفات بتحصل في أنسجة القضيب ، والتليفات دي مش بتتمدد وقت الانتصاب وممكن تخلي شكل القضيب يبان أقصر وقت الانتصاب ، وبيسبب ألم شديد للزوج والزوجة وقت العلاقة الزوجية ده غير انه كمان هياثر على الإنجاب, فيديو علاقة مرض بيروني بتركيب دعامه القضيب
مرض باركنسون ( الشلل الرعاش ) من أهم الأمراض والمشاكل اللى بتسبب ضعف انتصاب عند الرجل، لأنه بياثر على الأعصاب ، وعلشان يحصل انتصاب للعضو الذكري ، لازم الجهاز العصبي في الدماغ يرسل إشارات إلى القضيب باسترخاء العضلات الملساء وتمدد الشرايين علشان الدم يوصل الى القضيب فيحصل انتصاب ، ومرض باركنسون بياثر على الجهاز العصبي.