ايه الفرق بين الم دوالي الخصية وألم الاحتقان الجنسي ؟
خلينا نبدأ المقال ده بسؤال مهم جدا هل كل ألم في الخصيتين معناه ان انت عندك دوالي على الخصية ولازم تعمل عملية ؟
هقولك ان لا طبعا مش كل ألم في الخصية معناه ان انت عندك دوالي ، لان ممكن يكون عندك احتقان في الخصية وهو اللي مسبب لك الألم.
و دلوقتي خلينا نعرف مع بعض ايه الفرق بين الم دوالي الخصية وألم الاحتقان الناتج عن الإثارة الجنسية
1. ألم دوالي الخصية
دوالي الخصية هي عبارة عن أوردة منتفخة موجودة حول الخصية داخل كيس الصفن، ووجود دوالي في الخصية خصوصا لو كانت من الدرجة الثانية أو الثالثة فهي بتعمل الم شديد للشخص ، خاصة لو كان الشخص ده شغال في وظيفة بتتطلب منه انه يقف أو يقعد فترات طويلة ، لان في الحالة دي الدوالي بتسبب ضغط على أوردة الخصية ، وده اللي بيسبب الالم.
ودلوقتي خليني اقولك ايه هي أعراض دوالي الخصية ؟
1/ هتحس بوجود كتلة غريبة داخل كيس الصفن.
2/ هتحس بألم في منطقة الخصية، والالم ده بيزيد لما بتقف فترات طويلة أو بعد ممارسة التمارين الرياضية أو بعد التعرض لدرجات الحرارة العالية، وبيقل الألم عند الاستلقاء على ظهرك..
3/ هتلاحظ كمان ان حجم الخصية عندك بيصغر ، او ان فيه فرق واضح جدا في حجم الخصيتين.
وبعد ما عرفنا ايه هى الاعراض والعلامات اللي بتظهر علي الشخص اللي عنده دوالي على الخصية ، تعالوا نعرف مع بعض ايه هى طرق علاج دوالي الخصية
في 4 طرق لعلاج دوالي الخصية
1/ الجراحة التقليدية
2/ جراحة المنظار
3/ الأشعة التداخلية
4/ الجراحة الميكروسكوبية
وممكن تعرف من المقال دا ليه الجراحة الميكروسكوبية افضل طريقة لعلاج دوالي الخصية
وبعد ما عرفنا ألم دوالي الخصية عبارة عن ايه ، تعالوا نعرف مع بعض ايه هو ألم احتقان الخصية
2. ألم احتقان الخصية
احتقان الخصية بيصيب الشباب خصوصًا ما بين 15 إلى 35 سنة ، وبيحصل نتيجة الإثارة الجنسية المتكررة أو ممارسة العادة السرية من غير الوصول للقذف الطبيعي اللي بيحصل أثناء العلاقة الزوجية ، ونتيجة كده ، بيبدأ يتراكم الدم والسائل المنوي حوالين الخصية والبروستاتا، وده بيسبب ألم شديد و انزعاج للشخص.
ودلوقتي تعالوا نعرف مع بعض ايه هي أعراض احتقان الخصية
1/ بتحس بألم شديد في الخصيتين وأسفل البطن.
2/ هتلاحظ احمرار وانتفاخ في كيس الخصية.
3/ ممكن يحصل التهاب في مجرى البول.
4/ حدوث احتقان أو التهاب في غدة البروستاتا.
وخلينا نقول معلومة مهمة جدا وهي إن الإفراط في ممارسة العادة السرية اللي بيمارسها معظم الشباب هي اللي بتكون السبب في حدوث الاثارة الجنسية لفترة طويلة بالذات لو بتحصل من غير حدوث قذف ، و ده بينتج عنه أن الخصية بيحصل فيها احتقان بسبب ان الدم والسائل مش بيخرجوا بشكل طبيعي زي ما بيحصل في العلاقة الزوجية ، والاحتقان ده هو اللي بيخلي الشخص ده يشعر بألم شديد في الخصية ، لذلك بننصح الشباب من ممارسة العادة السرية أو التعرض للإثارة ، لأن عدم ممارستها هيخفف من الالم اللي بيحصل في الخصية نتيجة الاحتقان اللي بيحصل في الخصيتين.
وتعالوا نعرف مع بعض ايه هو علاج احتقان الخصية
علاج احتقان الخصية بيكون باستخدام بعض الأدوية والعلاجات اللي بتقلل من الاحتقان في الخصية أو منطقة الحوض ، بالاضافة الى المضادات الحيوية في حالة وجود ميكروب أو التهابات في الخصية أو في البربخ أو في البروستاتا للتقليل من الاحتقان ، وكذلك وضع كيس من الثلج على المنطقة المصابة للتقليل من الألم ، بالإضافة للتعامل مع السبب الذي أدى للاحتقان من الأساس.
ولو عايز تعرف معلومات اكثر عن اسباب وجع الخصية ، وامتي يكون الوجع اللي عندك سببه دوالي الخصية ، اسمع الفيديو ده مع الدكتور اسامة البكل…
ولو احتجت تتواصل معانا ونحجز لك ميعاد مع دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287