هل الخلايا الجذعية بتعالج ضعف الانتصاب ؟
الخلايا الجذعيه وحقن البلازما مش علاج لضعف الانتصاب ، لانهم لسه تحت التجربة والبحث العلمي ومفيش أي حاجة تثبت أنهم علاج فعال لضعف الانتصاب.
الخلايا الجذعية كعلاج لضعف الانتصاب والعجز الجنسي
اولا خلينا ناكد أن الخلايا الجذعية مازالت قيد التجربة واتعمل عليها بعض الأبحاث العلمية اللي عددها محدود على مستوى العالم ويصل إلى حوالي 10 أبحاث علمية على تأثيرها على ضعف الانتصاب بالنسبة للمرضي اللي فشل معاهم كل الطرق العلاجية الأخرى في علاج ضعف الانتصاب عندهم.
وكانت النتيجة الأولية جيدة ومبهرة في بعض الأبحاث ولكن حتى الآن موصلتش انها تبقى خيار علاجي ، وأنها تتحط في أي معايير علاجية دولية سواء أوروبية أو أمريكية ، بالتالي موضعها في علاج ضعف الانتصاب لازالت تجريبية ، بمعنى أن ينفع اقول للمريض هنجربها ولكن دي تجربة وبحث علمي لسه لم يثبت فعاليته ، لسه مينفعش اقول للمريض أن ده خيار علاجي لضعف الانتصاب.
وكذلك برضو حقن البلازما مازالت تحت التجربة وعدد الأبحاث العلمية اللي اتعملت عليها مش كبيرة وفعالياتها مش مثبتة ، وايوا آمنة علي القضيب ومش بتعمل اي مشاكل ، ولكن لازالت قيد البحث العلمي ، فمينفعش اني اقول للمريض أن ده خيار علاجي.
بالتالي الخلايا الجذعية والحقن البلازما قيد التجربة ، ينفع أقول للمريض أن دي تجربة علمية ويبقى عارف ايوه انها تجربة علمية ولكن مش خيار علاجي لضعف الانتصاب.
ولو عندك اي استفسار عن علاج ضعف الانتصاب ، ممكن تبعتلنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :