هل دوالي الخصية تزول مع الوقت ؟
دوالي الخصية تعتبر من الحالات الشائعة التي تصيب عدد كبير من الرجال ، وهي أيضا أحد أسباب ضعف الخصوبة وتأخر الإنجاب ، ولكن السؤال الاهم اللي دايما نتساله من بعض المرضي ، هل يمكن أن تختفي دوالي الخصية مع مرور الوقت ؟
من خلال المقال ده هجاوبك علي سؤالك ، وهقولك علي العلاج النهائي لدوالي الخصية…
لكن دلوقتي تعالوا نعرف مع بعض ايه هي دوالي الخصيتين :
دوالي الخصية هي عبارة عن تضخم في الاوردة المحيطة بالخصية الموجودة داخل كيس الصفن ، والتضخم ده بيحصل نتيجة ضعف الصمامات الموجودة في الاوردة ، واللي مسؤولة عن تنظيم تدفق الدم من الخصيتين الى القلب ، ومنع عودته تاني للخصية ، فلما الصمامات دي بتضعف ، بالتالي الدم بيرجع تاني للخصية ويفضل يتراكم جوا الاوردة ، وهو ده اللي بيسبب الدوالي.
ودلوقتي تعالي اجاوبك على سؤالك واقولك انك لازم تبقي عارف ان دوالي الخصية على عكس بعض الحالات الطبية الأخرى ، لا تختفي من تلقاء نفسها أو مع مرور الوقت ، بالعكس ده ممكن دوالي الخصية تزداد سوءًا إذا لم يتم علاجها ، خصوصا لو كانت تسبب أعراض واضحة.
ولو عايز تعرف هل الدوالي هي السبب الوحيد لوجع الخصيتين ، اسمع الفيديو ده مع الدكتور اسامة البكل…
ودلوقتي تعالي اقولك ايه هي اعراض وعلامات دوالي الخصية :
1/ ألم في الخصية : هتحس بألم مزمن في الخصية ، والالم ده هيزيد لما تقف لفترات طويلة ، وهيقل عند الاستلقاء على ظهرك.
2/ تورم كيس الصفن : بمعني انك هتلاحظ تورم وانتفاخ في كيس الصفن.
3/ صغر أو انكماش الخصيتين : هتلاحظ صغر وانكماش في حجم الخصيتين أو وجود فرق بينهم.
4/ ثقل وتضخم كيس الصفن : هتحس بثقل وتضخم في كيس الصفن ، وده بيكون نتيجة تجمع الدم بكميات كبيرة في الأوردة.
5/ تأخر الإنجاب : بمعنى أن الشخص اللي بيعاني من تأخر في الإنجاب ، والزوجة معندهاش اي موانع ، بيكون بنسبة كبيرة عنده دوالي في الخصية بدرجة كبيرة ومؤثرة عليه.
في الحالة دي لو كنت بتعاني من أي عرض من أعراض دوالي الخصية ، زي الألم أو ضمور الخصية ، أو كنت قلقان بخصوص الإنجاب ، فمهم جدا انك تستشير دكتور متخصص علشان تتلقى العلاج المناسب.
ومهم تبقي عارف ان علاج دوالي الخصية مش علاج دوائي ولا علاج بالاعشاب ولا حتى علاج طبيعي زي ما بنسمع من مرضي كثير ، علاج دوالي الخصية الوحيد هو الجراحة ، والاهم انك تبقي عارف ان في طرق جراحية كثير جدا لعلاج دوالي الخصية ، زي :
تعتبر من اقدم الطرق اللي كانت بتعالج دوالي الخصية ، واللي بيحصل في الجراحة التقليدية ، أن الجراح بيعمل فتحة في المنطقة الاربية في اسفل البطن ، ويبدأ يشوف فين الاوردة المنتفخة اللي عاملة الدوالي ويربطها ، والطريقة دي بتسبب مشاكل كثيرة جدا للمريض زي :
1/ أن الجراح مش بيكون معاه اي ادوية جراحية تساعده انه يشوف مكان العملية بشكل أوضح ، وده ممكن يخليه يربط الشريان الخصوي اللي بيغذي الخصية ، وبكده هنكون منعنا الدم أن يوصل الخصية ، وهيتسبب في ضمور الخصية.
2/ الجراح ممكن يربط الأوعية الليمفاوية بالغلط مع الأوردة ، وده هيسبب للمريض قيلة مائية على الخصية.
3/ وممكن الجراح ميشوفش الأوردة الصغيرة بالعين المجردة ، وبكدة هيكون عندنا فرصة كبيرة أن الدوالي ترجع تاني بعد فترة من العملية.
- جراحة المنظار :
مضاعفاته زي مضاعفات الجراحة التقليدية بالظبط ، لان المنظار مش بيخلينا نشوف الاوردة الدقيقة ونربطها ، ولا بيخلينا نقدر نحافظ علي الشريان الخصوي اللي ممكن يتأذى وقت العملية ، وعلشان كدة بيكون في احتمال كبير جدا ان دوالي الخصية ترجع تاني بعد العملية او ان يحصل ضمور للخصية.
مش بننصح بيها في علاج دوالي الخصية خاصة في حالات تأخر الإنجاب ، لأن فرصة أن يحدث ارتجاع للدوالي تاني في الاشعة التداخلية بتكون بنسبة كبيرة ، لاننا مش بنقدر نوصل لكل الاوردة المنتفخة اللي فيها الدوالي ، ده غير ان في الاشعة التداخلية بنضطر نعرض الخصية لجزء كبير من الإشعاع ، وده طبعا هيضر الخصية وهي اصلا بتكون متضررة بسبب الدوالي.
- الجراحة الميكروسكوبية : تعتبر افضل واحسن طريقة لعلاج دوالي الخصية
1/ لأنها بتساعدنا في تكبير مكان العملية وبنقدر نشوف كل حاجة بشكل واضح ، ده غير أن جرح العملية بيكون صغير اوي حوالي 2-3سم.
2/ بنقدر بسبب قوة تكبير الميكروسكوب ، اننا نحافظ علي الشريان الخصوي اللي بيغذي الخصية بالدم ، وبكدة الخصية مش هيحصل فيها ضمور.
3/ بنقدر نشوف الشعيرات الليمفاوية ونتجنب ربطها وقت العملية ، وبكدة مش هيحصلنا قيلة مائية على الخصية.
4/ كمان بنقدر اننا نشوف كل الأوردة ، حتى الاوردة الصغيرة والدقيقة اللي فيها دوالي ، وبكدة مش هيكون عندنا فرصة أن الدوالي ترجع تاني بعد فترة من العملية.
5/ بتقدر تخرج من المستشفى في نفس اليوم ، وترجع شغلك بعد 3-5 أيام من العملية.
6/ بتقدر تمارس العلاقة الزوجية بعد اسبوع واحد بس من العملية.
في النهاية ، متخليش حد يضحك عليك ويوهمك أن دوالي الخصية ممكن تزول وتختفي لوحدها مع مرور الوقت ، وخليك عارف ان علاجها الوحيد هو الجراحة ، وكمان دلوقتي ومع التقدم العلمي الجراحة الميكروسكوبية بقت من افضل واسهل التقنيات المستخدمة في علاج دوالي الخصية ، بس الأهم من كل ده التشخيص السليم ، ساعتها بس متترددش وتاخد قرار العملية في أسرع وقت قبل ما تسبب لك مضاعفات كتير متعرفش تعالجها بعد كدة.
ولو احتجت انك تتواصل معانا ، تقدر تبعتلنا علي الرقم ده 01018874287، واحنا هنحدد لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.