هل الخصية المعلقة تؤثر على الإنجاب ؟
عملية الإنجاب هي عملية بسيطة جداً ، بتبدأ بحيوان منوي واحد مع بويضة واحدة ، ومنبع الحيوان المنوي بيكون من خلال الخصيتين عند المولود الذكر ، إذ الخصيتين مع بعض ليهم وظيفة مهمة جداً وهي إنتاج الحيوانات المنوية المسؤولة عن تكوين الجنين ، لكن السؤال هنا بقي ، لو الشخص ده كان عنده خصية واحدة بس والتانية معلقة ومش موجودة ، هل ده ممكن يسبب له عقم ؟
هو ده اللي هنعرفه من خلال المقال ده ، بس قبلها تعالوا نعرف مع بعض ايه هى اصلا الخصية المعلقة ،
وهل الخصية المعلقة تؤثر على الإنجاب ؟
في البداية لازم تكون عارف ان الخصية بتنمو في أعلى تجويف البطن وفي خلال الشهر السابع من الحمل ، بتبدا الخصية تتحرك إلى القناة الاربية علشان تنزل في مكانها الطبيعي داخل كيس الصفن ، وهنا يجي دور الغدة النخامية في المخ ، لأنها بتفرز هرمونات ال fsh و lh ، لأن الهرمونات دي هي اللي بتحفز الخصية على إفراز هرمون التستوستيرون ، اللي بيلعب دور أساسي في نزول الخصية إلى كيس الصفن ، وده بيوضح لنا أن الخصية لو ممشيتش في المسار الطبيعي ونزلت الى كيس الصفن ، كدة الطفل ده هيكون عنده خصية معلقة.
والخصية المعلقة دي بتكون موجودة في حوالي 1% من المواليد الذكور ، وبتفضل خصية واحدة أو الاتنين معلقين داخل البطن ، والحالة دي لازم تتعالج خلال السنه الاولى من عمر الطفل بالجراحة علي يد جراح متخصص ، بس لازم قبلها نستني 6 شهور ، لان وارد جدا ان الخصية تنزل لوحدها خلال 4-6 شهور ، لان الغدة النخامية بتفضل شغالة لحد 6 شهور وبعدين بتقف.
وهنا بقي خليني اقولك علي المضاعفات والاضرار اللي هتحصل لو ماخدناش بالنا أن الطفل ده عنده خصية معلقة :
1/ في بعض الحالات هنعرف أن الغدة النخامية مش شغالة كويس ، و ساعتها مش هتفرز هرمونات fsh و lh بصورة طبيعية ، اللي هما اصلا بيشغلوا الخصية وبيحفزوها انها تنتج الحيوانات المنوية وهرمون الذكورة.
2/ هتسبب ضمور للخصية ، لأنها جوا البطن بتتعرض لدرجة حرارة عالية علشان كده ربنا خلق الخصيتين بره الجسم وجوا كيس الصفن عشان الدم اللي يوصلهم يكون دم بارد فتقدر تنتج الحيوانات المنوية وهرمون الذكورة ، وساعتها الشخص اللي عنده خصية معلقة هيعاني من تأخر في الإنجاب.
ودلوقتي تعالي اجاوبك علي سؤال انا متأكد انك بتفكر فيه ، هل يمكن الانجاب بخصية واحدة والتانية معلقة ؟
الاول لازم تكون عارف أن الخصية هي جزء اساسي من الجهاز التناسلي للرجل ، وكل رجل لديه خصيتين وظيفتهم إنتاج هرمون الذكورة المسؤول عن عملية البلوغ ، وإنتاج الحيوانات المنوية المسؤولة عن عملية الإنجاب.
وربنا سبحانه وتعالي كان ليه حكمه أنه يخلق كل مولود ذكر بخصيتين مش خصية واحدة ، لأن المولود ده خلال مراحل عمره الطويلة ممكن يتعرض لخبطة او اصابة شديدة في الخصية فيفقدها ، بالتالي وجود الخصية الثانية هتعوض فقد الاولي وهتقوم بوظيفتها في إنتاج هرمون الذكورة وإنتاج الحيوانات المنوية ولكن مش هتكون بنفس العدد والكفاءة اللي بتنتجه الخصيتين.
لكن في حالة وجود خصية معلقة والخصية التانيه فيها مشكلة ، ده برضو ميخليناش نفقد الأمل في الإنجاب ، لأن في الحالة دي هنبدا ناخد علاج هرموني نحاول ننشط بيه الخصية وبعدين نعمل عملية التفتيش الميكروسكوبي من الخصية عشان نستخرج منها الحيوانات المنوية السليمة ونعمل بيها حقن مجهري.
ولو عايز تعرف معلومات اكثر عن علاقة الخصية المعلقة بتاخر الانجاب ، اسمع الفيديو ده مع الدكتور اسامة البكل…
إذ في النهاية ، عاوزك تعرف حاجه مهمه جداً ، وهي أن مهما كانت مشكلتك اوعي أبدا تفقد الأمل فيها ، ولاني عارف ان الخصية هي جزء مهم في جسم الرجل ومسؤولة عن الإنجاب ، واي مشكلة هتحصل فيها هتاثر على حياته ومستقبله ، بس دلوقتي ومع التقدم العلمي في مجالات الطب بقت كل مشكلة وليها علاج ، سواء بالأدوية أو بالجراحة ، بس الاهم انك تاخذ القرار الصح علشان تتعالج صح.
ولو لسه عاوز تعرف معلومات أكثر عن الخصية المعلقة وتأثيرها على الإنجاب ، تقدر تتواصل معانا على الرقم ده 01018874287 واحنا هنحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
العمر المناسب لإجراء عملية الخصية المعلقة بين 6 إلى 18 شهرًا من عمر الطفل ، لتجنب المضاعفات المحتملة مثل مشاكل الخصوبة أو تلف الخصية.
الخصية المعلقة قد تؤثر على الخصوبة وعلى انخفاض هرمون التستوستيرون ، ولكن عملية الخصية المعلقة لا تؤثر بشكل مباشر على القدرة على الانتصاب.
تعتبر عملية الخصية المعلقة من العمليات الشائعة اللي بيتم اجرائها مع نسبة نجاح مرتفعة وخاصة عند إجرائها على يد جراح أطفال ماهر.