هل التأخير في عملية دوالي الخصية يسبب العقم ؟
دوالي الخصية من المشكلات الصحية المنتشرة بنسبة كبيرة واللي بتصيب حوالي 15% من الرجال ، ولكن تأثيرها بيكون كبير وملحوظ عند المتزوجين ، لانها بتكون السبب في اصابة حوالي 40% من الرجال بـ العقم وتاخر الانجاب ، والتأخير في علاجها مش هيحطك غير قدام طريق واحد وهو العقم.
بس قبل ما نتكلم عن ازاي دوالي الخصية بتسبب العقم ، خلونا الاول نوضح ايه هي دوالي الخصية وايه اعراضها :
دوالي الخصية بتحدث نتيجة تضخم في الأوردة المحيطة بالخصية الموجودة جوا كيس الصفن ، والتضخم ده بيحصل لان الاوردة بيكون جواها صمامات مسؤولة عن تنظيم تدفق الدم من الخصية الى القلب ومنع عودته تاني للخصية ، في حالة بقي أن الصمامات دي كان فيها عيب او خلل ، وقتها الدم هيرجع تاني للخصية ويفضل يتراكم جوا الأوردة و يتمدد ويتضخم وهو ده اللي هيسبب دوالي الخصية.
وبالرغم أن دوالي الخصية مش بنكتشفها غير بالفحص والتشخيص الظاهري ، إلا أن بيكون ليها أعراض على المريض بتساعدنا أننا نشخص دوالي الخصية زي :
1/ ألم في الخصية : هتحس بألم شديد في الخصية وكأنها مشدودة لتحت ، والالم ده هيزيد لما تقف فترة طويلة أو تتعرض لدرجة حرارة عالية ، وهيقل الألم لما تنام على ظهرك.
2/ صغر وانكماش في حجم الخصية : هتلاحظ صغر وانكماش في حجم الخصيتين أو في فرق بينهم.
3/ تورم كيس الصفن : هتلاحظ تورم موجود في كيس الصفن.
4/ ثقل وتضخم في كيس الصفن : هتحس بثقل وتضخم موجود في كيس الصفن ، وده بيكون بسبب تجمع الدم بكميات كبيرة في الاوردة.
5/ تأخر الإنجاب : ودي اهم نقطة ، لو الشخص كان بيعاني من تأخر في الإنجاب والزوجة معندهاش اي موانع صحية ، إذ السبب بنسبة كبيرة هيكون دوالي الخصية.
ودلوقتي تعالوا نعرف مع بعض ايه هي المضاعفات اللي هتحصل لو معالجناش دوالي الخصية أو اتاخرنا في علاجها :
1/ هتعمل صغر وانكماش في حجم الخصية ومع الوقت ممكن يوصل لضمور الخصية.
2/ تاخر الانجاب.
ولو عايز تعرف ازاي الشخص يخلف مرة قبل كده وبعدها يحصل عنده تأخر في الإنجاب ، اسمع الفيديو ده مع الدكتور اسامة البكل…
ودلوقتي تعالوا نجاوب بالتفصيل على سؤالنا ، هل التأخير في إجراء عملية دوالي الخصية بيسبب العقم؟
في البداية لازم تبقي عارف ان الخصية هي المصنع الرئيسي اللي بينتج الحيوانات المنوية المسؤولة عن عملية الإنجاب ، والخصية علشان تقدر تنتج حيوان منوي سليم يقدر يخصب البويضة ويكون جنين ، لازم تكون درجة حرارتها أقل من درجة حرارة الجسم الطبيعية بحوالي درجتين ، عشان الدم اللي يوصلها يكون دم بارد وتقدر تنتج حيوانات منوية ، لكن في حالة دوالي الخصية وخصوصا بقى لو كانت الدوالي دي من الدرجة الثانية أو الثالثة ، هتسبب :
1/ ضعف في الاوردة اللي بتخرج الدم من الخصية ، والدم هيفضل يتراكم جوا الاوردة ويتمدد ويسخن ويرفع من درجة حرارة الخصية ، ويزيد معاه تراكم المواد المؤكسدة ( ROS ) واللي هتاثر على الخصية وعلى إنتاجها للحيوانات المنوية ، ده غير انها هتسبب تكسير في المادة الوراثية الموجودة في الحيوان المنوي ، وهتضر بالحيوانات المنوية السليمة.
2/ ده غير ان دوالي الخصية بتاثر على خلايا ليدج اللي بتنتج هرمون الذكورة ، وبكدة مستوى هرمون الذكورة هيقل في الجسم ، وبالتالي هياثر على صحة وجودة الحيوانات المنوية من حيث العدد والحركة ونسبة التشوهات ، وانخفاضه هيكون ليه تأثير أكبر على الصحة العامة والصحة الجنسية.
وكل ده هيسبب تأخر الانجاب او العقم.
وفي الحالة دي عشان تحل المشكلة قبل ما توصل لضمور الخصية ، هيكون من خلال علاج دوالي الخصية بالجراحة الميكروسكوبية.
وقبل ما تخاف من كلمة جراحة أو عملية ، لازم اقولك ان عملية دوالي الخصية بالجراحة الميكروسكوبية عملية بسيطة وسهلة جدا ، وبتخلص في حوالي ساعة واحدة بس ، وكل اللي الجراح بيعمله انه بيفتح جرح صغير أسفل البطن طوله حوالي 2-3سم ويبدا يشوف فين الاوردة المنتفخة اللي عاملة الدوالي ويربطها كلها ، علشان يحول مسار الدم المتدفق فيها إلى أوعية دموية تانية طبيعية.
ولازم تكون عارف ان بعد عملية دوالي الخصية بتاخد فترة علاج هرموني لمدة 3 شهور علشان ننشط الخصية وترجع تاني تنتج حيوانات منوية بشكل طبيعي ، وبعد حوالي 6 شهور بنعمل تحليل سائل منوي ، بنلاقي ان في تحسن حوالي 70% واول حاجة بتتحسن بعد عملية دوالي الخصية بالميكروسكوب هي عدد الحيوانات المنوية ، وبعدها الحركة بتتحسن ، وبعدها نسبة التشوهات بثقل في العينة للمعدل الطبيعي ، وفي خلال من 6 شهور لسنة بيكون عندنا فرصة كبيرة ان يحصل حمل طبيعي باذن الله.
في النهاية ، دلوقتي شوفت وعرفت ان عملية دوالي الخصية بتخلص في حوالي ساعة واحدة س ،وبعدها بترجع تاني لحياتك الطبيعية ، لكن لو اهملتها ومعالجتهاش ، عواقبها مش هتكون في مصلحتك ، لانها هتكون السبب في حرمانك من ابسط حقوقك انك تكون اب ويكون عندك أطفال.
ولو محتاج تتابع معانا مشكلتك ، تقدر تتواصل معانا على الرقم ده 01018874287 واحنا هنحجز لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.