هل ارتفاع هرمون الحليب عند الرجال يسبب العقم ؟
من رحمة ربنا سبحانه وتعالى أنه خلق كل شئ في جسم الإنسان بمعدلاته الطبيعية ، حتي الهرمونات بيكون ليها نسب معينة علشان تؤدي وظيفتها في نمو وتكوين الجسم ، زي هرمون البرولاكتين ( هرمون الحليب ) بمعني انه بيكون موجود في جسم الذكر والأنثى بنسب معينة ، بالتالي لو نسبته ارتفعت في جسم الرجل عن المعدل الطبيعي هيسبب له مشاكل كثيرة جدا على الصحة الجنسية والإنجابية وممكن يؤدي إلى العقم.
ودلوقتي تعالوا نعرف ايه هو هرمون البرولاكتين ،
وإيه هي الأسباب اللي بتؤدي إلى ارتفاع نسبته في الجسم عند الرجال :
في البداية لازم تكون عارف ان الغدة النخامية في المخ بتكون مسؤولة عن افراز 3 هرمونات مهمين في الجسم ، زي :
1/ هرمون fsh : وده هرمون بتفرزه الغدة النخامية وبيبدا يمشي في الدم لحد ما يروح لخلايا سيرتولي في الخصية علشان تنتج الحيوانات المنوية.
2/ هرمون lh : بتفرزه الغدة النخامية وبعدين بيمشي في الدم لحد ما يروح لخلايا ليدج في الخصية وتبدأ تفرز هرمون الذكورة.
3/ هرمون البرولاكتين : بتفرزه الغدة النخامية وبيكون ليه وظائف متعددة عند الرجال ، بمعنى أنه بيحفز هرمون fsh, lh علي إنتاج الحيوانات المنوية وإنتاج هرمون الذكورة ، والهرمون ده كل ما كانت نسبته قليلة في الجسم ، كل ما كان وضع الخصية وباقي الهرمونات طبيعية ، لان هرمون البرولاكتين لو ارتفع في الجسم عن المعدل الطبيعي هيسبب للرجل مشاكل كتير جدا.
ودلوقتي تعالوا نعرف مع بعض ايه هي الاسباب اللي بتؤدي إلى ارتفاع هرمون الحليب عند الرجال :
1/ لو عندنا مشاكل او ورم حميد في الغدة النخامية ، لان ده هيزود الخلايا اللى بتنتج هرمون البرولاكتين و بكده نسبته هتزيد ، وبالتالي هيقل مستوى هرمون FSH – LH في الجسم.
2/ لو عندنا خلل في الغدة الدرقية.
3/ لو فى التهاب فى المخ.
4/ ولو عندنا اى اضطرابات نفسية أو بناخد مهدئات ، لان المهدئات هتزود من انتاج هرمون الدوبامين وده هيسبب زيادة في هرمون البرولاكتين ونقص في هرمون FSH – LH ، و هنا بمجرد ما هنوقف المهدئات هترجع الهرمونات تانى لوضعها الطبيعى.
5/ او لو عندنا أمراض في الكبد أو الكلى ، لان ده هياثر علي الغدة النخامية وهيسبب ارتفاع في هرمون البرولاكتين في الجسم.
وتعالوا نعرف ايه هي الأعراض أو العلامات اللي نعرف من خلالها ان الشخص ده بيعاني من ارتفاع هرمون البرولاكتين :
1/ هيحس بألم في منطقة الثدي.
2/ هيكون عنده صعوبة في انتصاب العضو الذكري أثناء العلاقة الزوجية.
3/ ضعف في الرغبة الجنسية.
4/ هشاشة العظام.
5/ انخفاض كتلة العضلات.
6/ هيعاني من نقص أو انعدام في الحيوانات المنوية.
ودلوقتي تعالي اقولك ايه هي المضاعفات اللي هيسببها ارتفاع هرمون البرولاكتين في الجسم عند الرجال :
1/ هيسبب نقص في مستوى هرمون FSH – LH ، و بكده هيقف أو هيقل انتاج الخصية للحيوانات المنوية ، لان زي ما قولنا قبل كدة ان هرمون FSH – LH هما المسؤولين عن نشاط الخصية وانتاجها للحيوانات المنوية.
2/ هيأثر على الخصية بشكل مباشر وهيوقف أو يقلل إنتاجها للحيوانات المنوية ، وده هيقلل فرص ان يحصل حمل طبيعى.
3/ ده غير ان ارتفاعه في الجسم هيزود من نمو أنسجة الصدر وده هيسبب تثدي.
4/ وكمان هيسبب نقص فى نسبة هرمون الذكورة ، وده طبعا هيسبب ضعف في الرغبة الجنسية وضعف انتصاب ، وساعتها مش هيكون في علاقة زوجية ، وهيسبب تأخر في الإنجاب.
ودلوقتي تعالوا نعرف مع بعض ازاي نعالج ارتفاع هرمون البرولاكتين ،
علشان نحسن مستوى باقي الهرمونات في الجسم ،
ويكون عندنا قدرة على الإنجاب ونحقق انتصاب قوي وقت ممارسة العلاقة الزوجية :
وهنا علشان نعالج ارتفاع هرمون البرولاكتين ، لازم الاول نعالج السبب اللي ادي الي ارتفاعه في الجسم ، فمثلا لو كان السبب فى اننا بناخد ادويه معينه هى اللى اتسببت فى زيادة نسبة الهرمون وقتها ممكن نغير الادوية دى ، او لو مقدرناش اننا نغيرها وقتها هناخد علاج نقلل بيه نسبة هرمون البرولاكتين ، وفترة العلاج هتكون من 3 – 6 شهور على حسب نسبة الهرمون وبعد العلاج عدد الحيوانات المنوية هيرجع طبيعى والعلاقة الزوجية مش هيكون فيها اي مشكله وبكده هيكون عندنا فرصة كبيرة ان يحصل حمل طبيعى باذن الله.
ولو عايز تعرف هل حالات انعدام الحيوانات المنوية ممكن يحصل معاها إنجاب طبيعي ، اسمع الفيديو ده مع الدكتور اسامة البكل…
في النهاية ، لازم دايما نفحص نفسنا ونعمل تحاليل الهرمونات عشان نطمن علي صحتنا ، علشان لاقدر الله لو في اي مشكلة حصلت نقدر اننا نعالجها بسرعة قبل ما المشكلة الصغيرة دي ما تكبر وتكون السبب في مشاكل كتير ميكونش ليها علاج ومنعرفش نعالجها بعد كدة.
ولو لسه عندك اي تساؤل او استفسار تقدر تتواصل مع الفريق الطبي علي الرقم ده 01018874287 ، وهما هيجاوبوا علي كل اسئلتك او ممكن تطلب منهم تحديد ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.