هل انخفاض هرمون التستوستيرون بيسبب انخفاض في الرغبة الجنسية عند الرجال ؟
اول ما بنسمع ان عندنا نقص في هرمون الذكورة ، طبيعي بنبدا نقلق ونخاف لان هرمون الذكورة هو المسؤول عن ظهور الصفات الذكورية زي الصوت الخشن وشعر الوجه والجسم وتعزيز الرغبة الجنسية وانتاج الحيوانات المنوية ، وساعتها بيبدا يدور في ذهننا سؤال واحد بس ، هل انخفاض هرمون الذكورة ممكن ياثر على قدرتي الجنسية في العلاقة الزوجية ويسبب ضعف في الرغبة الجنسية وضعف انتصاب ؟
خليني اجاوبك على السؤال ده ، بس في الاول تعالي اقولك ايه هو هرمون التستوستيرون واي هي أهميته في الجسم عند الرجال :
في البداية لازم تكون عارف ان هرمون التستوستيرون انتاجه بيبدا من اول الغدة النخامية في المخ اللي بتفرز هرمون lh في الدم ويروح لخلايا ليدج في الخصية علشان تنتج هرمون الذكورة وبيكون ليه دور مهم جدا في نمو وتطور الأعضاء التناسلية أثناء نمو الجنين في رحم الأم.
- ويختلف مستوى هرمون الذكورة في الجسم خلال المراحل العمرية ، لأن مستوى هرمون الذكورة بيزيد في مرحلة البلوغ وبداية مرحلة الشباب ، ويبدأ ينخفض بالتدريج مع التقدم في العمر.
- ومسؤول عن نمو وزيادة حجم القضيب و الخصيتين.
- ونمو الشعر في الجسم.
- ومسؤول عن خشونة الصوت.
- وكمان مسؤول عن انتاج الحيوانات المنوية.
- وهو المسؤول عن تحفيز انسجة القضيب وده اللى بيحقق الانتصاب وقت العلاقه الزوجيه.
- ده غير ان ليه دور مهم جدا في الوظيفة الجنسية عند الرجل ، لأنه هو اللي مسؤول عن تعزيز الرغبة الجنسية وعن توليد التخيلات الجنسية وعن أحلام اليقظة.
ودلوقتي تعالوا نعرف مع بعض ايه هي الاسباب اللي بتؤدي إلى انخفاض هرمون التستوستيرون في الجسم :
1/ ممكن يحصل نقص في مستوى هرمون الذكورة في الجسم نتيجة وجود خلل في هرمونات الغدة النخامية.
2/ الإصابة بدوالي الخصية.
ولو عايز تعرف هل دوالي الخصية ممكن تسبب للمريض ضعف جنسي ولا لا ، اسمع الفيديو ده مع الدكتور اسامة البكل…
3/ أدوية العلاج الإشعاعي والكيماوي.
4/ السمنة المفرطة.
5/ الإصابة بأمراض الكلى والكبد.
6/ الإصابة بارتفاع ضغط الدم.
ودلوقتي خليني اجاوبك على سؤالك هل انخفاض هرمون التستوستيرون ممكن يسبب انخفاض في الرغبة الجنسية وضعف انتصاب ؟
في البداية لازم تكون عارف ان الرغبة الجنسية هي أساس إقامة العلاقة الزوجية ، وان علشان يحصل انتصاب للعضو الذكري وتقدر تقيم علاقة زوجية ناجحة ، لازم الاول يكون عندك رغبة جنسية في العلاقة ورغبة في الزوجة نفسها ، لكن لو الشخص عنده ضعف في الرغبة الجنسية معناه ان الشخص ده بيفقد الاهتمام بالجنس والتفكير فيه وبيفقد كمان الإثارة حتى مع وجود الزوجة.
- ولان زي ما قولنا قبل كدة ان هرمون التستوستيرون بيكون مسؤول عن تحفيز الرغبة الجنسية وحدوث الانتصاب اثناء العلاقة الزوجية ، وبالتالي لو حصل انخفاض في مستوى هرمون الذكورة في الجسم هيؤدي إلى انخفاض في الرغبة الجنسية وممكن كمان يسبب لنا ضعف انتصاب مستمر.
- وممكن كمان يحصل للشخص ضعف في الرغبة الجنسية ، نتيجة إصابة الشخص بالأمراض المزمنة زي السكر أو الضغط او أمراض القلب ، لان الالم والتعب اللي بيكون ناتج عن الأمراض دي بيؤدي إلى ضعف في الرغبة اجنسية وعدم وضعها في اولويات الشخص.
- ده غير ان انخفاض هرمون التستوستيرون في الجسم ممكن يسبب للشخص حالة من الاجهاد والارهاق ، وده طبعا بيقلل من الرغبة الجنسية.
- وان لو الشخص كان بيعاني من ارتفاع في هرمون البرولاكتين ، ده هيسبب انخفاض في هرمون الذكورة وهيسبب انخفاض في الرغبة الجنسية.
ودلوقتي تعالوا نعرف ازاي نعالج انخفاض هرمون التستوستيرون عشان نحسن من الرغبة الجنسية…
وهنا لازم تكون عارف ان علشان نعالج ضعف الرغبة الجنسية نتيجة انخفاض هرمون الذكورة ، لازم الأول نعالج السبب الأساسي اللي أدى إلى انخفاض مستواه في الجسم.
- فلو كان السبب خلل في الهرمونات : العلاج هيكون هرموني لضبط مستويات الهرمونات.
- أما لو كان السبب السمنة المفرطة : لازم نلتزم بالأكل الصحي ونبعد عن الأكلات اللي فيها دهون.
- ولو كان السبب هو دوالي الخصية : العلاج هيكون بالجراحة الميكروسكوبية لعلاج الدوالى.
- اما بقي لو عالجنا السبب ، ولاقينا ان مستوى الهرمون لسه منخفض : وقتها العلاج هيكون عن طريق الأدوية ببدائل التستوستيرون لتعويض نقصه في الجسم ، وزيادة الرغبة الجنسية وتحسين المزاج وزيادة النشاط والطاقة والكتلة العضلية.
في النهاية ، لازم تكون عارف ان اي مشكلة بتاثر على قدرتك الجنسية ، اوعى تتكسف منها وتخاف تستشير دكتور متخصص ، واوعي تجري على المنشطات الجنسية أو تحقن نفسك بهرمون الذكورة ، وتكون فاكر انك كده بتعالج المشكلة ، خليك عارف ان المشكلة كدة متحلتش بل بالعكس ده كده انت بتزود عليها مشاكل تانية ممكن ميكونش ليها علاج.
ولو عندك اي تساؤل او استفسار عن نقص هرمون الذكورة ، تقدر تقدر تتواصل معانا على الرقم ده 01018874287 ، واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.