هل السمنة المفرطة تسبب ضعف انتصاب ؟

هل السمنة المفرطة تسبب ضعف انتصاب ؟

السمنة المفرطة مش مشكلة تتعلق بالشكل والجمال فقط ، فهي تسبب العديد من الأمراض والمشاكل الصحية زي السكر والضغط وأمراض القلب والشرايين ، ولكن من أهم المشاكل الصحية اللي بتسببها السمنة هي تأثيرها السلبي على القدرة الجنسية والعلاقة الزوجية عند الرجال.

ومن خلال المقال ده هنتكلم بالتفصيل عن العلاقة بين السمنة والضعف الجنسي ، وهل السمنة المفرطة تسبب ضعف انتصاب ؟

في البداية لازم تكون عارف ان علشان يحصل انتصاب للعضو الذكري و نقدر نقيم علاقة زوجية ناجحة ، بيحتاج القضيب إلى كمية كبيرة من الدم المتدفق إليه ، وإلى سلامة الأعصاب وارتخاء العضلات ، وايضا مستوى مناسب من هرمون الذكورة ، وبيحتاج إلى رغبة جنسية كافية ، بالتالي لو كان في أي خلل في المتطلبات دى هيؤدي إلى ضعف الانتصاب.

وضعف الانتصاب بيحصل نتيجة عدم قدرة الشخص على بلوغ الانتصاب أو الحفاظ عليه المدة الكافية لحد ما نخلص العلاقة الزوجية ، وده بيكون نتيجة خلل في الاوعية الدموية اللي بتوصل الدم إلى القضيب ، والخلل ده إما بيكون بسبب ضعف في ضخ الدم إلى القضيب ، أو أن مش بيتم الاحتفاظ بالدم داخل القضيب لحد ما نخلص العلاقة الزوجية ، نتيجة تسربه خارج العضو الذكري.

ودلوقتي تعالوا نعرف مع بعض العلاقة بين السمنة والضعف الجنسي عند الرجال : 

لان زي ما قولنا قبل كدة ان العلاقة الجنسية بتحتاج لتدفق دم طبيعي عشان يوصل للعضو الذكري ويحصل الانتصاب ، ولكن فى حالة السمنة المفرطة ، زيادة الكوليسترول الضار والدهون بالجسم هتؤدي إلى تصلب الشرايين ، وبكدة هتمنع تدفق الدم للقضيب و يحدث ضعف الانتصاب ، لذلك السمنة المفرطة مشكلة خطيرة جدا ، ولو معالجنهاش هنوصل لمرحلة العجز الجنسي.

ودلوقتي تعالوا نعرف مع بعض ازاي السمنة المفرطة بتاثر على العلاقة الزوجية وبتسبب ضعف انتصاب : 

السمنة المفرطة بتؤدي إلى ضعف في الرغبة الجنسية وقلة ثقة بالنفس وضعف انتصاب ، من خلال عدة أسباب : 

• خلل الهرمونات : 

لأن السمنة من الأمراض الخطيرة اللي بتزود من مستويات هرمون الانوثة بسبب زيادة نشاط انزيم الاروماتيز اللي بيحول هرمون الذكورة الي هرمون انوثة ، وكمان بسبب تراكم الدهون في الجسم هيقلل من مستوي هرمون الذكورة ، و ده هيؤدي الي ضعف الرغبة الجنسية وضعف انتصاب.

• مشاكل في الدورة الدموية : 

لأن السمنة المفرطة بتعمل علي زيادة الدهون في الدم وتصلب الشرايين ، وده هيقلل من تدفق الدم إلى القضيب وهيسبب ضعف انتصاب.

• ارتفاع ضغط الدم ومرض السكر : 

لأن ارتفاع ضغط الدم وارتفاع مستوى السكر في الدم من مضاعفات السمنة المفرطة ، وهما ايضا من الاسباب اللي بتؤثر بشكل سلبي على القدرة الجنسية عند الرجال وبتسبب ضعف انتصاب.

• صعوبة التنفس : 

لأن قد يعاني مرضى السمنة من صعوبات في التنفس ، وده هيأثر على قدرتهم على ممارسة العلاقة الزوجية.

• اضطرابات النوم : 

لأن الوزن الزائد بيؤدي إلي اضطرابات في النوم زي توقف التنفس أثناء النوم ، وده بياثر على الرغبة الجنسية وعلى العلاقة الزوجية.

• قلة الثقة بالنفس : 

قد يعاني الأشخاص المصابين بالسمنة من انخفاض الثقة بالنفس ، وده هياثر بشكل سلبي على حياتهم الجنسية وعلاقاتهم الاجتماعية.

• الاكتئاب والقلق : 

بمعنى أن السمنة ترتبط ارتباطا وثيقا بالاكتئاب والقلق ، والحالات النفسية دي بتأثر بشكل كبير على الرغبة الجنسية وعلي القدرة على الاستمتاع بالعلاقة الزوجية.

• الحرج أو الخجل : 

لأن الأشخاص المصابين بالسمنة المفرطة بيحسوا بالحرج من أجسامهم وده بيخليهم يتجنبوا العلاقة الزوجية.

ولو عايز تعرف معلومات أكثر عن أسلوب الحياة الغير صحي اللي بيسبب ضعف جنسي عند الرجال ، اسمع الفيديو ده مع الدكتور اسامة محمد البكل… 

وبعد ما عرفنا العلاقة القوية بين السمنة والضعف الجنسي ، تعالوا نعرف ازاي هنعالج المشكلة دي : 

1/ اتباع نظام غذائي صحي ومتوازن : غني بالأطعمة الصحية زي الخضروات والفاكهة والحبوب الكاملة والأسماك.

2/ ممارسة التمارين الرياضية : عن طريق المشي نص ساعة يوميا ، لان ده هيساعد علي إنقاص الوزن الزائد وهيحسن من تدفق الدم إلى الأعضاء التناسلية.

3/ اللجوء إلى جراحات السمنة : للتخلص من السمنة ومضاعفاتها لأنها بتساعد على فقدان الوزن الزائد بشكل كبير وسريع ، ومن غير اي صعوبة ، وده طبعا هيحسن من الصحة العامة والجنسية.

وهل فعلاً العلاج بيفرق؟

آه طبعا بيفرق ، وده اللي أثبتته الدراسات إن حوالي 30% من الناس اللي خسروا وزنهم باتباع نظام غذائي صحي ، اتحسنت عندهم صحة الانتصاب ورجعت طبيعية ، وده اللي لاحظنا من خلال : 

1/ زيادة الرغبة الجنسية : لأن توازن الهرمونات بيرجع طبيعي. 

2/ تحسين القدرة الجنسية : عن طريق زيادة تدفق الدم إلى الأعضاء التناسلية والي القضيب.

3/ زيادة الثقة بالنفس : حيث يساعد فقدان الوزن على زيادة الثقة بالنفس وتحسين العلاقة الزوجية.

في النهاية ، لازم تبقي عارف ان السمنة مشكلة صحية خطيرة جدا وبتاثر بشكل كبير على صحتك وخصوصا صحتك الجنسية ، علشان كده لازم تاخد بالك من صحتك وتحاول تبعد بقدر الإمكان عن الاكلات المصنعة والمليانة بالدهون وتلتزم بالاكل الصحي وممارسة الرياضة ومش علشان القدرة الجنسية بس، لأ كمان علشان الخصوبة، والقدرة الإنجابية، والصحة العامة.

ولو احتجت إنك تتواصل معانا علشان تعرف مشكلتك فين بالظبط ، تواصل على الرقم ده 01018874287 واحنا هنجاوب على كل استفساراتك أو نحجزلك ميعاد مع الدكتور أسامة محمد البكل، مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.