هل صغر حجم الخصيتين يؤثر على الانجاب او الانتصاب؟
لو بتعاني من تاخر في الانجاب او ضعف في الانتصاب خليني اقولك ان حجم الخصيتين مش دليل على تأخر
الانجاب او ضعف الانتصاب ممكن يكون بيدينا مؤشر علشان نشوف إنتاجية الخصية من الحيوانات المنوية وهرمون الذكورة لانهم هما أساس وظيفة الخصية.
هل صغر حجم الخصيتين ممكن يسبب تأخر في الإنجاب أو ضعف في الانتصاب ؟
احيانا اه لو في صغر شديد في حجم الخصيتين فده ممكن يكون انعكاس أن المريض ده عنده نقص في عدد الحيوانات المنوية وده ممكن يسبب له تأخر في الإنجاب ، ولكن شوفنا حالات كتير عندهم صغر نسبي في حجم الخصيتين ولكن بيكون عنده إنتاجية الحيوانات المنوية سليمة.
وبرضو مش كل المرضى اللي عندهم صغر شديد في حجم الخصيتين بيبقي عندهم نقص في هرمون الذكورة ، ممكن لو سنه صغير هنلاقي أن مستوى هرمون الذكورة طبيعي عنده ، فده مش هياثر بالنسبة له على الانتصاب ، ولكن ده بيكون مؤشر اننا لازم نشوف إنتاجية الحيوانات المنوية عاملة أي وإنتاجية هرمون الذكورة عاملة أي ، لأن دول هما الوظيفتين الأساسيين للخصية ، ولو مش متضررين بنبدأ نتابع الحالة ومش بنعمل اي حاجة خالص ، لكن لو في مشاكل وقتها بنحدد خطة العلاج الأنسب للمريض حسب هو بيشتكي من اي بالظبط ، هل بيشتكي من تأخر الإنجاب ولا بيشتكي من ضعف الانتصاب وضعف الرغبة الجنسية فمحتاج تعويض لهرمون الذكورة.
ولو عندك اي استفسار عن ضعف الانتصاب او تاخر الانجاب ، ممكن تبعتلنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :