هل يسبب التدخين ضعف انتصاب ؟

هل يسبب التدخين ضعف انتصاب ؟

التدخين مش مجرد عادة ضارة بصحة الجسم ، فهو ايضا يؤثر بشكل سلبي على القوة والقدرة الجنسية عند الرجال ، ويعتبر واحدة من أبرز العوامل اللي بتزيد من خطر الإصابة بضعف الانتصاب. 

ومن خلال المقال ده هنتكلم عن العلاقة بين التدخين وضعف الانتصاب ، وازاي الإقلاع عن التدخين ممكن يعمل تحسن إيجابي في حياة كل رجل من الناحية الجنسية والانجابية… 

بس في البداية لازم تكون عارف ان علشان يحصل انتصاب طبيعي ، يحتاج القضيب لكمية مناسبة من الدم المتدفق إليه ، وكمية مناسبة من إفراز هرمون الذكورة  في الجسم ، ورغبة جنسية كافية لانتصاب القضيب ، بالتالي فإن وجود أي خلل في المتطلبات دى هيؤدي الي ضعف الانتصاب.

وضعف الانتصاب بيحصل نتيجة خلل في الأوعية الدموية اللي بتوصل الدم إلى القضيب ، والخلل ده ياما بيكون ضعف في ضخ الدم إلى القضيب ، أو ان مش بيتم الاحتفاظ بالدم داخل القضيب المدة الكافية لحد ما نخلص العلاقة الزوجية.

ودلوقتي تعالوا نعرف مع بعض ازاي التدخين بياثر على قوة الانتصاب : 

وهنا خليني اقولك ان التدخين بيسبب ضعف انتصاب ، لأنه بيأثر على الأوعية الدموية والأعصاب التي تساهم في عملية الانتصاب ، من خلال عدة طرق : 

• ضيق الأوعية الدموية : 

وده لأن مادة النيكوتين الموجود في السجائر بتؤدي إلى ضيق في الشرايين والأوعية الدموية ، وده بيمنع تدفق الدم للأعضاء التناسلية ، لأن زي ما قولنا قبل كدة ان الانتصاب يعتمد على تدفق الدم بشكل طبيعي للقضيب ، لذلك فإن التدخين بيضعف من قدرة القضيب على الانتصاب.

• التأثير على الأعصاب : 

لان علشان يحصل انتصاب للعضو الذكري ، المخ بيقوم بإرسال إشارات عصبية للأعضاء التناسلية ، علشان القضيب يستجيب للمثيرات الجنسية فيحصل انتصاب ، لكن التدخين بياثر على الأعصاب ، و بما ان العضو الذكري من الأعصاب الطرفية فانت كدة هتضعف و تضر بأعصاب العضو الذكرى و ده هيعمل ضعف انتصاب وسرعة في القذف نتيجة التأثير على التحكم العصبي. 

• التأثير على الهرمونات : 

التدخين بيأثر على توازن الهرمونات في الجسم ، وخصوصًا هرمون التستوستيرون اللي بيلعب دور مهم في الرغبة الجنسية والانتصاب ، وعلى الرغم إن بعض الدراسات لقت إن مستواه ممكن يكون مش منخفض عند المدخنين ، لكن التأثير الضار بييجي من ضعف وظيفة الخصية ، واضطراب الإشارات الهرمونية ، وده ممكن يؤدي لانخفاض الرغبة الجنسية وضعف الانتصاب بشكل عام.  

• التأثير على صحة الجسم بشكل عام : 

لأن التدخين بيزود من خطر الإصابة بالأمراض المزمنة زي الضغط وأمراض القلب والأوعية الدموية ، وكل الأمراض دي بتزود من مشكلة ضعف الانتصاب.

ده غير ان التدخين بيكون ليه تاثير كبير جدا على الانجاب وممكن يكون السبب في الاصابة بالعقم او تاخر الانجاب : 

لان زي ما قولنا قبل كدة ان النيكوتين اللى بيكون موجود فى السجائر بيقلل من وصول الدم للأعضاء التناسلية كلها ، وده طبعا هيأثر على انتاج الخصية للحيوانات المنوية ، وهيسبب تشوه في الحيوانات المنوية وضعف في قدرتها على الحركة ، و كمان هيزود من تكسر المادة الوراثية و كل ده بيأثر على قدرة الحيوان المنوي على تخصيب البويضة و حدوث الحمل. 

وتعالي دلوقتي اجاوبك على السؤال اللي بيدور في ذهنك وهو ، هل الاقلاع عن التدخين هيحسن من القدرة على الانتصاب ؟ 

خليني اقولك ايوا ، الإقلاع عن التدخين هيحسن بشكل كبير من قوة الانتصاب ، لان لما الشخص يتوقف عن التدخين ، هيبدأ الجسم يتعافى تدريجيًا من تأثيراته الضارة على الأوعية الدموية ، والأعصاب ، وصحة الأعضاء الجنسية ، وده طبعا هيزود التروية الدموية للأعضاء التناسلية وهيحسن من أنسجة القضيب ، وبكدة هنحافظ على الانتصاب خلال العلاقة الجنسية. 

ودلوقتي خليني اقولك على شوية تعليمات ونصائح بجانب الإقلاع عن التدخين عشان يكون عندنا قدرة عالية على الانتصاب في العلاقة الجنسية : 

1/ الحفاظ على وزن صحي ومثالي : لأن الأكل الغير صحي بيأثر على الانتصاب والرغبة الجنسية ، لأنه بيرفع من نسبة الدهون في الدم وبيؤدي إلى تصلب الأوعية الدموية والشرايين اللي بتمنع وصول الدم الكافي إلى القضيب لحدوث الانتصاب.

2/ الابتعاد عن القلق والتوتر : لان القلق والتوتر من المشاكل اللي بتؤدي إلى ضعف في الرغبة الجنسية وضعف انتصاب ، علشان كدة من أهم طرق الوقاية من ضعف الانتصاب الابتعاد عن التوتر وممارسة طرق الاسترخاء والتأمل.

3/ ممارسة الرياضة على الاقل 3 مرات اسبوعيا : لأن الرياضة مهمة جدا لحياتك الجنسية ، ومن أهم طرق الوقاية من ضعف الانتصاب ، لأنها بتعزز من صحة القلب والأوعية الدموية وبتحافظ على الوزن وبتقلل من التوتر وتجعل الفرد يشعر بالرضى عن أدائه الجنسي.

4/ الحصول علي قسط كافي من النوم : بمعنى أن النوم الجيد من 6-8 ساعات بيساعد على إفراز هرمون الدوبامين اللي بيكون ليه علاقة بالتحكم في عضلات الجسم ، وبيخلي عندك رغبة جنسية كافية لممارسة العلاقة الزوجية.

ولو عايز تعرف اكتر عن أسلوب الحياة الغير صحي اللي ممكن يسبب ضعف انتصاب ، اسمع الفيديو ده مع الدكتور اسامة البكل…

في النهاية ، لازم تبقي عارف ان الاقلاع عن التدخين هو خطوة حاسمة لتحسين صحتك الجنسية والعامة ، وإن القدرة الجنسية معتمدة بشكل كبير على صحتك الجسدية والنفسية ، ومينفعش نتكسف ابدا اننا نتكلم فيها مع دكتور متخصص علشان لو عندنا اى مشكلة نكشف ونعالجها عشان تأثيرها علينا ميزدش.

ولو لسه عندك اي استفسار تقدر تتواصل معانا على الرقم ده 01018874287 واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة و تاخر الانجاب والصحة الجنسية بطب القصر العيني.