هل تشوه الحيوان المنوي يمنع الحمل ؟
بعد ما شوفت تحليل السائل المنوي وعرفت انك بتعاني من تشوه في الحيوانات المنوية ، اول سؤال جه في ذهنك هل تشوه الحيوان المنوي هيمنع الحمل ؟ خليني اجاوبك واقولك أن الحيوانات المنوية هي أساس عملية التخصيب ولازم يكون ليها شكل وطبيعة معينة علشان تقدر توصل للبويضة وتخصبها وتكون جنين ، وبالتالي لو نسبة التشوهات كانت عالية جدًا، ده ممكن يقلل فرص وصول الحيوان المنوي للبويضة وهيؤدي لتأخر الحمل.
ودلوقتي تعالوا نعرف مع بعض ايه هي النسبة اللي نقدر نقول عليها أنها طبيعية ،
والنسبة اللي نقول عليها أن الشخص ده بيعاني من نسبة عالية من التشوهات وهيواجه صعوبة شديدة في الإنجاب :
اولا لازم تبقي عارف أن الشخص الطبيعي لازم يكون عنده نسبة من الحيوانات المنوية المشوهة في عينة السائل المنوي ، والنسبة دي بتكون أقل من 96% علشان يحصل حمل طبيعي ، لكن لو النسبة دي زادت عن 96% ده معناه أن نسبة الحيوانات المنوية الطبيعية بقت أقل من 4% ، ومن هنا نبدأ نقلق لأن ده معناه أن الشخص ده بيعاني من تشوه تام في شكل الحيوان المنوي ، وساعتها الحيوان المنوي مش هيكون عنده القدرة انه يوصل للبويضة ويخصبها ، وساعتها الشخص ده هيواجه صعوبة شديدة في إنجاب طفل.
وهنا لازم تكون عارف أن الحيوان المنوي زي الإنسان لازم يكون ليه شكل معين علشان يقدر يتحرك ويوصل لهدفه ( البويضة ) ومهم تعرف ان الحيوان المنوي بيتكون من 3 أجزاء
1/ رأس الحيوان المنوي : لازم تكون رأس الحيوان المنوي بيضاوية الشكل ، وبيكون جواها 23 كروموسوم بيحملوا المادة الوراثية للأب واللي مسؤولة عن تكوين الجنين ، والمادة الوراثية دي لو كان فيها اي عيب او خلل ، هتسبب مشاكل كثير في الجينات أو في عدد الكروموسومات ، وممكن تعمل تشوه في الجنين ، ياما هيكون جنين مشوه ويتولد بعيوب خلقية ، ياما مش هيتولد اصلا وهيحصله اجهاض.
رأس الحيوان المنوي بيكون عليها اكروسوم زي الكاب كدة ، وبيكون جواه إنزيمات مسؤولة عن اختراق الحيوان المنوي للبويضة ، و الاكروسوم ده لو مش موجود هيكون حيوان منوي مشوه ومش هيقدر يخترق البويضة ويخصبها.
2/ عنق الحيوان المنوي : عنق الحيوان المنوي يعتبر هو مصدر الطاقة اللي بتحرك ذيل الحيوان المنوي وتساعده على الانتقال من مهبل الزوجة إلي قناة فالوب علشان يخصب البويضة.
3/ ذيل الحيوان المنوي : ذيل الحيوان المنوي لازم يكون مستقيم وسليم ، وبيكون جواه أنابيب رفيعة جمب بعض ، والأنابيب دي بتتفاعل مع بعض علشان تدي الحيوان المنوي القدرة على الحركة والوصول للبويضة ، بالتالي الذيل لو كان مشوه او فيه اي عيوب ، كدة الحيوان المنوي مش هيكون عنده القدرة على الوصول للبويضة ويخصبها علشان يحصل حمل.
ودلوقتي تعالي اقولك ايه هي الحالات اللي نقدر نقول فيها أن الحيوان المنوي ده مشوه ومش هيقدر يخصب البويضة :
1/ لو كان الاكروسوم اللي في راس الحيوان المنوي مش موجود.
2/ لو كان الحيوان المنوي عنده أكثر من رأس.
3/ أو لو كان الحيوان المنوي عنده أكثر من ذيل.
4/ أو لو كان في أي عيب أو خلل في عنق الحيوان المنوي.
وقتها هيكون حيوان منوي مشوه ومش هيكون عنده القدرة انه يخترق البويضة ويخصبها وهيحصل تأخر في الإنجاب.
ولو عاوز تعرف معلومات اكثر عن مواصفات السائل المنوي القادر على إخصاب البويضة وحدوث الحمل ، اسمع الفيديو ده مع الدكتور اسامة البكل…
ولازم تكون عارف أن في أسباب كثير جداً ممكن تكون السبب في تشوه رأس أو عنق أو ذيل الحيوان المنوي ، زي :
1/ وجود خلل في الهرمونات : نتيجة وجود خلل فى نسبة هرمون الذكورة او هرمون الأنوثة ، و اللى بيكون سبب فى ان يحصل قصور في وظيفة الغدد التناسلية و ده هيأثر على إنتاج وجودة الحيوانات المنوية.
2/ الإصابة بدوالي الخصية : لان دوالي الخصية بتضعف من وظيفة الخصية في انتاج الحيوانات المنوية.
3/ لو عندنا إلتهاب أو عدوى في الجهاز التناسلي : زي التهاب الخصية أو البربخ ، لان كل الامراض دى بتأثر على كفاءة إنتاج الحيوانات المنوية وجودتها.
4/ او ممكن يكون سببه جيني : زي متلازمة كلاينفلتر أو حذف في الكروموسوم Y، ودي غالبًا بتسبب ضعف شديد أو انعدام في الحيوانات المنوية.
5/ لو بندخن بشراهه : لأن مادة النيكوتين الموجودة في السجائر بتاثر على الصحة الإنجابية عند الرجال وبتقلل من وظيفة الخصية في تصنيع الحيوانات المنوية.
6/ لو دايما في بيئة بنتعرض فيها للسموم أو التلوث البيئي : لان كل الحاجات دى بيكون لها تأثير ضار جدًا على الجهاز التناسلي والحيوانات المنوية.
7/ لو عندنا سمنة مفرطة : لأن السمنة من الأمراض الخطيرة اللي بتأثر على مستوى هرمون الذكورة و بتزود من مستويات هرمون الانوثة وده هيأثر على الحيوانات المنوية.
وبعد ما عرفت الأسباب اللي ممكن تكون السبب في تشوه الحيوان المنوي ،
تعالوا نعرف ازاي نعالج تشوه الحيوان المنوي علشان يكون عندنا أكبر فرصة لحدوث الحمل :
لازم تكون عارف أن العلاج بيتحدد علي حسب سبب المشكلة نفسها ، فلو اكتشفنا أن سبب تشوه الحيوانات المنوية
1/ وجود خلل في الهرمونات : وقتها لازم ناخد فترة علاج هرموني لمدة 3 شهور علشان نظبط مستوي الهرمونات وترجع الخصية تنتج تاني حيوانات منوية سليمة.
2/ أما لو كان السبب دوالي الخصيتين : هنعالج دوالي الخصية بالجراحة الميكروسكوبية باعتبارها أفضل وأحسن طريقة تعالج بيها دوالي الخصية من غير ما تضر الخصية.
3/ ولو كان السبب وجود التهابات في الخصية : هنطلب من المريض أنه يعمل مزرعة سائل منوي علشان نحدد نوع البكتيريا وانسب مضاد حيوي للمريض.
4/ ولو بنتعرض لبيئة ملوثة : هنضطر إننا نبعد عن البيئة اللي بنتعرض فيها للتلوث علشان نحافظ على وضع الخصية ووظيفتها في تصنيع الحيوانات المنوية.
في النهاية ، لازم تكون عارف انك لو عملت تحليل سائل منوي وطلع عندك نسبة عالية من التشوهات ، اوعى تقلق أو تفقد الامل في الانجاب ، وحتى لو نسبة التشوه وصلت 99% هيكون ليها علاج باذن الله ، وعلاج نهائي كمان ، بس المهم انك تعرف السبب فين وتعالجه عشان تحسن من وظيفة الخصية في انتاج وتصنيع حيوانات منوية سليمة ويكون عندك أعلى فرصة لحدوث حمل طبيعي.
ولو خلاص قررت انك تتابع معانا ، تقدر تتواصل مع الفريق الطبي علي الرقم ده 01018874287 ، وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.