هل التوتر والضغط النفسي يسبب ضعف جنسي ؟

هل التوتر والضغط النفسي يسبب ضعف جنسي ؟

ضعف الانتصاب عمره ما كان بيحصل لأسباب جسدية او مرضية فقط ، لان في اغلب الأحيان العامل النفسي بيكون ليه دور مهم جدا على الأداء الجنسي ، وده اللي اثبتته الدراسات العلمية ان حوالي 40% من الرجال اللي بيعانوا من ضعف الانتصاب بيكون نتيجة التوتر والاكتئاب أو خلافات مع الزوجة وده اللي بيخلينا نفقد القدرة على الوصول إلى الانتصاب.

ودلوقتي تعالوا نعرف مع بعض ازاى اصلا بيحصل ضعف انتصاب : 

ضعف الانتصاب بيحصل نتيجة عدم قدرة الشخص على بلوغ الانتصاب او الحفاظ عليه المدة الكافية لحد ما ننهي العلاقة الزوجية ، وده بيكون نتيجة خلل في الاوعية الدموية اللي بتوصل الدم إلى القضيب ، والخلل ده ياما بيكون بسبب ضعف في ضخ الدم إلى القضيب او ان مش بيتم الاحتفاظ بالدم داخل القضيب لحد ما نخلص العلاقة الزوجية نتيجة تسره خارج العضو الذكري.

طب تعالوا نعرف ازاي التوتر والضغط النفسي بياثروا على الأداء وعلى القدرة الجنسية عند الرجال : 

في البداية لازم تبقى عارف إن لما الشخص بيحس بقلق أو توتر بسبب ضغط عصبي أو اضطرابات نفسية ، المخ بيفرز هرمونات زي الكورتيزول والأدرينالين اللي بتضيق الأوعية الدموية وتقلل ضخ الدم الغني بالأكسچين لأعضاء الجسم ، ومنها طبعًا القضيب ، وده اللي بيؤدي في النهاية إلى ضعف الانتصاب أو حتى عدم حدوثه خالص.

ده غير طبعا ان التوتر المستمر ممكن يخفض هرمون التستوستيرون اللي مسئول عن الرغبة الجنسية ، ويخلي مخك مش مركز في المتعة أساسًا ، يعني حتى لو الجسد قادر يمارس العلاقة الجنسية ، الضغط النفسي هيخلي الأداء سيء.

ودلوقتي تعالوا نعرف مع بعض ايه هي المشاكل النفسية اللي بتسبب ضغط وتوتر وفي نفس الوقت بتكون السبب في الضعف الجنسي : 

1/ الخلافات والمشاكل مع الزوجة : بمعنى أن العلاقة الزوجية لازم يكون فيها تعاون وتبادل للأدوار بين الطرفين ولازم كمان الزوج والزوجة يكون عندهم رغبة اصلا في ممارسة العلاقة الجنسية ويكون في بينهم تفاهم وميكونش في اي خلافات او ضغط نفسي ، لان كل ده هياثر على العلاقة الزوجية وهيسبب ضعف انتصاب ، ده غير ان ضعف الانتصاب ده ممكن يزيد الحالة النفسية سوء لو متعالجش في الوقت المناسب.

2/ الاكتئاب وعلاجه : لان الاكتئاب واحد من أشهر الأسباب النفسية اللي بتأثر على انتصاب العضو الذكري ، وكمان بيخلي الشخص معندوش اي رغبة في ممارسة نشاطات حياته ومن ضمنهم النشاط الجنسي ، ده غير طبعا ادوية الاكتئاب اللي بتدخل من ضمن أسباب الضعف الجنسي لانها بتاثر على الجهاز العصبي المركزي وبتسبب انخفاض في الرغبة الجنسية وانخفاض في هرمون الذكورة. 

3/ التوتر والضغط النفسي على المتزوجين الجدد : بمعنى أن بيكون لسه في قلق وتوتر من العلاقة الزوجية ، ده غير ان الزوج بيكون خايف من الفشل في أول مرة في ممارسة العلاقة الزوجية وبيكون متوقع انه يواجه مشاكل في الانتصاب ، وده طبعا بيؤدي إلى مشاكل نفسية كثير زي فقدان الثقة بالنفس وضعف الانتصاب.

4/ المعتقدات والأفكار الخاطئة في مجتمعنا : بمعنى ان في بعض المعتقدات الثقافية أو الدينية الخاطئة اللي بتكون مشاعر سلبية تجاه الجنس ، وده بياثر على الأداء الجنسي والإحساس بالمتعة ، زي أن اعتقاد الرجل في بعض المجتمعات بأنه لازم يكون هو المسيطر في العلاقة الزوجية ، وبالتالي ده هيشكل ضغط نفسي عليه وهينعكس سلباً على الوظيفة الجنسية.

5/ لو اتعرضت سابقا لضعف الانتصاب : بمعني انك لو اتعرضت قبل كده لضعف انتصاب في العلاقة الزوجية أو فشلت في تحقيق الأداء الجنسي ، ده هيخليك تسترجع الذكريات دي وتحس بالقلق والخوف من تكرار التجربة وهيسبب لك ضعف جنسي. 

وبعد ما عرفنا المشاكل النفسية اللي بتسبب ضغط نفسي على الرجل وبتسبب له ضعف جنسي ، تعالوا نعرف ازاي نعالج المشكلة دي : 

في البداية لازم تكون عارف ان علاج ضعف الانتصاب النفسي بيتم على أكثر من مرحلة ، زي : 

• العلاج النفسي : بمعنى أننا بنلجا إلى العلاج السلوكي علشان نتخلص من الاكتئاب والتوتر ونعرف ازاي نتعامل مع ضغوطات الحياة ، لان ده هيعيد لينا التوازن الذهني والمزاجي وهيخلينا نتخلص تدريجيا من ضعف الانتصاب نهائيا.
• الاستشارة الجنسية للزوجين : ودي بتكون من خلال جلسة استشارات زوجية ، وفيها بنوعي المريض وزوجته حول العلاقة الزوجية وازاي يتجنبوا المشاكل فيها ، وجلسة الاستشارات دي بتساعد على تخفيف حدة التوتر والاكتئاب عند الزوجين.
• التحدث مع الزوجة : بمعنى ان الزوجة ممكن تساهم في علاج ضعف الانتصاب من خلال تقديم الدعم النفسي للزوج ، وأن يكون في تبادل للآراء بينهم ، لأن كل ده بيقلل من الضغط النفسي والتوتر اللي عند الزوج ، وبيساعد على حدوث الانتصاب.
• ممارسة التمارين الرياضية : لأن الرياضة بتزود ضخ الدم، وبتحسن الحالة المزاجية وبتعزز من صحة القلب والأوعية الدموية وبتحافظ على الوزن وبتقلل من التوتر وتجعل الفرد يشعر بالرضى عن أدائه الجنسي. 

وهنا لازم تكون عارف ان في كذا طريقة تقدر تعالج بيها ضعف الانتصاب اللي عندك ، زي : 

• المنشطات الجنسية : لانها بتعمل علي ارتخاء العضلات وزيادة تدفق الدم إلى القضيب.
• الحقن الموضعي : اللي بيتم عن طريق حقن القضيب موضعياً بإبرة رفيعة جداً ، وده بيساعد على حدوث الانتصاب بعد الحقن بـ 10 دقائق.

ولو عايز تعرف هل الحقن الموضعي علاج لكل حالات ضعف الانتصاب ولا لا ، اسمع الفيديو ده مع الدكتور اسامة البكل…

• تركيب دعامة القضيب : ودي تعتبر هي الحل النهائي لعلاج ضعف الانتصاب ، وبتتركب في القضيب نفسه ، وبتحقق الانتصاب المطلوب بنسبة 100% ، لأنها بتكون أقرب لشكل وحجم العضو الذكري الطبيعي.

وفي النهاية ، لازم تكون عارف أن مشكلة ضعف الانتصاب ممكن تؤثر على حياتك كلها ، علشان كدة لازم تهتم بالمشكلة دي ومينفعش أبداً تتجاهلها ، وتحاول تعالجها بكل الطرق بداية من العلاج النفسي ولحد الأمراض العضوية وتأثيرها ، عشان متسببش مشكلة تانية عند الزوجة زي تأخر الإنجاب.

ولو محتاج تتابع معانا مشكلتك ، تقدر تتواصل معنا على الرقم ده 01018874287 واحنا هنحددلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.