هل نقص هرمون الذكورة بيسبب ضعف انتصاب؟
يعتبر هرمون التستوستيرون ( هرمون الذكورة ) هو الهرمون الجنسي الرئيسي للرجال ، لان زي ما قولنا قبل كده ان هو اللي مسؤول عن ظهور شعر الوجه والجسم ، وخشونة الصوت ، وقوة العضلات ، والرغبة الجنسية ، وإنتاج الحيوانات المنوية ، وحدوث الانتصاب ، بالتالي أي انخفاض في مستوى هرمون الذكورة هياثر على الوظيفة الجنسية وهيسبب ضعف انتصاب.
وقبل ما نتكلم عن نقص هرمون الذكورة وعلاقته بضعف الانتصاب ، خلونا نوضح الأول إيه هو اصلا هرمون التستوستيرون:
- في البداية لازم تكون عارف ان هرمون التستوستيرون انتاجه بيبدا من اول الغدة النخامية اللي بتفرز هرمون LH في الدم ويروح لخلايا ليدج في الخصية علشان تنتج هرمون الذكورة ، وليه دور مهم جدا في نمو وتطور الأعضاء التناسلية أثناء نمو الجنين في رحم الأم ، ودوره في ظهور الصفات الذكورية في مرحلة البلوغ.
- ويختلف مستوى هرمون الذكورة خلال المراحل العمرية ، لأن مستوى هرمون الذكورة بيزيد في مرحلة البلوغ وبداية مرحلة الشباب ، ويبدأ ينخفض مستوى هرمون الذكورة بالتدريج مع التقدم في العمر.
- ده غير ان ليه دور مهم جدا في الوظيفة الجنسية عند الرجل ، لأنه هو اللي مسؤول عن تعزيز الرغبة الجنسية وعن توليد التخيلات الجنسية وعن أحلام اليقظة.
وبعد ما عرفنا ايه هو هرمون الذكورة وأهميته ، تعالوا نعرف ايه اللي ممكن يسبب نقص في هرمون التستوستيرون (هرمون الذكورة):
1/ وجود خلل في هرمونات الغدة النخامية.
2/ الإصابة بدوالي الخصية.
3/ أدوية العلاج الإشعاعي والكيماوي.
4/ السمنة المفرطة.
5/ الإصابة بأمراض الكلى والكبد.
6/ الإصابة بارتفاع ضغط الدم.
ودلوقتي تعالوا نعرف هل نقص هرمون التستوستيرون (هرمون الذكورة) يسبب ضعف انتصاب؟
في البداية لازم تكون عارف ان علشان يحصل انتصاب ، بيحتاج القضيب لكمية مناسبة من الدم المتدفق ليه ، وكمية مناسبة من إفراز هرمون التستوستيرون في الجسم ، وبيحتاج إلى رغبة جنسية كافية لانتصاب القضيب ، بالتالي فإن وجود أي خلل في المتطلبات دى هيؤدي الي ضعف الانتصاب.
وضعف الانتصاب بيحصل نتيجة خلل في الأوردة اللي بتوصل الدم إلى القضيب ، والخلل ده ياما بيكون ضعف في ضخ الدم إلى القضيب ، أو عدم الحفاظ على الدم داخل القضيب المدة الكافية لحد ما نخلص العلاقة الزوجية.
لذا فإن انخفاض هرمون التستوستيرون في الجسم عن المعدل الطبيعي من اهم الاسباب اللي بتؤدي الي ضعف الانتصاب نتيجة :
1/ انخفاض الرغبة الجنسية ، لان زي ما قولنا قبل كدة عشان يحصل انتصاب لازم يكون في رغبة جنسية.
2/ انخفاض هرمون التستوستيرون مع إصابة الشخص بالأمراض المزمنة زي السكر أو الضغط او أمراض القلب ، كل ده بيأثر سلبا على الاعصاب والاوعية الدموية المسؤولة عن تدفق الدم للقضيب علشان يحصل انتصاب.
3/ انخفاض هرمون التستوستيرون في الجسم بيسبب للشخص حالة من الاجهاد والارهاق ، وده طبعا بيقلل من الرغبة الجنسية ، وبالتالي هيسبب ضعف انتصاب.
ولو عايز تعرف اكثر عن اسباب ضعف الانتصاب اثناء ممارسة العلاقة الزوجية ، اسمع الفيديو ده مع الدكتور اسامة البكل….