هل تزداد نسبة حدوث الحمل بعد إجراء عملية دوالي الخصية؟

هل تزداد نسبة حدوث الحمل بعد إجراء عملية دوالي الخصية؟

دوالي الخصية من المشكلات الصحية الشائعة اللي بيعاني منها الرجال ، واللي بتاثر بشكل كبير على الصحة الإنجابية ، وخاصة في الحالات اللي بتعاني بدرجة كبيرة من دوالي الخصية ، وتعتبر عملية دوالي الخصية هي الحل الوحيد والفعال في علاج مشكلة تاخر الانجاب وارتفاع نسبة حدوث الحمل.

بس خليني في الاول اوضح لك ازاي دوالي الخصية بتأثر على حدوث الحمل: 

كنا قولنا قبل كدة ان دوالي الخصية بتحدث نتيجة ضعف في صمامات الأوردة الموجودة في الخصية جوا كيس الصفن ، والصمامات دي هي اللي بتكون مسؤولة عن وصول الدم من الخصيتين الى القلب ومنع عودته تاني للخصية ، لكن لو الصمامات دي كان فيها عيب او خلل ، هيؤدي ان الدم هيرجع تاني للخصية ويفضل يتراكم جوا الأوردة ويتضخم ويعمل احتقان في الخصية ويسبب الدوالي.

وضروري تبقي عارف ان الخصية هي المصنع اللي بينتج الحيوانات المنوية ، وربنا سبحانه وتعالي كان ليه حكمه أنه يخلق الخصيتين بره الجسم جوا كيس الصفن علشان يحميها من درجة الحرارة العالية ، وعلشان الدم اللي يوصلها يكون دم بارد فتقدر تنتج حيوانات منوية ، لكن دوالي الخصية بيكون ليها دور كبير جدا ومضاعفات كثيرة جدا على الخصية وعلى وظيفتها في إنتاج الحيوانات المنوية.

ودوالي الخصية لو كانت من الدرجة الثانية أو الثالثة هتتسبب :

1/ في أن الأوردة اللي بتخرج الدم من الخصية هتضعف ومش هتبقي قادرة انها تستوعب الدم اللي فيها ، والدم هيفضل يتراكم جوا الاوردة ويسخن ويرفع من درجة حرارة الخصية ، ويزيد من تراكم المواد المؤكسدة ( ROS ) اللي هتضر بالخصية وانتاجها للحيوانات المنوية ، وهتاثر على الهرمونات المسؤولة عن تكوين الحيوانات المنوية ، وهيزيد من تكسير المادة الوراثية الموجودة في رأس الحيوان المنوي.

2/ وهتسبب انخفاض في مستوى هرمون الذكورة في الجسم ، وده هياثر علي صحة وجودة الحيوانات المنوية من حيث إن العدد هيقل وممكن يوصل للانعدام والحركة هتضعف ونسبة التشوهات هتزيد.

1/ لأن الميكروسكوب الجراحي بيساعد في تكبير مكان العملية ، وده بيساعدنا اننا نميز بين الشرايين والأوردة بشكل واضح جداً ، لان المكان اللى احنا بنعمل فيه العملية هو مكان دقيق جدا.

2/ من خلال قوة التكبير ، الجراح بيقدر يتجنب ربط  الشريان الخصوي اللي بيغذي الخصية ، وبكدة هيحافظ على الخصية ان يحصلها ضمور.

3/ في الجراحة الميكروسكوبية الجراح بيقدر يوصل لكل الأوردة ، حتى الاوردة الصغيرة ويربطها ، عشان ميحصلش ارتجاع للدوالى مره ثانيه بعد العملية ، وده اللي مش بنقدر نعمله في الجراحة التقليدية.

4/ كمان الميكروسكوب الجراحي بيساعد الجراح إنه يشوف الأوعية الليمفاوية ويتجنب ربطها وقت العملية ، وبالتالي هيقلل من حدوث قيلة مائية على الخصية.

5/ العملية مش بتاخد أكتر من ساعة ، والمريض بيقدر يروح البيت في نفس اليوم ، ويرجع للشغل بعد 3-5 أيام.

6/ وبعد العملية بناخد فترة علاج هرموني لمدة 3 شهور عشان ننشط بيه الخصية وترجع تاني تنتج حيوانات منوية بصورة طبيعية

ولو عايز تعرف ازاي تهتم بجرح العملية واي هي الادوية اللي تاخدها علشان تتعافي بشكل اسرع ، اسمع الفيديو ده مع الدكتور اسامة البكل…

ودلوقتي خليني اجاوبك على سؤالك ، هل تزداد نسبة حدوث الحمل بعد عملية دوالي الخصية ؟

• هقولك ان بعد عملية دوالي الخصية أول تحليل سائل منوي بنعمله بيكون بعد العملية بحوالي 6 شهور ، هتقولي طب ليه نستني 6 شهور ، ليه مش بيحصل حمل بعد العملية على طول ، هقولك لأن الدورة الطبيعية لتكوين الحيوان المنوي بتستغرق 3 شهور ، علشان ندي الخصية وقت كافي لتكوين حيوانات منوية جديدة.
• ده غير ان العملية بتحسن من عدد الحيوانات المنوية وحركتها ، وبتقلل من نسبة التشوهات ، ونسبة تحسن تحليل السائل المنوي باستخدام الجراحة الميكروسكوبية بتوصل الي 60% ، وده بيبان في أول تحليل سائل منوي بعد 6 شهور من العملية ، وفي خلال من 6 شهور لسنة ، بتوصل نسبة حدوث حمل طبيعي الي 40-30%. 

في النهاية ، لازم تبقي عارف ان عملية دوالي الخصية ، عملية مهمة جدا لانها مش بس بتعالج الالم اللي عندك في الخصية ، دي كمان بتعالج مشكلة تأخر الإنجاب ، لانك ممكن تتجنب عملية دوالي الخصية وتروح على طول تعمل حقن مجهري ، بس خليني اقولك ان حتي لو عملت حقن مجهري وانت عندك دوالي في الخصية ، الحقن المجهري نسبة نجاحه هتقل ، لازم الاول تعالج دوالي الخصية علشان يكون عندك أعلى نسبة نجاح لحدوث الحقن المجهري.

ولو احتجت انك تتواصل معانا ونحجز لك معاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287