2024-10-21أمراض الذكورة15 دقائق

أضرار المنشطات الجنسية

#المنشطات الجنسية#ضعف الانتصاب#الأضرار الجانبية#العلاج الآمن#الصحة الجنسية

أضرار المنشطات الجنسية

كتير مننا عشان يوصل لأحسن أداء في العلاقة الزوجية ، بيقرر انه من نفسه ياخد منشط جنسي ، وبيكون كدا فاكر انه بيحسن من الانتصاب وبيزود من متعته بالعلاقة الجنسية ، لكن اللي انت متعرفوش انك كده بتأذي نفسك ، وهقولك ليه دلوقتي.

لان فى الطبيعى احنا بنقدر نعمل العلاقة الزوجية من غير منشطات جنسية ، لكن لو مقدرناش نعمل العلاقة الزوجية من غيرها أو لاقينا ان مفيش انتصاب ، وقت العلاقة الزوجية ، كده لازم نعرف اننا عندنا مشكله ، ولازم الاول نعرف ايه هى المشكلة اللى سببت لينا الضعف الجنسى أو ضعف الانتصاب ، و نعالجها لكن اننا نسيب المشكلة الاساسية اللى عملت ضعف انتصاب او ضعف جنسى ، وناخد منشط يخلينا بس نقدر نقوم بالعلاقة الزوجية ، فاللى عملناه ده بالظبط زى ما يكون جالنا صداع ، عشان نخلص منه اخدنا مسكن ، من غير ما نهتم اننا نعرف ايه سبب الصداع ، عشان نعالجه وعشان ميحصلش تانى.

تعاني من هذه العلامة؟

📞 احجز تقييمك الآن: 01018874287

ما هي المنشطات الجنسية وكيف تعمل؟

طيب اى هى اصلا المنشطات الجنسية و ازاى بتشتغل و تجيب نتيجة مدام احنا عندنا مشكلة تانية

المنشطات الجنسية هى دوا كان معمول عشان يعالج ارتفاع ضغط الدم ، بس بيكون كمان ليها تأثير على الانتصاب

لان فى انزيم في الجسم اسمه الفوسفودايزتريز ، الانزيم ده بيكسر انزيم تانى اسمه النيتروكوكسيد و ده الانزيم اللى بيكون مسؤل عن الانتصاب لانه بيوسع الأوعية الدموية ، فهنا اللى بتعملة المنشطات الجنسية انها بتوقف انزيم الفوسفودايزتريز من انه يكسر انزيم النيتروكوكسيد و يسيبه فى الدم اطول فتره ممكنه عشان يوسع الاوعية الدموية اكتر فيتضخ ليها دم اكتر فتحسن الانتصاب

أضرار المنشطات الجنسية

طيب دلوقتى هتقولى طب فين المشكله ، هى كده المنشطات الجنسية معملتش حاجه تضرنا ، اية المشكله بقى لما اجيبها و اخدها و تحسن الانتصاب و خلاص

هقولك هنا الضرر بيكون فى حاجتين :

أولاً: ليس الجميع يمكنهم تناول المنشطات الجنسية

مش كل الناس تقدر تاخد المنشطات الجنسية ،فى ناس مينفعش تاخد المنشطات الجنسية ، زى

مرضى القلب وخصوصا اللي بياخدو ادوية معينة فيها نيتريت اللي هو موسع لشرايين القلب ، لانه ممكن يعمل هبوط حاد بالدورة الدموية .
او الناس اللي جالهم جلطات على القلب أو المخ خلال اخر 3 شهور
أو مرضى الفشل الكلوي ، و اللى لو هياخدوها لازم تكون بتوجيه من الدكتور و بجرعات قليلة

ثانياً: علاج العرض وليس المرض

قولنا من شوية ان الضعف الجنسي ده عرض لمرض ، فلما بناخد المنشطات الجنسية احنا بنركز على أننا نعالج العرض اللى هو ضعف الانتصاب ، مش بنعالج المرض نفسه اللى اتسبب فى ضعف الانتصاب ، وهنا احنا هنوصل لحاجة من الانتين

اما المنشطات مش هتجيب نتيجة اصلا
او هتعمل مفعول فتره وبعد كده مش هتجيب اى نتيجة ، و انت وقتها هتفتكر ان جسمك اخد عليها فتقوم مقرر من نفسك انك تزود الجرعه او تنزل الصيدلية تسأل على نوع تانى .

👨‍⚕️ هل تنطبق عليك هذه النقاط؟
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287

لماذا قد لا تعمل المنشطات الجنسية؟

طيب ما تيجى نفهم اكتر هى ليه المنشطات ممكن متجبش نتيجه او بعد فتره من استخدامها ميبقاش ليها تأثير

ممكن متجبش نتيجه عشان:

ممكن تكون بتاخدها بطريقة غلط ، زى انك بتاخدها بعد الاكل ، واغلب المنشطات الجنسية عشان تعمل تأثير بتتاخد و معدتك فاضية .
لازم يكون في استثارة جنسية بعد ما تاخد المنشطات لانها مبتعملش مفعول غير لو كنا فى حالة إثارة جنسية .
لو بناخد ادوية معينة ، فهى ممكن تخلى المنشطات الجنسية متشتغلش .

و كل ده انت متعرفهوش لان اغلب الناس لما بتلاقى ان ادائها فى العلاقة الزوجية اتغير ، عمرها ما بتفكر تكشف ممكن يسأل واحد صحبة ، او ينزل الصيدليه يطلب منشط و خلاص ، و هنا خلينى اقولك ان محدش من اللى انت سألتهم دول اخد منك تاريخ مرضى ولا عارف اذا كنت بتاخد ادوية تانية ولا لأ ، فهو بيديك اى نوع وخلاص .

ليه ممكن تعمل مفعول و بعد فتره من استخدمها ميبقاش ليها تأثير:

لان الادوية دى مش بتعالج السبب الاساسى فى ضعف الانتصاب ، و بعد فترة لما بنهمل علاج المشكلة الاساسية اللى كانت بتأثر على الانتصاب ، زى مثلا

لو كان عندنا تسريب وريدى بسيط و معالجناهوش و اكتفينا بس اننا ناخد المنشطات الجنسية ، وقتها المنشطات الجنسية هتشتغل فى البداية و هتحسن الانتصاب ، لكن بعد فتره التسريب الوريدى ده هيزيد ، ووقتها المنشطات الجنسية مش هتعمل اى حاجة وهيبقى الحل الوحيد هو تركيب دعامة الانتصاب ،.
ولو عندنا مشاكل فى الاوردة الدموية اتسببت ان الدم مش بيوصل كويس للقضيب ، فمش بيحصل انتصاب ، فلو اخدنا بس المنشطات الجنسية و معالجناش مشكلة الأوردة ، و بعد فتره الأوردة دى هتضيق اكتر و المنشطات الجنسية هنا مش هتقدر تحقق أي نتيجة .
لو عندنا سكر و مكناش نعرف خصوصاّ لو المرض لسه فى بدايته ، هتبتدى تحس ان بدء يبقى عندك ضعف جنسى ، فتاخد منشط و تفضل تاخده قبل كل علاقة زوجية ، و تهمل انك تعالج السكر فيبدأ يأثر أكثر على الأعصاب ، و يبدأ الانتصاب يقل أكثر ، و تعرف انك هنا ممكن تسبب لنفسك عقم و ده لان السكر كمان هيأثر على قذف السائل المنوي و هيعملنا اضطرابات في القذف.

ولو عايز تعرف هل في بديل للمنشطات الجنسية ولا لا ، اسمع الفيديو ده مع الدكتور اسامة البكل.

كيف نعالج ضعف الانتصاب بشكل صحيح؟

طيب تعالوا نعرف ازاى نعالج صح ضعف الانتصاب

فى البداية لازم نعرف اصلا احنا عندنا ضعف انتصاب عضوى ولا نفسى ، لان فى ناس بتكون سليمة عضوياّ بس عندها حاجز نفسى من العلاقة الجنسية ده مايعتبرش ضعف انتصاب ، و عشان نتأكد هنكون محتاجين اننا نعمل شوية فحوصات عشان نقيم بيها الدورة الدموية و وضع الهرمونات و بعد كده نبدأ العلاج اللى هيكون اما علاج دوائي أو حقن موضعى او تركيب دعامات و دى احنا بنلجألها فى الاخر خالص بعد ما نكون جربنا الطرق التانية و مجابتش نتيجة .

الاستخدام الصحيح للمنشطات الجنسية

فى النهاية خلينى اقولك ان المنشط الجنسى نفسه مش غلط ، و ان المنشطات الجنسية ممكن نكتبها لمريض ضعف الانتصاب بس لازم

الدكتور اللى يحدد النوع المناسب ليك .
و هو اللى يحدد اذا كنت تقدر اصلا تاخد منشطات جنسية و لا لأ زى ما تكلمنا من شويه
و الدكتور برضو اللى يحددلك الجرعه عشان متأذيش نفسك
والاهم اننا نكون بنعالج المشكله اللى حصل بسببها الضعف الجنسى .

لو لسه مش عارف انت المفروض تعمل ايه دلوقت اتواصل مع فريقنا الطبى على رقم 01018874287 ، عشان تحدد معاد مع دكتور اسامه محمد البكل مدرس واستشاري طب وجراحة أمراض الذكوره وتأخر الإنجاب والصحة الجنسية بطب القصر العيني ، و نبدء نشوف المشكله اللى بتقابلنا فين عشان تكون بتمارس حياتك الزوجية كويس من غير منأثر على صحتنا .