جاري التحميل...
مقالات ذات صلة
اقرأ المزيد عن هذا الموضوع في مكتبتنا الطبية لزيادة وعيك الصحي.
نصائح ما بعد تركيب دعامة القضيب
#دعامة القضيب#دعامة الانتصاب#ضعف الانتصاب#العمليات الجراحية#نصائح ما بعد العملية
نصائح ما بعد تركيب دعامة القضيب
بيلجا نسبة كبيرة من الرجال لتركيب دعامة القضيب لعلاج مشكلة ضعف الانتصاب و لرغبتهم في ممارسة العلاقة الزوجية بصلابة كافية ودون الشعور بالخجل قدام الزوجة ، ولكن عدد كبير منهم بيخاف من مضاعفات تركيب الدعامة ، وبالتالي يبدأ يسأل ازاي اطمن للنوع ده من العمليات ؟
وهنا خليني اقولك ان عملية زرع دعامة العضو الذكري من أنجح الحلول في علاج ضعف الانتصاب في الحالات الغير قابلة للعلاج الدوائي ، ولكن نجاح العملية ده مش بيعتمد بس على خبرة الجراح او نوع الدعامة ، ده بيعتمد بنسبة كبيرة على النصائح والتعليمات اللي انت هتلتزم بيها قبل وبعد العملية علشان تتجنب اي مضاعفات وتعدي من العملية بسلام.
تعاني من هذه العلامة؟
📞 احجز تقييمك الآن: 01018874287ودلوقتي تعالوا نعرف مع بعض ايه هي دعامة القضيب ، وليه هي من أفضل الحلول المستخدمة في علاج ضعف الانتصاب ؟
دعامة القضيب هي الاختيار الأفضل والأخير اللي بيلجأ له الشخص اللي بيعاني من ضعف الانتصاب ، بعد ما بيكون جرب كل الطرق العلاجية الثانية زي الأدوية والحقن الموضعي وفشل معاه ، ف الدعامة في الحالة دي بتخلي القضيب يفضل منتصب لحد ما ننهي العلاقة الزوجية ، والمميز فيها إنها مناسبة لكل الأعمار سواء شاب أو في منتصف العمر أو كبير في السن.
وهي من أفضل الطرق المستخدمة في علاج لضعف الانتصاب :
1/ لأنها بتقضي بشكل نهائي على مشكلة ضعف الانتصاب ،
من غير ما نلجأ لأي أدوية علاجية لفترة طويلة ، لأنها بتعالج الضعف الجنسي بشكل دائم في الحالات اللي فشلت فيها العلاجات التانية.
2/ ما بتأثرش على الشكل الخارجي للقضيب
وبتحافظ على الطول الطبيعي الموجود قبل العملية.
3/ بتحافظ على استمرار انتصاب القضيب لفترة طويلة.
4/ بعض الأدوية أو المنشطات الجنسية ممكن تسبب مضاعفات
زي هبوط في الدورة الدموية أو مشاكل في الضغط ، لكن الدعامة مش بتسبب أي مشاكل صحية للشخص.
5/ مرضى القلب أو اللي بياخدوا أدوية موسعة للشرايين
زي النيتروجليسرين ما ينفعش يستخدموا منشطات الانتصاب ، لكن تركيب الدعامة بيكون آمن ومناسب ليهم كحل فعال لمشكلة ضعف الانتصاب.
6/ نسبة نجاح تركيب دعامة الانتصاب تخطت الـ 95%
ودي طبعا نسبة كبيرة كنسبة نجاح عملية جراحية.
ولكن علشان نفضل محافظين علي نسبة النجاح الكبيرة دي ، في شوية تعليمات لازم تعملها قبل وبعد العملية :
👨⚕️ هل تنطبق عليك هذه النقاط؟
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
نصائح قبل عملية تركيب دعامة القضيب :
1/ لو عندك اي مشكلة صحية مزمنة لازم تعالجها :
- بمعني انك لو مريض سكر لازم يكون في إجراءات خاصة قبل وبعد العملية ولازم مستوى السكر في الدم يكون متظبط.
- لو عندك اي التهابات في البروستاتا أو في مجرى البول لازم تعالجها.
- لو بتعاني من أي عدوى جلدية في المنطقة التناسلية لازم فورا تعالجها وتتخلص منها قبل العملية.
2/ لازم تمنع التدخين أو شرب الكحوليات قبل العملية بكذا يوم
لانها بتاثر علي التئام الجروح.
3/ لازم تبلغ الجراح قبل العملية لو كنت بتاخد اي ادوية للسيولة
زي الاسبرين او كلوبيدوجريل أو الوارفارين.
نصائح اثناء عملية تركيب دعامة القضيب :
1/ لازم تتأكد من المكان اللى هنعمل فيه العملية
هل وهو متعقم كويس ولا لا، وأن الجراح اللي هيعمل العملية متخصص وعنده خبرة في إجراء النوع ده من العمليات.
2/ ولازم تكون عارف إن الجراح بيقيس طول وحجم العضو الذكري بدقة أثناء العملية ،
وده اللي بيساعده يختار نوع وحجم الدعامة المناسب ، علشان تضمن أفضل نتيجة وتتفادى أي مضاعفات ، لان مقاس الدعامة لو كان :
- أقصر: ده هيخلي رأس العضو الذكري مرتخية.
- أما لو كان أطول: ده هيسبب ألم شديد للمريض وقت العلاقة الزوجية وممكن الدعامة تخرج بره رأس العضو الذكري.
3/ ولازم مدة العملية ما تتجاوزش 45–60 دقيقة،
وده بيتم على إيد جراح متخصص ، علشان نقلل فترة التعرض للجراحة المفتوحة ونقلل من خطر حدوث العدوى أو أي مضاعفات بعد العملية.
4/ ووقت العملية بنطهر المكان اللى هنعمل فيه الجرح كويس ،
علشان ميكونش عندنا أي فرصة لحدوث أي عدوى أو التهاب في الجرح.
5/ بعدها بنعمل فتحة صغيرة في القضيب
وبنبعد الأوردة والشرايين علشان نوصل للنسيج الكهفي ونزرع الدعامة ، ولو كانت الدعامة مرنة ، بيتم إدخالها من خلال شق جراحي أسفل رأس القضيب أو من خلال شق بين القضيب وكيس الصفن ، أما الدعامة الهيدروليكية بيتم ادخالها من خلال شق واحد فقط بين القضيب وكيس الصفن ، بندخل منه الدعامة و المضخة والخزان.
6/ وبعد ما خلاص ركبنا الدعامة في مكانها المظبوط ،
بنقفل الجرح بخيوط تجميلية علشان ميكونش ليه أي أثر.
نصائح بعد تركيب دعامة القضيب :
1/ بعد عملية تركيب دعامة القضيب، لازم تلتزم بالراحة في البيت من غير مجهود،
لكن في نفس الوقت تتجنب البقاء في السرير لفترات طويلة، ويفضل تتحرك بشكل خفيف داخل البيت ، وممكن تبدأ تخرج من البيت في أغلب الحالات بعد أقل من أسبوع.
2/ لازم تلتزم بالاهتمام بنظافة الجرح
وتغييره بشكل منتظم وفق لتعليمات الدكتور.
3/ لازم تتجنب العلاقة الزوجية لمدة 4–6 أسابيع
حسب نوع الدعامة وحالة الجرح.
4/ لبس ملابس داخلية قطنية مريحة
لتقليل الاحتكاك والضغط على موضع الجراحة.
5/ لازم تتصل بالدكتور فورًا في حالة ملاحظة أي من الأعراض التالية :
- احمرار أو تورم زائد في مكان الجرح.
- خروج إفرازات غير طبيعية أو ذات رائحة كريهة.
- ارتفاع درجة حرارة الجسم.
- وجود ألم غير محتمل لا يستجيب للمسكنات.
ولو عاوز تعرف هل الاحساس بالعلاقة الزوجية هيتأثر بعد تركيب دعامة القضيب ، اسمع الفيديو ده مع الدكتور اسامة البكل…
خلاصة القول
وفي النهاية ، احب اقولك ان عملية تركيب دعامة القضيب عملية سهلة وبسيطة جدا ، وان نتائجها مش بتعتمد بس على خبرة الجراح علي قد ما بتعتمد عليك أنت في المقام الأول وعلى التزامك بكل التعليمات اللي ذكرناها ، في حالة دى هتحقق أعلى نسبة نجاح للعملية و هتستمتع بحياتك الزوجية وانتصاب قوي طول مدة العلاقة.
ولو عايز تتابع معانا ، تقدر تتواصل معانا علي الرقم ده 01018874287 واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.
لا تدع القلق يؤثر على حياتك الاستقرار يبدأ بالتشخيص الصحيح
احجز استشارتك الآن مع الدكتور أسامة البكل في بيئة طبية آمنة وبسرية تامة.
التعليقات (0)
لا توجد تعليقات بعد. كن أول من يعلق على هذا المقال!
إرشادات التعليق