جاري التحميل...
مقالات ذات صلة
اقرأ المزيد عن هذا الموضوع في مكتبتنا الطبية لزيادة وعيك الصحي.
فحوصات ما قبل الزواج
#فحوصات ما قبل الزواج#الخصوبة#الأمراض الوراثية#تحليل السائل المنوي#الأمراض الجنسية
فحوصات ما قبل الزواج
زى ما ترتيبات الفرح بتكون مهمه ، في خطوة كمان مهمه جدا ويمكن اهم من كل الترتيبات اللي بتعملوها وهي فحوصات ما قبل الزواج ، ولازم نفهم ان الكلام عن فحوصات ما قبل الزواج مش حاجة نتكسف منها دى خطوه مهمه جدا عشان نعرف شكل حياتنا الجايه هيكون عامل إزاي ، والفحوصات دي لازم يعملها الطرفين قبل الزواج ب 3 شهور ، وبيها بيكون عندنا معلومات كفاية عن وضعنا الصحي
أهمية الفحوصات قبل الزواج
بنعرف بيها هل هيكون عندنا مشاكل ممكن الطرف التانى ميكونش متقبلها زى:
- مشاكل في الخصوبة والقدرة على الإنجاب
- أمراض وراثية ممكن تتنقل للأطفال وخصوصاّ لو الزوج والزوجة كانوا قرايب
- مشاكل فى القدرة الصحية و الجنسية - هل عندنا اى مشاكل ممكن تمنعنا من ممارسة العلاقة الزوجية
- الأمراض المزمنة زي الضغط او السكر، لأنهم بيأثروا على الانتصاب والقدرة الجنسية
- الأمراض الجنسية ممكن تتنقل للطرف التانى
كل اللى فات ده لازم نكون عارفينه كويس قبل الجواز عشان لو كان فى اى مشكله ممكن تأثر على حياتنا بعد كده نكون عارفينها، نقرر وقتها هل احنا هنقدر نكمل ولا لا، ولو هنكمل اى العلاج و الاحتياطات اللي ممكن ناخدها، لان ده اللي هيتحدد على اساسه شكل حياه لسه بتبدأها فأبدأها صح.
الفحص الطبي الأولي
قبل ما نتكلم عن الفحوصات لازم الاول نكشف عشان:
- نطمن على حجم العضو الذكرى والخصية
- نعرف التاريخ المرضى - هل عملنا عمليات قبل كده و احنا صغيرين او كان عندنا اى عيوب خلقية زى الخصية المعلقة أو الاحليل السفلى او الفتق الاربى
- معرفة العلاقات الجنسية السابقة عشان نعرف:
- هل كان عندنا أي مشكله في ممارسة العلاقة الجنسية
- هل في احتمال نكون اتصابنا بأى أمراض جنسية
- معرفة صلة القرابة لان لو كانوا قرايب ده بيكون ليه فحوصات خاصة
- الأمراض المزمنة زي الضغط والسكر
الفحوصات بالأشعة
ممكن نحتاج اننا نعمل أشعة دوبلكس على القضيب والخصية عشان نتأكد من وضع الدورة الدموية و نتأكد اننا معندناش اى مشاكل زى دوالى الخصية أو مرض بيروني لأنهم بيأثروا على القدرة الإنجابية والجنسية.
👨⚕️ هل تنطبق عليك هذه النقاط؟
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
التحاليل المطلوبة (5 مجموعات)
1. تحليل السائل المنوي
تحليل السائل المنوى واللي هنطمن منه هل في حيوانات منوية اصلا في السائل المنوي ولا لا ، وهنطمن كمان على عدد الحيوانات المنوية في السائل المنوي وحركتها ويفضل ان التحليل ده يتعمل في مركز خصوبة
وعشان نقدر نقول ان نتيجة تحليل السائل المنوى كويسه، لازم عدد الحيوانات المنوية فى السائل المنوى متكونش اقل من 15 مليون في الملي الواحد، وإجمالي الحركة يكون 40% والحركة المتقدمة تكون 32%، ونسبة التشوهات تكون اقل من 96%، وهي دى النتايج اللي بيها نقدر نقول ان تحليل السائل المنوي سليم ومش هيكون في تأخر في الانجاب، لكن لو كان في اى مشكله في نتايج التحاليل وقتها، هنبدء نشوف اى المشكلة وازاى نقدر اننا نعالجها.
ولو عايز تعرف اكتر عن شروط تحليل السائل المنوي ، اسمع الفيديو ده مع الدكتور اسامة البكل…..
2. صورة الدم الكاملة
صوره دم كامله نحدد بيها:
- فصيلة الدم و RH: لان لو RH عند الزوجة كان سالب وعند الزوج كان موجب، وقتها الزوجة فى الحالة دى وقت الحمل بتحتاج متابعه مختلفة، ولازم بعد الولادة تاخد حقنة RH
- الأمراض الوراثية في الدم: زى مرض الثلاسيميا لانه بيسبب مشاكل كتير للطفل:
- نقص فى الهيموجلوبين
- نقص فى كرات الدم الحمرا
- تضخم فى الطحال
- بطء في التنفس
- مشاكل في القلب
3. تحليل السكر التراكمي
تحليل سكر تراكمي، لان السكر بياثر على الانتصاب والقدرة الجنسية.
4. تحليل التهاب الكبد الوبائي
تحليل التهاب الكبد الوبائى (C – B)، لان دول من الامراض اللى ممكن تتنقل للطرف التانى بسبب الاتصال الجنسي:
- التهاب الكبد الوبائي C: لازم الاول نعالجه وناخد علاج لفترة متقلش عن 3 شهور
- التهاب كبد وبائي B: للأسف مش بيكون ليه علاج، لكن بيكون في لقاح لازم الطرف التانى ياخده
5. تحليل الأمراض الجنسية
تحليل لباقى الامراض الجنسية التانية زي الايدز والزهري والسيلان، لان كل الامراض دى ممكن تتنقل للطرف التانى بالتلامس او الاتصال الجنسي و تتنقل كمان للجنين
تحاليل إضافية للصحة العامة
- تحليل وظائف كلى وكبد
- تحليل غدة درقيه
التحاليل الجينية (في حالة القرابة)
أما لو كان في صلة قرابة وقتها لازم نعمل كمان تحليل الكروموسومات والجينات عشان نطمن ان مفيش اى عيوب وراثية ممكن تتنقل للأطفال زي:
- فقر الدم المنجلي
- ضمور العضلات الوراثى
- ضمور المخ الوراثى
- امراض الغدد
الجينات المتنحية
وهنا انت اكيد بتقول ما انا وخطيبتي كويسين اهو ومفيش عندنا أي مشكله ايه بقي لازمة التحاليل الكروموسومية دي، هقولك أنك ممكن تكون سليم ومعندكش حاجة، بس في حاجة اسمها الجينات المتنحية
الجين المتنحى ده معناه ان انت عندك صفة او خلل جينى و مش ظاهر عليك لانه مش الجين السائد فى الجينات بتاعتك ، فلو حصل و خطيبتك كان عندها نفس الجين المتنحى ده ، فاللى هيحصل وقت تكوين الجنين ان الجينين المتنحين دول بيتحدوا مع بعض و ينتقلوا للجنين بس بشكل سائد أو ظاهر وده اللى ممكن يسبب له العيوب اللى اتكلمنا عليها دى
و صدقنى لو ده حصل وطفلك اتولد بعيب وراثي هيكون الوضع اصعب بكتير ، لان العيوب دى اما مش بيكون ليها علاج ، او ليها علاج بس مكلف جدا و بياخد وقت طويل ، و ده هيسببلك أعباء نفسية ومادية كبيرة جدا ، فبلاش تستنى المشكله تحصل.
الخلاصة
واخيرا خلينى اقولك بلاش أنك تهمل الفحوصات دي وتقول انها مش مهمه، عشان لو طلع عندنا مشكله نقدر نعالجها، ليه تكتشف المشكلة دي يوم فرحك لو مثلا مقدرتش أنك تمارس العلاقة الزوجية، وتحول اسعد يوم في حياتك ليوم وحش.
و لو احتجت تتواصل معانا و نحجزلك معاد مع دكتور اسامه محمد البكل مدرس واستشاري طب وجراحة أمراض الذكوره وتأخر الإنجاب والصحة الجنسية بطب القصر العيني ، تقدر تتواصل معانا على الرقم ده 01018874287
لا تدع القلق يؤثر على حياتك الاستقرار يبدأ بالتشخيص الصحيح
احجز استشارتك الآن مع الدكتور أسامة البكل في بيئة طبية آمنة وبسرية تامة.
التعليقات (0)
لا توجد تعليقات بعد. كن أول من يعلق على هذا المقال!
إرشادات التعليق