جاري التحميل...
مقالات ذات صلة
اقرأ المزيد عن هذا الموضوع في مكتبتنا الطبية لزيادة وعيك الصحي.
اضرار حقن هرمون التستوستيرون
#هرمون التستوستيرون#حقن التستوستيرون#العقم#ضمور الخصية#كمال الأجسام
اضرار حقن هرمون التستوستيرون
كل حاجة لو زادت نسبتها او استخدمناها غلط ممكن يكون ليها اضرار، وده اللى هنتكلم عنه انهارده ، ازاى ممكن يتحول هرمون التستوستيرون من أنه المسؤول الأساسي عن كل صفاتنا الرجولية ، لأنه يكون السبب في أن يجلنا عقم و الاصعب انه يوصل لأمراض سرطانية ، و تعالوا نفهم ازاى ده ممكن يحصل .
بس قبل مانعرف ازاى هرمون التستوستيرون ممكن يكون سبب فى ضرر لينا ، تعالوا نعرف ايه هو اصلا هرمون التستوستيرون :
هرمون التستوستيرون هو هرمون بيتفرز من الخصية بنسبة 98% ، وبيتفرز من الغدد الكظرية بنسبة 2% ، والهرمون ده بيبدأ يتفرز فى الجسم من واحنا لسه فى رحم الام ، وهو اللى بيساعد الكروموسومات فى ان الاعضاء الجنسية تطلع اعضاء ذكرية ، وفى حالة لو حصل خلل في الهرمون ده واحنا فى رحم الأم ونسبته بقت قليلة ، فالاعضاء التناسلية وقتها هتكون اعضاء انثوية حتى لو كانت الكروموسومات ذكرية.
طيب ايه هى أهمية هرمون الذكورة بعد الولاده :
1- مرحلة البلوغ :
هرمون التستوستيرون بيبدأ يكون الشكل الرجولي للجسم من ناحية
- زيادة شعر الجسم
- خشونة الصوت
- توزيع الدهون فى الجسم
- زيادة العضلات و خلى بالك من النقطة دى كويس هنحتاجها معانا كمان شويه
2- مرحلة بعد البلوغ :
وهنا هرمون التستوستيرون بيكون مسؤول عن انه :
- يحافظ على كثافة العظام ، لان نقص هرمون الذكورة بيسبب هشاشة فى العظام
- و بيحافظ كمان على عدد كرات الدم الحمرا
- و يحافظ على الانتصاب
- وكمان بيحافظ على الرغبة الجنسية ، عشان كده دايما الناس اللى عندها نقص فى هرمون الذكوره مش بتحس بالنشوة الجنسية بشكل طبيعى
- واخيرا بيحافظ على نشاط الخصية و انتاجها للحيوانات المنوية ، و النقطة دى كمان خلى بالك منها
كل اللى قولنا ده يبين قد ايه هرمون الذكورة مهم ، طب ازاى بقى قولنا انه بيسبب العقم ، و قبل ما تقولى ده مستحيل بعد كل الفوايد دى يعمل كده هقولك استنى بس و كمل قراية
هرمون الذكورة هيكون مضر وجدا كمان لو حقنا نفسنا بيه بكميات كبيرة ، ودى حاجة شباب كتير بتعملها عشان تطلع لنفسها عضلات كتير فى وقت قصير ، فبدل ما يروح الجيم و ياخد وقت طويل عشان يعمل عضلات ، فبيستسهل ويقوم يحقن نفسه بهرمون الذكورة ومن أمثلة الحقن دى (سيدوتستون – تستونون – نبيدو – ديكا – اندريول )
👨⚕️ هل تنطبق عليك هذه النقاط؟
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
طيب تعالى نفهم انت كده بتعمل ايه :
هرمون الذكورة ده بيتفرز بشكل طبيعي في اجسامنا ، فلما بنحقن نفسنا بيه وبندخله للجسم بطريقة مش طبيعية عشان نعمل عضلات كتير فى وقت قصير ، انت كده بتدى إشارة لجسمك انه يوقف هو إنتاج هرمون الذكورة بشكل طبيعى فى الخصية ، وبتمنع كمان إنتاج هرمون FSH و اللى هيقف كمان معاه إنتاج الحيوانات المنوية ، لان ده الهرمون اللى بيحفز الخصية عشان تنتج الحيوانات المنوية ، وخليني اقولك هنا حاجة مهمة جدا ان 20 % من اللى بياخدوا حقن هرمون الذكورة بيحصل عندهم توقف تام في إنتاج الحيوانات المنوية ، و مش بيرجع تانى حتى بعد العلاج.
عارف يعنى ايه توقف تام في إنتاج الحيوانات المنوية ، يعنى فرص ان يحصل حمل للزوجة بشكل طبيعى بتكون تقريبا معدومة ، وممكن كمان التفتيش الميكروسكوبي والحقن الموضعى مينجحش ، فعشان يبقى عندك شوية عضلات بتقضى على حلم أن يكون عندك اطفال و تبقى أب.
و تعالوا نعرف دلوقتى اكتر عن المشاكل اللى ممكن نسببها لنفسنا لو اخدنا حقن هرمون الذكورة يمكن ده يخليك لو لسه بتفكر تعمل كده انك تغير رأيك
خلونا نقسمها لجزئين :
- 1- مشاكل وقت الحقن .
- 2- مشاكل على المدى البعيد بعد ما نوقف الحقن .
هنبدأ بالمشاكل اللى بتحصل وقت الحقن :
- حقن هرمون الذكورة ممكن تسبب تليف فى العضلات والتهابات لأننا بنحقن نفسنا بكميات كبيرة جدا ، وفى ناس بتاخد الحقن دى يومياّ.
- لو الحقن اللى بنستخدمها فى الحقن كانت مستخدمة قبل كده ، ممكن تنقلنا مرض فيروسى زى فيروسات الكبد الوبائى.
اما بقى عن المشاكل اللى ممكن تحصلنا بعد الحقن :
- ضعف شديد جدا فى الرغبة الجنسية ، وضعف فى الانتصاب لان الخصية بتكون خلاص بطلت تنتج هرمون الذكورة ، و بكده ا مش هتكون قادر انك تعمل العلاقة الزوجية .
- اضطرابات نفسية و عصبية بسبب نقص هرمون الذكورة.
- و ممكن يسبب تضخم فى عضلة القلب ، وده ممكن يسبب الموت المفاجئ اللي بنسمع انه بيحصل كتير للاعبي كمال الأجسام
- التهابات في الكبد ، وزيادة لنسبة الصفرا في الدم ،و ممكن توصل لأورام حميدة أو خبيثة في الكبد على المدى البعيد.
- ممكن يحصل ضمور للخصية ، ومش بترجع تانى لوضعها الطبيعى .
- و عقم زى ما قولنا لانه بيحصل انعدام الحيوانات المنوية ، واحياناّ مش بترجع تانى حتى ولو بالعلاج ، ونضطر عشان نقدر يكون عندنا طفل اننا نعمل تفتيش ميكروسكوبى عشان نلاقى حيوانات منوية نقدر نعمل بها حقن مجهرى ، وممكن كمان مننجحش اننا نلاقى حيوانات منوية ، فتبقى كده نهيت بنفسك على انك تبقى أب ويكون عندك أطفال.
- و بيسبب كمان مشاكل جلدية زي حبوب فى الوجه والظهر.
- و اخيرا بيزود من لزوجة الدم واللي ممكن يسبب جلطات في أي مكان في الجسم زي المخ والقلب.
طيب ايه اللى المفروض اعمله لو انا خلاص حقنت نفسي بهرمون الذكوره ؟
اول حاجة لازم تعرفها انك لازم توقف حقن هرمون الذكورة ، وإن كورس تنضيف العضلات اللى شباب كتير بتتكلم عنه ده مش علاج ، ومش هيفيدك ابدا ، وعشان نحدد احنا هنعمل ايه ، وهنبدأ العلاج ازاى
اولاّ : لازم نعمل تحليل سائل منوى ، و نشوف وضع الحيوانات المنوية هل فى نقص ولا انعدام .
ولو عايز تعرف بنحتاج نعمل كام تحليل سائل منوي علشان نحدد سبب تأخر الإنجاب ، اسمع الفيديو ده مع الدكتور اسامة البكل…
ثانياّ : هنعمل تحليل لهرمون الذكورة و هرمونات الغده النخاميه .
و على حسب نتايج التحاليل دى هنبدأ نشوف الوضع واصل لفين ، و نبدء اننا نحط خطة علاج ، نحاول اننا ننشط بيها الخصية عشان ترجع تانى تقوم بدورها .
فى النهاية خليني اقولك اكيد كلنا يهمنا أن يكون شكل جسمنا حلو ، و عندنا عضلات و ده انت ممكن تعمله بطريقة صحية ، عن طريق انك تتابع مع دكتور تغذية ، يعملك برنامج غذائى مخصوص لاحتياجات جسمك ، و تمارس الرياضة بس بلاش حقن هرمون الذكورة ،
اما بقى لو كنت خلاص عملت كده واخدت حقن هرمون الذكورة ، ممكن تتواصل مع فريقنا الطبى على رقم
لا تدع القلق يؤثر على حياتك الاستقرار يبدأ بالتشخيص الصحيح
احجز استشارتك الآن مع الدكتور أسامة البكل في بيئة طبية آمنة وبسرية تامة.
التعليقات (0)
لا توجد تعليقات بعد. كن أول من يعلق على هذا المقال!
إرشادات التعليق