جاري التحميل...
مقالات ذات صلة
اقرأ المزيد عن هذا الموضوع في مكتبتنا الطبية لزيادة وعيك الصحي.
ما هو الفرق بين ضعف الانتصاب العضوي والنفسي؟
#ضعف الانتصاب#ضعف الانتصاب النفسي#ضعف الانتصاب العضوي#الصحة الجنسية#المشاكل الجنسية
ما هو الفرق بين ضعف الانتصاب العضوي والنفسي ؟
ضعف الانتصاب هو الكابوس الكبير اللي بيخاف اي راجل أنه يتعرض له قدام شريك حياته ، لان في رجالة كثير بتشوف ان قدرته هي عنوان رجولته ، وبالتالي لو اتاثرت بأي مشكلة هيفقد ثقته بنفسه وممكن كمان تدخله في دوامة اكتئاب يفقد فيها شريك حياته.
لكن قبل ما تقلق ، تعالي اطمنك واقولك ان بالتشخيص والعلاج كل مشكلة بقي ليها حل ، بس الاول نعرف هل ضعف الانتصاب اللي عندك ده عضوي ولا نفسي ؟ ايوا زي ما سمعت كدة ، ضعف الانتصاب ممكن يحصل لأسباب مرضية أو عضوية ، وممكن يحصل نتيجة قلق ومشاكل نفسية.
تعاني من هذه العلامة؟
📞 احجز تقييمك الآن: 01018874287ولكن قبل ما اقولك الفرق بين ضعف الانتصاب النفسي والعضوي ، خليني اقولك ايه هو اصلا ضعف الانتصاب :
في البداية لازم تكون عارف ان ضعف الانتصاب بيحصل نتيجة عدم قدرة الرجل على بلوغ الانتصاب أو الحفاظ عليه ، أو إن مفيش انتصاب كامل بيحصل وقت العلاقة الزوجية ، نتيجة وجود خلل في الدورة الدموية للقضيب ، والخلل ده بيكون بسبب إما ضعف في ضخ الدم للقضيب أو إن مش بيتم الاحتفاظ بالدم داخل القضيب نتيجة تسربه خارج العضو الذكري ، وبكده مش بيحصل انتصاب.
وهنا لازم تكون عارف معلومة مهمة جدا ، وهي ان في 1 من كل 10 رجال في العالم بيتعرضوا للضعف الجنسي في وقت معين من أوقات حياته ، ومش بالضرورة أن يكون لأسباب عضوية ، ممكن يكون نتيجة أسباب نفسية كمرض نفسي ، أو الإحساس بالتوتر والاضطرابات النفسية.
علشان كدة في رجال كثير بيخلطوا بين ضعف الانتصاب بين العرضي والمرضى ، فلو ضعف الانتصاب حدث بعد يوم مرهق أو بعد المرور بأزمة صحية مؤقتة ، ده بيكون عرض ، أما لو كان ضعف الانتصاب عملية متكررة ، بمعنى أنه بيحصل عند كل علاقة جنسية ، فده بيكون مرضي.
👨⚕️ هل تنطبق عليك هذه النقاط؟
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
إذا استمرت الأعراض أو أثرت على حياتك الزوجية، فالتقييم الطبي هو الخطوة الصحيحة.
جميع الاستشارات تتم بسرية تامة وخصوصية كاملة.
📱 للحجز المباشر: 01018874287
والأسباب العضوية : تمثل حوالي 80% من حالات ضعف الانتصاب زي :
1/ مرض السكر:
حيث أن ارتفاع مستوى السكر في الدم ، بيعمل تلف في الأعصاب اللي مسؤولة عن تحفيز الإثارة الجنسية عند الرجل ، وكمان بيأثر على ضخ الدم جوا الشرايين ، وبكده الدم مش هيوصل كويس للقضيب ، وهيسبب ضعف انتصاب.
2/ تصلب الشرايين:
لأنه في ارتباط قوي بين صحة القلب وبين قوة الانتصاب ، وضعف الانتصاب بينتج عن أمراض القلب اللي من أهمها انسداد الشرايين واللي بتحدث نتيجة ارتفاع نسبة الكوليسترول في الدم ، في الحالة دي علشان يحصل انتصاب ونقدر نحافظ عليه لحد ما نخلص العلاقة الزوجية ، لازم الدم اللي يوصل للقضيب يكون كافي وبشكل طبيعي ، فلو عندك انسداد في الشرايين ده هيتسبب في منع وصول الدم للقضيب ، وده هيسبب ضعف انتصاب.
3/ ارتفاع ضغط الدم:
حيث يحتوي القضيب على جسم كهفي بيتكون من شرايين وأوردة صغيرة وألياف عضلية ملساء ، وعند حدوث الانتصاب بترسل الدماغ إشارات صادرة إلى القضيب باسترخاء العضلات الملساء وتمدد الشرايين حتى يتدفق الدم إلى القضيب ويحدث انتصاب ، لأن ارتفاع ضغط الدم بيخلي العضلات الملساء تفقد قدرتها على الاسترخاء ، وبالتالي الدم مش هيتدفق إلى القضيب ومش هيحصل انتصاب.
4/ الإصابة بالفشل الكلوي:
تتسبب الإصابة بالفشل الكلوي في اختلال توازن الهرمونات في الجسم ، ومنها انخفاض هرمون الذكورة، وانخفاض الرغبة الجنسية مما يسبب ضعف انتصاب.
5/ لو في ارتفاع في مستوى هرمون البرولاكتين وهرمون الأنوثة:
لأنهم بيقللوا من مستوى هرمون الذكورة وهيؤدوا لمشاكل في الرغبة وضعف انتصاب.
6/ انخفاض هرمون التستوستيرون:
يؤدي انخفاض هرمون التستوستيرون إلى انخفاض الرغبة الجنسية ، وزي ما قولنا قبل كده إن علشان يحصل انتصاب لازم يكون في رغبة جنسية ، بالتالي انعدام الرغبة الجنسية هيؤدي لضعف الانتصاب.
7/ لو عندنا تسرب وريدي:
وده لأن المرحلة الثانية من الانتصاب بتكون من خلال الحفاظ على الدم داخل العضو الذكري وبقاؤه في أنسجة الجسم الكهفي ، فلو كان الوريد مش قادر على بقاء الدم في القضيب لمدة كافية ، ده بنطلق عليه التسرب الوريدي ، بالتالي الرجل مش هيقدر يحافظ على الانتصاب لحد ما يخلص العلاقة الزوجية نتيجة إن الدم تسرب خارج العضو.
8/ لو اتعرضنا لكسر في الحوض:
لأن ده هيسبب قطع في الأعصاب ، والأعصاب دي هي اللي بتغذي العضو الذكري وبتتحكم في الانتصاب ، وهنا هنلاقي إن الدورة الدموية سليمة والشرايين والأوردة مفيهاش اي مشكلة ، بس بسبب المشكلة اللي حصلت في العصب مبقاش يحصل انتصاب وقت العلاقة الزوجية.
9/ تضخم البروستاتا:
بمعنى أن الأعصاب والأوعية الدموية اللي بتغذي العضو الذكري بتكون موجودة على جدار البروستاتا ، فلو حصلها أي إصابة اثناء العمليات الجراحية او اصابة البروستاتا باي أورام خبيثة ده هيأثر على الأعصاب اللي بتغذي العضو الذكري وهيحصل ضعف انتصاب.
10/ تناول بعض الأدوية:
زي الأدوية الهرمونية أو أدوية علاج السرطان أو الأدوية اللي بتؤثر على الجهاز العصبي المركزي زي أدوية الاكتئاب ، كل ده بيسبب ضعف انتصاب.
11/ الإصابة بمرض بيروني:
بمعنى أن مرض بيروني ده بيكون عبارة عن تليفات بتحصل في أنسجة القضيب ، والتليف ده ممكن يخلي القضيب يبان أقصر وقت الانتصاب ، لأن المنطقة اللي فيها تليفات مش بتتمدد وقت الانتصاب وده بيعمل عند الشخص انتصاب منحني أو معوج ، و ممكن يسبب ضعف انتصاب.
ولو عايز تعرف معلومات اكثر عن مرض بيروني وتشخيصه وعلاجه ، اسمع الفيديو ده مع الدكتور اسامة البكل….
الأسباب النفسية : تمثل حوالي 20% من حالات ضعف الانتصاب زي:
1/ الضغوط النفسية والمشاكل الزوجية:
بمعنى أن العلاقة الزوجية هي عملية عاطفية في المقام الأول ، قبل ما تكون عملية غريزية ، والمشاعر العاطفية هي اللي بتدعم العلاقة وتجعلها أكثر جودة ، بالتالي لو عندنا أي خلافات أو مشاكل مع الزوجة فده هيخلينا مش قادرين نستمتع بالعلاقة الزوجية ولا هيكون عندنا رغبة جنسية ، لأن الضغط النفسي مش بيخلي عندنا رغبة ولا إثارة جنسية علشان يحصل انتصاب.
2/ لو بنمارس العادة السرية باستمرار:
لان ده بيخلينا نفرغ كل الرغبة والشهوة اللي جوانا فيها ، ونيجي وقت العلاقة الزوجية مش بيكون عندنا رغبة ، وبالتالي مش هيحصل انتصاب.
3/ الاكتئاب:
لأنه من أشهر الاضطرابات النفسية اللي بتؤدي لضعف الانتصاب.
4/ مشاهدة الأفلام الجنسية:
وده بيخلي عندنا مفهوم وشكل معين عن العلاقة الزوجية ، ولما مش بنلاقيها زي ما احنا متخيلين ، ده بيخلي عندنا قلة ثقة في نفسنا إننا مش كويسين في العلاقة الزوجية.
5/ الصدمات الجنسية السابقة:
بمعنى اننا لو اتعرضنا قبل كدة للتحرش والاعتداءات الجنسية ، ده هيخلي العلاقة الجنسية تثير جوانا استجابة عاطفية شديدة و هتخلينا نفتكر الذكريات المؤلمة اللي اتعرضنلها وساعتها هتعمل نوع من الانزعاج والشعور بعدم الراحة في العلاقة الزوجية ، وبالتالي هتسبب ضعف في الأداء الجنسي وضعف الانتصاب.
6/ المعتقدات الثقافية أو الدينية الخاطئة:
لأنها بتتسبب في تكوين مشاعر سلبية تجاه الجنس ، وده طبعاً بيأثر على الأداء الجنسي والإحساس بالمتعة ، ولأن اعتقاد الرجل في بعض المجتمعات بأنه لازم يكون هو المسيطر في العلاقة الزوجية ، وبالتالي ده هيشكل ضغط نفسي عليه فينعكس سلباً على الوظيفة الجنسية.
وبعد ما عرفت الفرق بين ضعف الانتصاب النفسي والعضوي ، لو عايز تعرف ما هو علاج ضعف الانتصاب اثناء ممارسة العلاقة الزوجية اضغط هنا…
خلاصة القول
وفي النهاية ، لازم تكون عارف أن ضعف الانتصاب مهما كان سببه او نوعه ، فهو ليه علاج ، علشان كده مهم جداً وقت العلاقة الزوجية أننا نتابع ادائنا كويس جداً ، ولو حسينا ان في تغير ملحوظ ومستمر لفترة طويلة في حدوث الانتصاب ، متخافش وتتابع مع دكتور متخصص علشان تعالج المشكلة دي.
ولو محتاج تتابع معانا حالتك ، تقدر تتواصل مع الفريق الطبي على رقم 01018874287 وهما هيحددولك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
لا تدع القلق يؤثر على حياتك الاستقرار يبدأ بالتشخيص الصحيح
احجز استشارتك الآن مع الدكتور أسامة البكل في بيئة طبية آمنة وبسرية تامة.
التعليقات (0)
لا توجد تعليقات بعد. كن أول من يعلق على هذا المقال!
إرشادات التعليق