الفرق بين الدعامة المرنة و الهيدروليكية في علاج ضعف الانتصاب
دعامات الانتصاب من اخر الحلول اللى بنلجألها عشان نعالج ضعف الانتصاب ، و دعامات العضو الذكرى بيكون فيه منها نوعين
و علشان تعرف تختار الدعامة المناسبة ليك سواء مرنة او هيدروليك لازم تعرف الفرق بينهم ، وده اللى هنتكلم عنه دلوقتى بالتفصيل ، و هنبدأ بالدعامة المرنة Malleable prosthesis
دي عبارة عن أنبوبة سيليكون بنزرعها في النسيج الكهفى فى العضو الذكري علشان تخلي العضو الذكرى منتصب و بكده نقدر نعمل العلاقة الجنسية بسهوله ، و بعد العلاقة الجنسية بنقدر اننا نتنى الدعامة المرنه بسهولة عشان العضو الذكرى يرتخى ، و الدعامة المرنة بيكون فى منها نوعين و هما :
- الدعامة المرنة شبه الصلبة
و دى بيكون فى منها اصدرات كتير زى :
- ريجيكون (Rigicon)
- كولوبلاست (Coloplast)
- الدعامة بروميدون (Promedone)
- الدعامة تاكترا (Tactra)
الدعامة المرنة المفصلية : ودي إنتاجها قليل ومش موجودة حاليا فى مصر
- اما النوع التانى من الدعامات هو الدعامة الهيدروليك Inflatable penile implant
ودي شكلها بيكون أقرب لشكل وحجم القضيب العادي وبتكون قابلة للنفخ وقت الانتصاب ، وفي منها نوعين:
- دعامة ثنائية القطع ودي بتتكون من اسطوانتين من السيليكون ومضخة
- و النوع التانى دعامة ثلاثية القطع ودي بتتكون من اسطوانتين من السيليكون ومضخة وخزان
و الدعامات الهيدروليك فى منها إصدارات زي:
- الدعامة الكولوبلاست (Coloplast) ، و دى في منها نوعين هما
- Titan
- Titan NB
- الدعامة الريجيكون (Rigicon) ، و دى كمان فى منها نوعين هما
- Infla 10
- و نوع تانى اسمه AMS 700 TM series ودا تبع شركة اسمها Boston وفي منها 3 إصدارات (Cx – Cxp – Lgx)
طيب بعد ما عرفنا انواع الدعامات و اصدراتها ، تعالوا بقى نعرف دلوقتى
أمتى أختار الدعامة المرنة وأمتى أختار الدعامة الهيدروليك؟
علشان تعرف تختار أي الدعامة المناسبة ليك دا بيتوقف على شوية حاجات خلينا نعرفهم دلوقتى
أول حاجة من عوامل اختيار الدعامة:
- استشاره دكتور متخصص علشان يقدر يساعدك في اختيار الدعامه المناسبه لحالتك , و دا بيتم من خلال الاجابة على شوية اسئله زي :-
- معرفه حالتك الصحيه (هل بتعاني من امراض مزمنه ماثره علي ضعف الانتصاب اللي عندك) ؟
- هل سبق وقام المريض بإجراء جراحي في البطن او البروستاتا او القولون ؟
- وكمان لازم نعرف سن المريض ؟
- و طريقه لبس المريض
- الكشف علي القضيب و الخصية علشان نعرف حجم القضيب و هل فى اى تليف او تقوس في القضيب ، و نحدد كمان حجم راس القضيب ، و نعرف كمان حجم كيس الصفن .
- ده غير اننا كمان نعرف اى الافضل للمريض من ناحية طريقة استخدام الدعامة و سعرها
وتعالوا نعرف على اي اساس بنختار بين الدعامة المرنة و الدعامة الهيدروليك ؟
- لو الشخص اللى هيركب الدعامة كان بيعانى من مشكله صحية او صعوبه فى استخدام ايده فالافضل هنا اننا نركب الدعامة المرنة لان استخدامها هيكون اسهل من الدعامة الهيدروليكية
- لو كان الشخص اللى هيركب الدعامة عمل عملية فى البطن او البروستاتا لازم نتأكد ان مفيش اى مضاعفات من الجراحه او مشكله فى الجرح ، لان ده لو موجود مش هينفع يركب دعامه هيدروليك
- ده غير ان لو المريض اللى هيركب الدعامة سنه كان بين 50 الي 70 سنه بننصحه بتركيب دعامه مرنه لانها اسهل في الاستخدام ومش بتحتاج مجهود علشان يحصل انتصاب
- و كمان لو الشخص اللى هيركب الدعامة بيلبس هدوم ضيقة فوقتها الافضل اننا نركب الدعامة الهيدروليك عشان متبانش فى اللبس
- كمان طول القضيب وحجمه بيفرق فلو كان العضو الذكرى اقصر من الطبيعى ، بننصح بالدعامه الهيدروليك لان انت بتتحكم بيها في الطول و القطر اللي محتاجه
- ده غير ان تكلفه العمليه هى بردو اللى بتحدد هنركب الدعامة المرنة و اللى بتعتبر ارخص من الدعامة الهيدروليك
ولو عايز تعرف معلومات اكثر عن تركيب دعامة الانتصاب سواء المرنة او الهيدروليكية ، اسمع الفيديو ده مع الدكتور اسامة البكل…..
ولو عايزين تعرفوا معلومات اكثر عن انواع الدعامة المرنة اضغط هنا…..