اضرار عملية دوالي الخصية بالأشعة التداخلية
تعد دوالي الخصية من أكثر الأمراض اللي بتصيب حوالي 15% من الرجال ، وهي عبارة عن تضخم في الاوردة الموجودة داخل كيس الصفن ، ومن الممكن أن تؤثر دوالي الخصية على هرمون الذكورة وعلى انتاج الخصية للحيوانات المنوية وده بيؤدي في الاخر الي مشاكل العقم وتأخر الإنجاب لحوالي 40% من الرجال.
وفي طرق كثير لعلاج دوالي الخصية، ومن خلال المقال ده هنتكلم عن طريقة من طرق علاج دوالي الخصية وهي الأشعة التداخلية ومضاعفاتها في علاج دوالي الخصية.
في البداية لازم تكون عارف ان الاشعة التداخلية دي عملية غير جراحية بيستخدمها الدكاترة في علاج دوالي الخصية، حيث يقوم الجراح بحقن مخدر موضعي في الجزء اللي من اعلى الفخذ لتخدير المنطقة ويقوم بإدخال أنبوب قسطرة تشبه قسطرة القلب من الوريد اللي في الفخذ او الوريد اللي في الذراع تحت توجيه الاشعة السينية، وبعد كدة بيطلع بالقسطرة لحد القلب وينزل تاني لحد ما يوصل للأوردة في الخصية وبعد كدة بيحقن مادة في القسطرة علشان يشوف الأوردة المتضخمة وبعدين يحقن جواهم مادة علشان يسدهم، والميزة الوحيدة فيها أن الجراح مش بيقدر يلمس الشريان الخصوي اللي بيغذي الخصية بالدم لأنه بيكون ماشي بالقسطرة جوا الأوردة فمش بيضر الشريان الرئيسي للخصية، وبعدها بيتم إزالة القسطرة خارج الجسم.
وبعد ما عرفنا ازاي بنستخدم الأشعة التداخلية في علاج دوالي الخصية، تعالوا نعرف ايه هي المضاعفات اللي بتسببها القسطرة في الاشعة التداخلية:
- تلف الأوعية الدموية أو العدوى:
إدخال القسطرة داخل الأوعية الدموية قد يُسبب نزيفًا ، عدوى ، أو تلفًا في الأوعية.
- عدم قدرة الأشعة التداخلية في علاج الخصية اليمنى :
بمعني ان القسطرة اللي بنستخدمها في علاج دوالي الخصية مش بتوصل للخصية اليمنى، بمعنى أن الأوردة اللي في الخصية اليمنى بيتعذر على القسطرة في الأشعة التداخلية انها توصلها وده بيكون نتيجة الاختلافات في التكوين التشريحي بين الخصيتين، معني كدة ان الخصية اليمنى لو فيها دوالي الاشعة التداخلية مش هتقدر توصلها وتعالجها ، وهيكون في نسبة أعلى من ارتجاع الدوالي تاني بعد العملية.
- عدم علاج الأشعة التداخلية للاوردة الصغيرة والدقيقة:
في الأشعة التداخلية بنحقن مادة جوا الأوردة علشان نسدها، والمادة دي مش هتتحقن جوا الأوردة الصغيرة والثانوية لأن حجمها بيكون صغير اوى ، فمش بنقدر نحقن جواها المادة، لازم الاوردة تكون كبيرة عشان حجمها يسمح اننا نحقنها، فكدة الاوردة الثانوية اللي فيها دوالي مش هتتربط.
- التعرض للإشعاع :
بمعنى ان المريض اللي عنده تاخر في الانجاب ورايح يعمل عملية دوالي الخصية ، في الأشعة التداخلية بنحط المريض تحت جهاز الاشعاع cr حوالي ساعة الا ربع ، وكدة اكون ضريت من وظيفة الخصية اكثر لان الخصية بتكون متضررة اصلا بسبب وجود الدوالي.
- ارتفاع نسبة ارتجاع الدوالي:
بمعنى أن نسبة ارتجاع دوالي الخصية تاني في الأشعة التداخلية بتكون اعلي بين كل طرق علاج الدوالي تتجاوز حوالي ال 15% او 20% ، وهي نسبة عالية مقارنة بالجراحة الميكروسكوبية.
ولو عايز تعرف ليه دوالي الخصية ممكن ترجع تاني بعد العملية ، اسمع الفيديو ده مع الدكتور اسامة البكل…
وفي النهاية بعد ما عرفت مضاعفات الأشعة التداخلية في علاج دوالي الخصية، لازم تكون عارف ان الجراحة الميكروسكوبية أفضل وأحسن طريقة تعالج بيها دوالي الخصية هي الجراحة الميكروسكوبية ، والسبب في ده:
1/ لأن الجراحة الميكروسكوبية بتسمح للدكتور إنه يشوف الأوردة الصغيرة بوضوح ويقدر يعزل الأوردة المصابة عن الأوردة السليمة من غير ما يضر الشرايين و ده لان الميكروسكوب الجراحي اللي بنستخدمه وقت العملية بيكبر الرؤيه 15 ضعف.
2/ العملية نفسها بتكون بسيط جدا وكل اللى بنعمله اننا بنفتح جرح صغير من 1-2 سم في أسفل البطن ، وبنستحدم الميكروسكوب علشان يشوف الأوردة الصغيرة بشكل أفضل لانه بيكبر لحد 25 درجة ، وبعدين بنبدأ نربط الأوردة المتضخمة اللي عاملة الدوالي ونحول مسار الدم اللى فيها لأوعية دموية تانية طبيعية.
3/ ده غير ان فرصة أن الدوالي ترجع تاني بتكون قليلة جدًا لان في الجراحة دي بيتم ربط جميع الأوردة بدقة عالية جدا وبأحكام.
4/ والعملية بتاخد حوالي ساعة واحدة والمريض بيرجع بيته في نفس اليوم ويقدر يمارس حياته الطبيعية بعدها بيومين.
وفي النهاية لو عايز تعرف امتي ممكن يحصل حمل وتحسن في تحليل السائل المنوي بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…