هل دعامة الانتصاب تنفع لأصحاب الأمراض المزمنة ؟

هل دعامة الانتصاب تنفع لأصحاب الأمراض المزمنة ؟

يعاني نسبة كبيرة من الرجال وخاصة كبار السن من بعض الأمراض المزمنة زي القلب او الضغط او السكر ، والأمراض دي بتأثر على الأوعية الدموية في القضيب ، وبتسبب ضعف في القدرة الجنسية وضعف انتصاب ، وفي وقت ان ممنوع على بعض أصحاب الأمراض المزمنة استخدام المنشطات الجنسية لخطورتها على صحتهم ، يأتي دور دعامة العضو الذكري كحل نهائي للمشكلة دي ، لكن السؤال اللي بيطرح نفسه : هل دعامة الانتصاب تنفع لأصحاب الأمراض المزمنة ؟

في المقال ده ، هنتكلم بالتفصيل عن الأمراض المزمنة التي تسبب ضعف انتصاب ، وهل أصحاب الأمراض المزمنة ينفع يركبوا دعامة القضيب ولا لا ؟ 

ودلوقتي تعالوا نعرف مع بعض ايه هي الامراض المزمنة اللي بتأثر علي العضو الذكري وبتسبب ضعف انتصاب : 

1/ أمراض القلب والأوعية الدموية : 

بمعنى أن علشان يحصل انتصاب و نقدر نحافظ عليه لحد ما نخلص العلاقة الزوجية ، لازم الدم اللي يوصل للقضيب يكون كافي وبشكل طبيعي ، فلو عندك انسداد في شرايين القلب ، في الأغلب هيكون في انسداد و ضيق في شرايين القضيب وده هيتسبب في منع وصول الدم للقضيب بصورة طبيعية ، وهيسبب ضعف انتصاب. 

2/ مرض السكر : 

• حيث ان ارتفاع نسبة السكر في الدم بتؤدي إلى تلف الانسجة والأعصاب اللي بتتحكم في الإثارة الجنسية وتحفيز الانتصاب. 
• ارتفاع السكر برضه بيؤدي إلى تلف الأوعية الدموية ، وده بيخلي الدم يوصل ببطء للقضيب وبالتالي هيسبب ضعف انتصاب.

3/ ارتفاع ضغط الدم :

• لما بيحصل انتصاب بترسل الدماغ إشارات عصبية إلى القضيب باسترخاء العضلات الملساء وتمدد الشرايين ، علشان يتدفق الدم إلى القضيب ويحصل انتصاب ، علشان كدة  ضغط الدم الطبيعي بيحافظ على الشرايين اللي بتحمل الدم إلى القضيب ، بالتالي ارتفاع مستوى ضغط الدم في الجسم بيخلي العضلات الملساء تفقد قدرتها على الاسترخاء ، وساعتها الدم مش هيتدفق إلى القضيب ، وهيسبب ضعف انتصاب. 
• ده غير طبعا بعض الأدوية المستخدمة في علاج ضغط الدم ممكن تتسبب في ضعف الانتصاب.

إذ ، كل الامراض دي بتؤدي إلى ضعف انتصاب ، وخاصة الحالات الشديدة بيكون صعب جدا اللجوء إلى المنشطات الجنسية ، لخطورتها الشديدة على صحتهم ، لذلك بيكون الحل النهائي والفعال هو تركيب دعامة القضيب.

ولو عايز تعرف ليه المنشطات الجنسية ممكن تضر مريض القلب ، اسمع الفيديو ده مع الدكتور اسامة البكل…

ودلوقتي تعالوا نعرف مع بعض ايه هي دعامة الانتصاب : 

دعامة الانتصاب هي جهاز طبي بيتزرع في القضيب ، وبتساعد على انتصاب العضو الذكري بشكل طبيعي ، ده غير إنها بتخلي القضيب يفضل منتصب فترة طويلة لحد ما نخلص العلاقة الزوجية ، واللي بيميز الدعامة عن أي علاج تاني إنها بتعالج مشكلة الضعف الجنسي بشكل نهائي من غير أي مضاعفات ، ده غير إن مش بيشترط في تركيبها سن معين ، وينفع اي شخص يركبها سواء كان شاب أو في منتصف العمر أو حتى كبير في السن بشرط يكون محتاجها فعلا.

ودلوقتي تعالي اجاوبك على سؤالك واقولك ، هل دعامة الانتصاب تنفع لأصحاب الأمراض المزمنة ؟ 

ايوا ، دعامة الانتصاب تعتبر من أكثر العلاجات أمانًا وفاعلية في حالات الأمراض المزمنة ، وخصوصًا:

1/ المرضى المصابين بمرض السكر بقالهم فترة طويلة وفشلوا في استخدام الأدوية.

2/ المرضى الذين خضعوا لجراحة في الحوض أو البروستاتا.

3/ المرضى اللي عندهم مشكله فى القلب وبياخدوا بسببها موسعات للشرايين ، وقتها منقدرش اننا نعالج ضعف الانتصاب باي منشطات جنسيه ، لانها ممكن تسبب انخفاض شديد في ضغط الدم وممكن يسبب الوفاة.

لكن مهم جدا في الحالات دي قبل ما نركب دعامة القضيب ، أننا نتأكد من شوية اجراءات عشان هتفرق جدا في نجاح العملية وبعد العملية : 

اولا : لازم نتاكد كويس جدا من حالتنا الصحية قبل الجراحة.

ثانيا : لو الشخص اللى هيركب الدعامة كان مريض ضغط لازم الضغط يكون مظبوط .

ثالثا : لو مريض سكر لازم السكر يكون مظبوط ، وخصوصاّ لو السكر مش مستقر ، لازم نظبط مستوى السكر التراكمى و العشوائي ، لان السكر بيضعف المناعة وبيقلل قدرة الأنسجة على أنها تستوعب الأجسام الغريبة ، عشان كده لازم نحافظ على مستوى السكر عشان نساعد ان الجرح يلتئم بسرعة وعشان ميحصلش اى التهابات. 

رابعا : لازم كمان تكون عارف طول وحجم العضو الذكري ، لان ده جزء مهم جدًا من نجاح العملية ، والمفروض إن الجراح المتخصص هو اللي بيقيس العضو الذكري أثناء الجراحة بنفسه ، ويختار المقاس المناسب بدقة.  

• لان الدعامة لو كانت اطول من العضو الذكري : ممكن الدعامة تخرم رأس العضو الذكري وتخترق مجري البول.
• ولو كانت أقصر من العضو الذكري نفسه : ممكن العضو الذكري يحصل فيه انحناء ، وبالتالي راس العضو الذكري هتكون فاضية ، والدعامة مرونتها هتقل وممكن تتكسر.

خامسا : بعض الحالات اللي عندهم مرض السكر ، لازم يركبوا دعامة مطلية بمضادات حيوية لتجنب حدوث اي التهابات.

واخيرا ، تعالوا نعرف مع بعض ازاي بنركب دعامة العضو الذكري : 

1/ لازم ناخد جرعة مضاد حيوي قبل العملية ، عشان ميحصلش اي عدوى وقت تركيب الدعامة.

2/ بعد كده بنبدأ بنطهر المكان اللي هنعمل فيه الجرح كويس ، علشان ميكونش عندنا أي فرصة لحدوث أي عدوى أو التهاب في الجرح.

3/ وبعدها بنعمل فتحة صغيرة في القضيب علشان نوصل للنسيج الكهفي ونزرع الدعامة ، ولو كانت الدعامة مرنة ، بيتم إدخالها من خلال شق جراحي أسفل رأس القضيب أو من خلال شق بين القضيب وكيس الصفن ، أما الدعامة الهيدروليكية بيتم ادخالها من خلال شق واحد بين القضيب وكيس الصفن ، بندخل منه الدعامة و المضخة والخزان.

4/ بعد كده بنركب الدعامة في مكانها المظبوط ، وبنقفل الجرح بخيوط تجميلية علشان ميكونش ليه أي أثر.

في النهاية ، لازم تكون عارف ان دعامة الانتصاب تعتبر من أنجح الحلول المستخدمة في علاج ضعف الانتصاب ، وخاصة للرجال المصابين بالأمراض المزمنة واللي ممنوع انهم ياخدوا اي ادوية او منشطات جنسية ، لانها ممكن تسبب لهم مضاعفات كثير غلط علي صحتهم ، ولكن الدعامة آمنة جدا وملهاش اى اثار جانبية وينفع اي شخص انه يركبها حتى أصحاب الأمراض المزمنة ، بشرط ان اللى يركبها يكون جراح متخصص في النوع ده من العمليات علشان نضمن أعلى نسبة نجاح للعملية.

ولو لسه عندك اي تساؤل او استفسار عن تركيب دعامة الانتصاب ، تقدر تتواصل معانا على الرقم ده 01018874287 ، واحنا هنحدد لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني..