هل ممكن يحصل إنجاب مع وجود دوالي في الخصية ؟
حالات كثير بتتفاجئ لما الدكتور يقولهم إن عندهم تأخر في الإنجاب رغم إنهم أنجبوا مرة قبل كده ، والسبب ممكن يكون دوالي الخصية اللي كانت موجودة قبل كدة ، بس بدأت تأثر أكثر مع الوقت ، وده بيأكد ان دوالي الخصية مش شرط تمنعك من الانجاب في بداية الجواز ، ولكن مع مرور الوقت تأثيرها بيزيد تدريجيًا ، وده اللي بيؤدي إلى تأخر الإنجاب الثانوي.
انا خلفت قبل كده يا دكتور وكان عندي الدوالي زي ما هي وكنت عامل أشعة وكانت بتقولي أن الدوالي موجودة زي ما هي ، ليه بقي دلوقتي تقولي ان لازم اعمل عملية دوالي الخصية علشان يحصل إنجاب ؟
طيب اللي نحب نتأكد عليه في بعض المشاكل اللي بتؤثر على الإنجاب تأثيرها تراكمي ، بمعنى أن تأثيرها السنة دي غير السنة الجاية غير السنة اللي بعدها.
دوالي الخصية بتبدأ اولا مع سن البلوغ ، وبالتالي تأثيرها بيبدأ يزيد مع الوقت وممكن المريض في بداية زواجه وهو سنه صغير يحصل إنجاب مره واثنين ، وبعد كده لما يأخر الإنجاب شوية ويجي يدور على الإنجاب تاني فيلاقي أن تحليل السائل المنوي بتاعه تدهور عن قبل كدة وأنه محتاج يعمل عملية دوالي الخصية.
دوالي الخصية هي الأشهر سبب في تأخر الإنجاب الثانوي ، بمعنى أن المريض يخلف ويبقي عنده مشكلة تاني ، سواء ان تحليل السائل المنوي في حد ذاته بدأ يدهور من حيث ضعف الحركة والتشوهات ونقص عدد الحيوانات المنوية ، أو في بعض الأحيان بيظل التحليل ظاهريا شكله كويس ولكن بيبدأ يحصل ارتفاع لتفتت المادة الوراثية ، ونعمل التحليل نلاقي التحليل مرتفع جدا فوق الأرقام الطبيعية ، فوقتها بيكون المريض محتاج يعمل عملية دوالي الخصية عشان يستعيد قدرته على الإنجاب مرة ثانية.
ولو عندك اي استفسار عن عملية دوالي الخصية او علاج العقم الثانوي ، ممكن تبعتلنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :