هل الخلايا الجذعية بتعالج ضعف الانتصاب ؟
الحقن الموضعي يعتبر علاج لضعف الانتصاب ما عدا بعض الحالات ، زي :
- المرضى اللى عندهم مرض بيروني او تليف فى القضيب ، لان الحقن هنا ممكن يزود التليفات و يسبب قصر فى طول القضيب.
- المريض اللي سنه صغير لاننا مش هنقدر نحقنه غير مرة كل اسبوع ، وده مش هيكون كافى للزوج ولا الزوجة.
- المرضى اللى بياخدوا ادوية سيولة بجرعات كبيرة مينفعش معاهم الحقن الموضعي.
هل الحقن الموضعي يناسب كل حالات ضعف الانتصاب ؟ وإيه هي مشاكل الحقن الموضعي ؟ وليه هو مش اول اختيار لعلاج ضعف الانتصاب على الرغم من أن فعاليته أفضل من العلاج الدوائي ؟
الحقن الموضعي بيستخدم في الحالات اللي فشل فيها العلاج الدوائي بالأقراص أو انه يجيب نتيجة مرضية للطرفين ، وبالتالي لما عملنا للمريض اختيار حقن واشعة دوبلكس على القضيب ، حصلت استجابة كاملة تكفي لحدوث العلاقة الزوجية بالحقن الموضعي بجرعة معينة.
طب ليه الحقن الموضعي مش مناسب لكل الحالات ؟
اولا : المرضى اللي عندهم مرض بيروني أو تليف في القضيب ، فالحقن الموضعي بيزود احتمالية أن المرض يزيد والتليفات تزيد ، فبالتالي ممكن يحصل قصر للقضيب ويصعب عملية تركيب الدعامة بعد كدة لو المريض حب انه يركب الدعامة أو العلاج مبقاش يجيب نتيجة ، لذلك اللي بيكون عنده مرض بيروني ، ياما بنستخدم معاهم العلاج الدوائي أو بنلجا لتركيب دعامة العضو الذكري.
ثانيا : الشباب اللي سنهم صغير اللي وصل لنقطة الحقن الموضعي والعلاج الدوائي مبقاش يجيب نتيجه ، فالحقن الموضعي يفضل انه ميستخدمش بمعدل عالي شهريا ، فالافضل انه يستخدم مرة اسبوعيا ، فده مش هيبقي كافي بالنسبة للرغبة الجنسية عند الشباب سواء بالنسبة له أو بالنسبة لزوجته.
ثالثا : المرضي اللي بيستخدموا ادوية السيولة بجرعات عالية أو حقن السيولة كعلاج لمرضي القلب ، فالحقن الموضعي مش ممنوع بالنسبة لهم ولكن لازم يكونوا عارفين احتمالية ان ممكن يحصلهم تجمع دموي مكان الحقن ، لان كل مرة بيدي الحقن لنفسه في القضيب لازم يكون عارف ان ممكن يحصله تجمع دموي.
طب ايه هي المخاطر او المشاكل اللي ممكن تحصل بسبب الحقن الموضعي ؟
1/ ممكن يحصل انتصاب مستمر : بمعني ان الانتصاب لو استمر اكثر من 3 الي 4 ساعات بعد القذف ومفيش استثارة جنسية ، فالمريض لازم يتوجه إلى أقرب مستشفى طوارئ علشان يتم سحب الدم من القضيب أو حقن حقنة تانية في القضيب علشان تنزل الانتصاب ، لان الانتصاب ده لو متعالجش وقتها ممكن يحصل تليفات في القضيب والمريض هيبقى محتاج انه يركب دعامة عاجلة.
2/ الحقن الموضعي ممكن يسبب تليفات في القضيب والمريض يبدأ يحصله مرض بيروني بسبب الحقن المتكررة في القضيب.
إذ دول هما المشكلتين لأي مريض هياخد قرار الحقن الموضعي ، فيكون عارف ان المشاكل دي ممكن تحصله ويفكر فيهم كويس قبل ما يروح لاختيار الحقن الموضعي كعلاج لمشكلة ضعف الانتصاب.
ولو عندك اي استفسار عن الحقن الموضعي أو مرض بيروني او عملية تركيب دعامة القضيب ، ممكن تبعت لنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :