هل تشوه الحيوانات المنوية سبب الاجهاض المتكرر ؟
في نسبة كبيرة من الناس بتعتقد ان طالما جسم الأم هو اللي بيحتضن الجنين ، فبالتالي هتكون هي المسؤولة عن أي ضرر يحصل له زي موضوع الاجهاض المتكرر ، ومن ناحية تانية بيجهلوا خالص الوضع الصحي للاب وبالتحديد جودة الحيوانات المنوية اللي بتكون اصلا هي المسؤولة عن تكوين الجنين.
ولكن الدراسات العلمية اكدت ان لو الحيوانات المنوية مشوهة او فيها اي خلل مش بس هتكون السبب في صعوبة حدوث الحمل ، لا كمان هتكون السبب في حدوث الإجهاض المتكرر عند الزوجة.
ومن خلال المقال ده هنتكلم عن الحيوانات المنوية المشوهة وازاي بتكون السبب في الإجهاض المتكرر عند الزوجة…
ودلوقتي تعالوا نعرف مع بعض ايه هى اصلا الحيوانات المنوية المشوهة ،
وإيه هي علاقة التشوه بالإجهاض عند الزوجة :
في البداية لازم تبقي عارف ان الشخص الطبيعي بيكون عنده نسبة من الحيوانات المنوية المشوهة في العينة ، والنسبة دي حوالي 96% وبالتالي لو زادت عن كده ، ساعتها الشخص ده هيكون عنده نسبة عالية من الحيوانات المنوية المشوهة وهيواجه صعوبة في الإنجاب.
وعلشان نعرف ايه علاقة تشوه شكل الحيوان المنوي بالإجهاض عند الزوجة :
- لازم تبقي عارف ان الحيوان المنوي بيتكون من رأس وعنق وذيل ، وان رأس الحيوان المنوي بالتحديد مهمة جدا في تكوين الجنين ، لان بيكون جواها 23 كروموسوم اللي بيحملوا المادة الوراثية الخاصة بالأب علشان تتحد مع المعلومات الوراثية الخاصة بالأم علشان يتكون جنين ، وهو ده الوضع الطبيعي اللي لازم يحصل وقت عملية تكوين الجنين فى رحم الأم ، وبالتالي أي خلل أو تكسير في الحمض النووي الموجود في رأس الحيوان المنوي هياثر على الجنين في مراحل نموه وتكوينه.
- ولان تكسير الماده الوراثية بيكون السبب في عدم قدرة الحيوان المنوي على تخصيب البويضة من الأساس ، وده طبعًا هيسبب تأخر في الإنجاب ، أو ان ممكن يحصل التخصيب فعلاً ويبدأ الجنين يتكون ، لكن بسبب وجود مشكلة في المادة الوراثية (الحمض النووي) ، الحمل مش هيكمل وهيحصل إجهاض مبكر ، خصوصا في اول 3 شهور من الحمل ، لأن الخلل ده بيمنع الجنين من التكوين بشكل طبيعي.
- وده بنعرفه من خلال تحليل تكسير المادة الوراثية اللي بنعمله على الحيوانات المنوية ، واللي بيستهدف رأس الحيوان المنوي اللي بتحتوي على الحمض النووي ، واللي بيكشف عن أي خلل في المادة الوراثية ومش بيوضحه تحليل السائل المنوي العادي.
ولو عايز تعرف ايه هي النسبة الطبيعية لتشوه الحيوانات المنوية ، اسمع الفيديو ده مع الدكتور اسامة البكل…
وبعد ما عرفنا أن رأس الحيوان المنوي هي اللي مسؤولة عن الاجهاض المتكرر ، تعالوا نعرف مع بعض ايه هي الاسباب اللي بتؤدي الى تشوه رأس الحيوان المنوي ، واللي بتكون السبب في حدوث الاجهاض :
وتعتبر هي السبب الرئيسي في تشوه الحيوان المنوي والاجهاض المتكرر عند الزوجة ، لأن دوالي الخصية ،
1/ بترفع من درجة حرارة الخصية والاحتقان ده بيزود من تراكم المواد المؤكسدة ( ROS ) اللي بتأثر على الخصية وانتاجها للحيوانات المنوية ، وبتضر بالحيوانات المنوية السليمة والمكتملة.
2/ وبتسبب تكسير في المادة الوراثية الموجودة في رأس الحيوان المنوي واللي مسئولة عن تكوين الجنين ، فالشخص المصاب بدوالي الخصية بيكون عنده نسبة عالية من التشوهات ، وتشوه رأس الحيوان المنوي هيؤدي إلى تفتت المادة الوراثية بداخلها وعدم قدرة الحيوان المنوي على تخصيب البويضة وبكدة مش هيحصل حمل بشكل طبيعي ، او ممكن يحصل حمل ، ولكن فرصة اكتماله هتكون ضعيفة وهيحصل اجهاض مبكر للجنين في الشهور الأولي من الحمل.
- التعرض المباشر للتلوث والسموم البيئية :
زي الأشخاص اللي بيشتغلوا في أماكن بيتعرضوا فيها للإشعاع أو المواد الكيميائية ، ده بيؤدي لمشاكل كبيرة في إنتاج الحيوانات المنوية ، زي التشوهات ، اللي بتسبب تكسير المادة الوراثية.
- التدخين بشراهة :
لأن مادة النيكوتين الموجودة في السجائر بتقلل تدفق الدم للخصية ، وبتزود التشوهات في الحيوانات المنوية ، وبتزود نسبة تفتت المادة الوراثية في رأس الحيوان المنوي.
- العدوى أو الالتهابات في الجهاز التناسلي :
زي التهاب البربخ أو التهاب البروستاتا ، واللي بتحصل بسبب الأمراض المنقولة جنسياً أو العدوى التناسلية ، ولازم تبقي عارف ان الالتهابات دي بتسبب تلف في إنتاج الحيوانات المنوية ، وزيادة تشوهاتها ، وده بيؤدي إلى تفتت المادة الوراثية والحمض النووي.
وبعد ما عرفنا الأسباب اللي بتؤدي إلى تشوه الحيوان المنوي وتكسير المادة الوراثية الموجودة في رأس الحيوان المنوي والمسؤولة عن الإجهاض عند الزوجة ، تعالوا نعرف ازاي نعالج المشكلة دي عشان نحافظ على تكوين الجنين في رحم الأم :
الاول لازم نعالج التشوه و نقلل تكسير المادة الوراثية اللي ادى الى حدوث الاجهاض ، بمعني ان لو كان سبب التشوه ، هو :
- دوالي الخصية : هنعالج دوالي الخصية بالجراحة الميكروسكوبية باعتبارها أفضل وأحسن طريقة تعالج بيها دوالي الخصية من غير ما تضر الخصية.
- أما لو كان السبب هو التعرض للتلوث البيئي : هنضطر إننا نبعد عن البيئة اللي بنتعرض فيها للتلوث علشان نحافظ على وضع الخصية ووظيفتها في تصنيع الحيوانات المنوية.
- ولو كان التدخين : هنبعد عن التدخين عشان نحسن من وظيفة الخصية في إنتاج حيوانات منوية سليمة.
- ولو كان السبب التهابات في الخصية : هنطلب من المريض أنه يعمل مزرعة سائل منوي علشان نحدد نوع البكتيريا وانسب مضاد حيوي للمريض.
وفي النهاية ، لازم تبقي عارف ان الحيوان المنوي هو المسؤول عن تكوين الجنين ، واي مشكلة هتأثر على جودة الحيوان المنوي ، هتكون السبب في الإجهاض المتكرر عند الزوجة من خلال تكسير المادة الوراثية في الحيوانات المنوية ، لكن ده مش معناه انك تفقد الأمل وتقول ان خلاص مش هيكون عندي طفل ، لازم تبقي عارف ان كل مشكلة وليها علاج ، وبدل الطفل هيكون اتنين باذن الله.
ولو خلاص محتاج تتابع معانا مشكلتك ، تقدر تتواصل معانا على الرقم ده 01018874287 واحنا هنحجزلك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني ، وخلينا نبدأ مع بعض رحلة علاج تنتهي انك تكون اب.