هل دوالي الخصية خطيرة على المراهقين ؟

هل دوالي الخصية خطيرة على المراهقين ؟

الخصية هي عبارة عن أوردة وشرايين ، الشرايين بتغذيها وتنقلها الدم اللي فيه الاكسجين ، والأوردة بتنقل الدم من الخصية الى القلب ، فالاوردة اللي موجودة في الخصية بيحصل فيها تمدد وتضخم نتيجة لضعف الصمامات بها واللي بتكون مسؤولة عن تنظيم تدفق الدم من الخصية إلى القلب ، وفلما بيحصل خلل في الصمامات ، ده بينتج عنه خلل في الدورة الدموية ، فبنلاقي ان جزء من الدم بيكون ماشي في مساره الطبيعي من الخصية في اتجاه القلب والجزء الثاني بيرجع للخصية فبيحصل تمدد في الأوردة و تتضخم و تسبب الدوالي.  

ولازم تكون عارف أن دوالي الخصية من المشاكل المنتشرة اللي بتصيب حوالي 15-25 % من الرجال، وبتظهر بشكل أكبر عند الشباب في سن المراهقة والبلوغ، خصوصًا بين 15 لـ25 سنة.

ودلوقتي تعالوا نعرف اسباب دوالي الخصية عند المراهقين

دوالي الخصية بتظهر بشكل واضح في سن المراهقة وتزداد بمرور الوقت ، وده لان فترة البلوغ هي فترة نمو الخصيتين بسرعة جدا ، وده طبعا بيخلي الخصيتين يحتاجوا لدم اكثر علشان يسد احتياجاتهم ، وبالتالي تدفق الدم للخصية بيزيد وكذلك الدم اللي خارج من الخصية كمان بيزيد ، فلو الصمامات الموجودة في الاوردة فيها خلل ، ده هيخلي الاوردة مش قادرة تتحمل الدم الكثير اللي بيوصلها وهيتراكم الدم ويعمل تضخم في الأوردة واحتقان في الخصية ويسبب الدوالي ، وده بيظهر بشكل أكبر خاصة عند الناس اللي بيبقي عندهم ضعف بجدار الاوعية الدموية وده بيبقي أمر وراثي.

وبعد ما عرفنا ايه هى اسباب وجود دوالي الخصية عند المراهقين ، دلوقتي تعالوا نعرف مع بعض مضاعفات دوالي الخصية على المراهقين

وهنا لازم نوضح نقطة مهمة جدا وهي ان زي ما دوالي الخصية ليها مضاعفات وتأثير على المراهقين في فترة البلوغ ، هي برضوه ليها تأثير واضح على الكبار ممكن يوصل الى ضمور الخصية وكمان مشاكل في الانجاب. ممكن تعرف من المقال دا هل دوالي الخصية هي سبب تأخر الإنجاب

ودلوقتي تعالوا نعرف مع بعض ايه هو علاج دوالي الخصية عند المراهقين

لازم تكون عارف ان أول خطوة في العلاج هي التشخيص الصح ولازم يكون عند دكتور متخصص علشان يحدد درجة الدوالي عند ابنك ، وهل مأثرة عليه ولا لا ، ولو ما كانتش مأثرة ومفيش الم ، مش هنحتاج لعلاج ، لكن لو فيه ألم شديد وكانت دوالي الخصية من الدرجة التانية او التالتة ، وكانت مأثرة على حجم الخصية أو نموها، فالعلاج الوحيد بيكون بالتدخل الجراحي.

وقبل ما تقلق من كلمة عملية ، خليني اقولك ان عملية دوالي الخصية دي عملية سهلة وبسيطة جدا وبيقدر يمارس حياته الطبيعية بعد العملية بيومين ، بس الاول خليني اقولك طرق علاج دوالي الخصية.

1/ الجراحة التقليدية: مش بنفضلها في علاج دوالي الخصية ، لأنها بتعتمد على نظر الدكتور والأدوات الجراحية التقليدية ، وده بيخليه مش بيعرف يشوف كل الأوردة والشرايين بشكل واضح، فممكن بالغلط يقطع الشريان الخصوي المغذي للخصية ، أو ممكن يسيب الاوردة الصغيرة والثانوية اللي فيها دوالي وده طبعا هيخلي الدوالي ترجع تاني بعد فترة من العملية.

2/ الجراحة بالمنظار: مضاعفاتها زي مضاعفات الجراحة التقليدية بالظبط مش بتخلينا نقدر نشوف الأوردة الدقيقة ونربطها كلها ،ولا نقدر نحافظ علي الشريان الخصوي وقت العملية ، وعلشان كدة بيكون في احتمال ان دوالي الخصية ترجع تاني او ان وظيفة الخصية تضرر بعد العملية.

3/ الجراحة الميكروسكوبية: احسن وافضل طريقة نعالج بيها عملية دوالي الخصية ، علشان بتساعدنا نكبر مكان العملية لأن قوة تكبير الميكروسكوب تصل إلى 40 مرة ، فبنقدر نشوف الأوردة والشرايين بشكل واضح ودقيق، ونقدر نشوف الشعيرات الليمفاوية ونتجنب اننا نربطها بالغلط مع الاوردة لان ده ممكن يسبب قيلة مائية على الخصية، ده غير كمان ان وقت العملية مش بياخد اكثر من الساعة وتقدر ترجع بيتك في نفس اليوم وتمارس حياتك العملية بعدها بيومين.

ولو عايز تعرف اكثر عن الفرق بين جراحة المنظار والجراحة الميكروسكوبية في علاج دوالي الخصية ، اسمع الفيديو ده مع الدكتور اسامة البكل…

في النهاية لازم الآباء ينتبهوا في مرحلة البلوغ والمراهقة إذا كان الابن بيعاني من ألم شديد في الخصيتين لانها ممكن تكون دوالي على الخصية وهو مش عارف ، لان التأخر في علاجها بيكون من المشاكل اللي علاجها بيكون صعب جدا.

ولو احتجت تطمن تقدر تتواصل معانا01018874287  واحنا هنحددلك ميعاد مع الدكتور اسامة محمد البكل مدرس واستشاري طب وجراحة أمراض الذكورة  وتاخر الانجاب والصحة الجنسية بطب القصر العيني.