هل عملية دوالي الخصية خطيرة؟
دوالي الخصية بتشبه إلى حد كبير دوالي الساقين ، فهي بتكون عبارة عن اوردة في الخصية بيحصل فيها تورم وتضخم وتعمل شكل الدوالي ، ولا شك أنها بتصيب حوالي 15% من الرجال ، وتصيب حوالي 40% من الرجال بـ العقم وتاخر الانجاب ، وعلاجها الوحيد هو الجراحة ، واوعى تصدق كلام ناس كثير بتقولك ان عملية دوالي الخصية عملية خطيرة و انك هتخرج من العملية لسه عندك دوالي ، لازم تبقي عارف ان عملية دوالي الخصية عملية سهلة وبسيطة جدا ، بس هتكون خطيرة فعلا وليها مضاعفات كثير لو اتعملت بطريقة غلط.
وقبل ما نتكلم عن الطرق اللي لو اتعملت بيها عملية دوالي الخصية هيكون ليها مضاعفات ، خلونا الاول نوضح دوالي الخصية عبارة عن ايه :
دوالي الخصية عبارة عن توسع وتضخم غير طبيعي في اوردة الخصية الموجودة جوا كيس الصفن ، والاوردة دي جواها صمامات بتكون مسؤولة عن نقل الدم من الخصية الى القلب ، ومنع عودته تاني للخصية ، لكن لو الصمامات دي كان فيها خلل او عيب خلقي ، ساعتها الدم هيرجع تاني للخصية ويفضل يتراكم ويتجمع جوا الأوردة ويعمل تضخم ، وكل ده هيسبب الدوالي.
ولازم تكون عارف ان دوالي الخصية 3 درجات ، وكل درجة ليها شكل وطريقة علاج مختلفة عن الدرجة الثانية :
1/ الدرجة الأولى : تعتبر ابسط درجة ، لان الدوالي بتكون صغيرة جدا ومش مسببة اي اعراض او الم للشخص ، وبيكون صعب على الدكتور انه يفحصها بالايد ، وبيكتشفها عن طريق الأشعة بالموجات فوق الصوتية.
2/ الدرجة الثانية : الدرجة دي الدكتور بيقدر يحس بيها ويلمسها لما بيطلب من المريض انه يتنفس بعمق ويحبس النفس فترة قصيرة ، علشان يفحص كيس الصفن ويشوف لو في أي كتل أو أوردة منتفخة.
3/ الدرجة الثالثة : تعتبر اخطر درجة من درجات دوالي الخصية ، لان الدكتور بيقدر يشوفها ويلمسها بسهولة ، علشان بتكون عاملة تغير كبير وواضح في شكل كيس الصفن وحجمه ، وعلاجها الوحيد هو العملية.
ودلوقتي تعالوا نجاوب على سؤالنا ، هل عملية دوالي الخصية فعلاً خطيرة؟
في البداية لازم تبقي عارف ان عملية دوالي الخصية بتتعمل ب 4 طرق ، وممكن تكون خطيرة وتسبب مضاعفات لو اتعملت بالطرق دي:
1. الجراحة التقليدية
لازم تبقي عارف ان الجراحة التقليدية من الطرق اللي كانت بتتعمل بيها عملية دوالي الخصية الاول ، واللي بيحصل فيها ، أن الدكتور بيفتح فتحة في اسفل البطن وبالتحديد في المنطقة الاربية ، ويبدا يشوف فين الاوردة المنتفخة اللي عاملة الدوالي ويربطها كلها ، ولانه مش بيكون معاه اي ادوات او اجهزة حديثة ، وبيكون معتمد علي نظره وادواته الجراحية بس ، ده طبعا بيسبب للمريض مشاكل ومضاعفات كثير بعد العملية زي :
- ضمور الخصية : لأن الاوردة والشرايين في الخصية بتكون قريبة جدا من بعض ، ولانه مش بيكون معاه اي ادوات تساعده يشوف مكان العملية بشكل اوضح ، ممكن يقطع الشريان الخصوي اللي بيغذي الخصية بالدم ، وبكدة هيكون منع الخصية ان يوصلها الدم وهيؤدي الي ضمور الخصية.
- القيلة المائية : لان الجراح ممكن ساعة العملية يربط الاوعية الليمفاوية بالغلط مع الاوردة ، والاوعية دي هي اللي بتكون مسؤولة عن نقل السوائل في الجسم ، ولما بتتربط ده هيخلي السوائل تتجمع حول الخصية تعمل قيلة مائية.
- رجوع الدوالي ثاني بعد العملية : لأن الأوردة الثانوية والصغيرة في الخصية بتكون موجودة علي جدار الحبل المنوي ، وبتكون محتاجة تكبير ، ولان في الجراحة التقليدية ، الجراح مش بيكون معاه أجهزة حديثة ، فبيكون صعب عليه ان يشوف الاوردة الصغيرة بالعين المجردة ، وممكن ميربطهاش وقت العملية ، وهو ده اللي هيخلي الدوالي ترجع تاني بعد العملية.
2. المنظار
- نيجي بقى للطريقة الثانية اللي بتتعمل بيها عملية دوالي الخصية ، واللي بنسبة كبيرة مضاعفاتها زي مضاعفات الجراحة التقليدية بالظبط.
- لأن المريض بيكون تحت تأثير التخدير الكلي ، والجراح بيعمل شقوق صغيرة في منطقة البطن علشان يدخل منها المنظار والأدوات الجراحية والكاميرات ، علشان يربط الاوردة المصابة اللي فيها الدوالي ، والطريقة دي برضو بتضر الخصية و بتخلينا ممكن منربطش كل الأوردة اللي فيها الدوالي ، والدوالي ترجع تاني بعد العملية ، ده غير تأثير التخدير ، لان التخدير الكلي مضاعفاته أكثر بكثير من التخدير النصفي.
- ودي بتم عن طريق ان الجراح بيحقن الشخص بمخدر موضعي في الجزء العلوي من الفخذ وبعدها بيبدا يدخل أنبوب قسطرة في الوريد الفخذي ويوجهها بالاشعة السينية ، ويقوم بوضع سلك ملفوف علشان يسد الوريد المصاب ويمنع تدفق الدم من خلاله ، وبعد كدة بيزيل القسطرة خارج الجسم ، ويقفل الجرح.
- والطريقة دي برضو بيكون ليها مضاعفات ، لأننا بنضطر نعرض الخصية لجزء كبير من الإشعاع حوالي 45 دقيقة ، وده طبعا بيضر الخصية ، والخصية اصلا بتكون متضررة بسبب الدوالي.
ودلوقتي بعد ما عرفنا الطرق الجراحية اللي لو عالجنا بيها دوالي الخصية هتسبب لنا أضرار ومضاعفات ، تعالوا نعرف ايه أفضل طريقة تعالج بيها دوالي الخصية ومن غير ما تضر الخصية:
الجراحة الميكروسكوبية : تعتبر أفضل وأحدث طريقة لعلاج دوالي الخصية
- لأنها بتسمح للجراح إنه يشوف الأوردة الصغيرة بشكل واضح ، ويقدر يعزل الأوردة المصابة عن الأوردة السليمة من غير ما يضر الشرايين زي الشريان الخصوي.
- ده غير أن جرح العملية بيكون صغير اوي حوالي 2-3سم في أسفل البطن ، وبعدها بنستحدم الميكروسكوب علشان نشوف الأوردة الصغيرة بشكل أفضل لانه بيكبر لحد 25 درجة ، وبعدين بنبدأ نربط الأوردة المتضخمة اللي عاملة الدوالي ونحول مسار الدم اللى فيها لأوعية دموية تانية طبيعية.
- وفرصة أن الدوالي ترجع تاني بعد العملية بتكون ضعيفة جدًا لأن في الجراحة الميكروسكوبية بنربط كل الأوردة بدقة عالية.
- وكمان العملية بتاخد حوالي ساعة واحدة بس والمريض بيرجع بيته في نفس اليوم ويقدر يمارس حياته الطبيعية بعد يومين.
- ويقدر كمان يمارس العلاقة الزوجية بعد اسبوع واحد بس من العملية.
ولو عايز تطمن على الإنجاب وتعرف امتي بيحصل حمل بعد عملية دوالي الخصية بالميكروسكوب ، اسمع الفيديو ده مع الدكتور اسامة البكل…
في النهاية ، لازم تبقي عارف ان عملية دوالي الخصية مش خطيرة ، عملية دوالي الخصية عملية سهلة وبسيطة خالص ، المهم انك تتشخص صح وتتاكد انك فعلا محتاجة للعملية ، والاهم طبعا انك تختار الطريقة اللي تعالج بيها دوالي الخصية صح ، عشان متضرش الخصية وتزود عليها مشاكل تانية اكبر من الدوالي.
ولو احتجت انك تتواصل معانا ونحجز لك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني ، تقدر تتواصل معانا على الرقم ده 01018874287.