هل الزوجة دائما هي السبب في تاخر الانجاب ؟
لو فى تأخر في الإنجاب أكثر من سنة ، لازم الزوج و الزوجة يكشفوا هما الاتنين ، لان مش دايما بيكون تأخر الإنجاب سببه مشكلة عند الزوجة و ممكن يكون فى مشكلة كمان عند الزوج هي السبب الرئيسي في تاخر الانجاب.
واحدة من المشاكل اللي بنواجهها كثير في العيادة وبتسبب تأخر تشخيص حالات تأخر الإنجاب ، أن لما بيحصل تأخر في الإنجاب أكثر من سنة ، بناخد الزوجة و نروح نكشف بيها ، وممكن كمان تروح لأكثر من دكتور وتاخد أكثر من علاج وعلاج لتنشيط الهرمونات ، والزوج في كل ده معملش ولا تحليل سائل منوي واحد.
وحتى لو الزوجة عندها مشكلة ، ده ميمنعش أن الزوج هو كمان ممكن يكون عنده مشكلة ، فكثير جدا بينسي الزوج أنه يعمل تحليل في وسط زحمة تحاليل الزوجة أو لو كانت الزوجة عندها مشكلة كبيرة فعلا.
بل للأسف في بعض الأحيان وبعد ما الزوجة تكون اخدت علاج أكثر من شهر ، والزوج يجي يعمل تحليل سائل منوي يطلع أن عنده انعدام في الحيوانات المنوية.
بمعنى آخر أن مشكلة الزوج أكبر بكثير من مشكلة الزوجة.
ف باختصار كدة تأخر الإنجاب أكثر من سنة ، لازم الزوج والزوجة الاتنين يعملوا تحاليل ويكشفوا ، بمعنى أن الزوجة هتروح لدكتور النسا عشان يقيم حالتها والتبويض ولو في اي مشكلة عندها ، والزوج على الأقل يعمل تحليل سائل منوي علشان يطمن أن مفيش مشكلة عنده ، أو لا قدر الله لو في اي مشكلة يروح يكشف مباشرة وميقعدش يلف كثير بالزوجة وهو عنده مشكلة متحلتش اصلا.
بالتالي علشان يحصل حمل طبيعي لازم مشاكل الزوج والزوجة الاتنين يتحلوا في نفس الوقت علشان يكون عندنا اعلى فرصة لحدوث الحمل الطبيعي باذن الله.
ولو عندك اي استفسار عن تأخر الإنجاب عند الرجال وعلاج إنعدام الحيوانات المنوية ، ممكن تبعت لنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :