التفتيش الميكروسكوبي في حالات انعدام الحيوانات المنوية من الخصية

التفتيش الميكروسكوبي في حالات انعدام الحيوانات المنوية من الخصية

يوجد 3 طرق لاستخراج الحيوانات المنوية من الخصية 

1/ سحب العينة بالابرة

2/ الجراحة العادية 

3/ التفتيش الميكروسكوبي ولكنه يعتبر من أهم التقنيات المستخدمة لاستخراج الحيوانات المنوية من الخصية فى الحالات اللي بتعاني من فشل وظيفي في الخصية أو في الحالات اللي معندهاش سبب واضح لانعدام الحيوانات المنوية ، لأنه ليه أكثر من ميزة : 

• بيحقق أعلى نسبة نجاح.
• بيحافظ على أنسجة الخصية.
• بيتم إجرائه تحت الميكروسكوب الجراحي بدقة.

دايما بيجي قدامنا سؤال مهم جدا ، امتى نقول لمريض انعدام الحيوانات المنوية أن حله الوحيد هي عملية التفتيش الميكروسكوبي من الخصية ؟

حالات انعدام الحيوانات المنوية اللي بتحتاج الى التفتيش الميكروسكوبي من الخصية : 

1/ الحالات اللي عندها فشل وظيفي في الخصية ، بمعنى ان المريض ده عنده صغر في حجم الخصيتين وارتفاع في هرمون FSH والحالات دي اغلبهم بيكون شبه مستحيل انهم يخرجوا حيوانات منوية في القذف ، وعلاجهم الوحيد هو عملية التفتيش الميكروسكوبي.

2/ الحالات اللي مفيش سبب واضح لانعدام الحيوانات المنوية ، بمعنى أن حجم الخصيتين بيكون كويس ومفيش دوالي في الخصية ومفيش اي خلل هرموني ، وبالتالي مفيش سبب واضح وقابل للعلاج ، وحلها الوحيد هو التفتيش الميكروسكوبي علشان نشوف وضع الخصية عامل ازاي ، ولان كمان العلاج الهرموني وقتها مش هيكون ليه اي دور في الحالات دي لان منعرفش وضع أنسجة الخصية عامل ايه بالظبط جوا. 

• سحب العينة بالابرة 
• أو الفتح الجراحي العادي
• أو التفتيش الميكروسكوبي 

اولا : سحب العينة بالابرة : ودي بنستخدمها في الحالات اللي بتعاني من انسداد في مجرى السائل المنوي ، بمعنى ان المريض ده اتشخص ان هو عنده انسداد في مجرى السائل المنوي ، يعني مفيش حبل منوي اصلا او عنده انسداد مكتسب بسبب عملية غير قابلة للعلاج أو الإصلاح بتدخل جراحي.

ثانيا : الفتح الجراحي العادي أو التفتيش الميكروسكوبي : الاثنين بيتم فتح الخصية وأخذ عينات من الخصية ، ولكن التفتيش الميكروسكوبي أفضل من الفتح الجراحي العادي ، لكذا سبب : 

1/ لاننا بنشوف انسجة الخصية كلها في التفتيش الميكروسكوبي ، وبكدة هناخد الاجزاء اللي احنا شايفنها تحت الميكروسكوب ، وهي الانابيب المنتفخة والأكثر اتساعا ، واللي بتكون فيها الحيوانات المنوية فيها بجودة افضل.

2/ وبسبب تكبير الميكروسكوب ده بيخلينا نأخذ أجزاء أقل من نسيج الخصية ، وده طبعا بيقلل من الضرر الناتج عن العملية سواء على انخفاض هرمون الذكورة أو حدوث ضمور في الخصية او حدوث تجمع دموي على عكس الجراحة العادية.

إذ التفتيش الميكروسكوبي هو أفضل طريقة للتفتيش بالخصية عن الحيوانات المنوية السليمة في حالات الفشل الوظيفي بالخصية مع أعلى نسبة نجاح تصل إلى 40 – 50%. 

ولازم تكون عارف ان مهما اتقالك ان عندك انعدام في الحيوانات المنوية ومستحيل تكون اب ، خلي عندك امل في قدرة ربنا سبحانه وتعالى ثم في العلاج ، وأن أي مشكلة وليها حل بس اوعى تفقد الأمل.

ولو عندك اي استفسار عن عملية التفتيش الميكروسكوبي ، ممكن تبعت لنا على رسائل الصفحه او من خلال الواتساب 01018874287.

دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.

احجز الآن :