انسداد القنوات المنوية :
لما الحمل بيتأخر و بنبدأ ندور على السبب ، و نعمل تحليل للسائل المنوي عشان نعرف المشكله فين ، و تيجى النتيجة انعدام في الحيوانات المنوية ، وقتها الحاجة الوحيدة اللى بتيجى فى بالنا ان كده خلاص مش هيكون عندنا اطفال ، بس خلينى اقولك ان تفكيرك غلط ، و ان لسه فى امل ان يكون عندك طفل حتى لو نتيجة التحليل صفر حيوانات منويه ، لو الاسباب اتشخصت صح و اتعالجت صح
فتعالوا كده نتكلم عن سبب مهم جدا من اسباب انعدام الحيوانات المنوية و هو ،
انسداد القنوات المنوية ، و عشان نفهم كويس يعنى ايه انسداد القنوات المنوية ، تعالوا الاول نعرف سوا رحلة الحيوان المنوي
المكان اللي بيحصل فيه انسداد
احنا كده عرفنا الطريق الطبيعى اللى بيمشى فيه الحيوان المنوي من الخصية لحد ما يخرج فى وقت القذف ، و هنا لازم نفهم حاجه كويس اننا عندنا حيوانات منوية و أن الخصية بتكون شغاله كويس جدا مفيهاش اى مشكله، بس بسبب ان فى انسداد فى جزء من الطريق اللى بيمشى فيه الحيوان المنوي من اول الخصية لمجرى البول الحيوان المنوى مش بيطلع من الخصية وقت القذف ، و الانسداد ده وارد انه يبقى فى :
و هنا لازم ناخد بالنا من حاجة مهمة عشان كتير من الناس بتيجى تقولى يادكتور انا فى سائل بيطلع عندى وقت القذف يبقى ازاى عندى انعدام في الحيوانات المنوية ؟
و عشان نفهم اجابة السؤال ده تعالوا نعرف اي اللى بيحصل فى حالة ان فى انسداد فى مخرج السائل المنوى ،و يعني اي اصلاّ سائل منوي
السائل المنوى، ده وهو إفراز طبيعي تنتجه البروستاتا و الحويصلة المنوية ، و وظيفته انه يغذي الحيوانات المنوية و يسهل خروجها وقت القذف ، اما الحيوانات المنوية دى بيتم انتاجها فى الخصية ، و نفهم من ده ان الحيوان المنوي بيخرج من مكان و السائل المنوي بيخرج من مكان تانى و هو البرستاتا ، و يختلطوا مع بعض وقت القذف و يكونوا السائل المنوي بالحيوانات المنوية ، واللى بيحصل لما بيكون فى انسداد فى القنوات المنوية ، ان الحيوانات المنويه مش بتخرج وقت القذف ، اللى بيخرج هو السائل المنوى بس.
اسباب انسداد القنوات المنوية
خلينى اقولك فى الاول ان فى اسباب تانيه غير انسداد القنوات المنوية ممكن تسبب انعدام الحيوانات المنوية تقدر تتعرف عليها اكتر من هنا ، بس اللى يأكد ان انعدام الحيوانات المنوية سببه انسداد فى القنوات المنوية هو :
لما يكون عندنا انعدام في الحيوانات المنوية و نلاقى الخصية حجمها كويس وكمية السائل المنوي قليلة ، والهرمونات زى هرمون الذكورة وهرمونات الغدة النخامية نسبتهم طبيعية ، فكل ده بيقول ان الخصية بتنتج حيوانات منوية ، لكن الحيوانات المنوية دى مش بتخرج مع القذف يبقى كده فى انسداد ، مش اى سبب تانى ، وعشان نتأكد اكتر بناخد عينة من الخصية ونتأكد ان فيها حيوانات منوية بكميات كبيرة .
تعالوا دلوقتى بقى نتكلم عن علاج انسداد القنوات المنوية :
علاج انسداد القنوات المنوية
عشان نعرف ايه هو العلاج ، لازم الاول نعمل اشعه عشان نتاكد من مكان الانسداد و نعرف درجته ايه ، و نشوف هل هنقدر نصلحة والحيوانات المنوية بعد كده هتخرج بصورة طبيعية مع القذف ، ولا هنحتاج نعمل عينة ميكروسكوبية و نطلع حيوانات منويه و نعمل بيها حقن مجهرى ، يعنى لو الانسداد كان فى قناة القذف او فى الحبل المنوى وقتها ممكن نعمل تسليك و نشيل الجزء المسدود و نوصلهم تانى ببعض و تقدر بعد كده الحيوانات تخرج عادى فى القذف ، أما لو كان الانسداد فى البربخ او الخصية أو بسبب عيب خلقى زى ان مفيش اصلا وعاء ناقل أو حبل منوي ، وقتها مش بنقدر نعمل تسليك ، وبنعمل عينة ميكروسكوبية عشان نستخرج الحيوانات المنوية و نعمل حقن مجهرى .
و لو حبينا يحصل حمل تانى ممكن بعد كدا نعمل سحب عينه الحيوانات المنوية بالابره من الخصية على طول ، وده بيكون اجراء بسيط و بيتعمل بتخدير موضعي مع كل محاولة حقن مجهري للزوجين
ولو عايز تعرف ايه هي حالات انعدام الحيوانات المنوية اللي هتعمل عملية التفتيش الميكروسكوبي ، اسمع الفيديو ده مع الدكتور اسامة البكل…