ما هو علاج البرود الجنسي عند الرجال
الرغبة الجنسية هي شعور وشهوة بتوصل الشخص الي انتصاب العضو الذكري بكفاءة عالية أثناء العلاقة الزوجية ، ولكن في اسباب كثير جدا ممكن تؤدي الي ضعف الرغبة الجنسية والبرود الجنسي عند الرجل ، زي انخفاض مستوي هرمون التستوستيرون في الجسم ، او الاصابة بأحد الامراض المزمنة زي الضغط او السكر او القلب ، وعلشان نعالج البرود الجنسي اللي عندنا ، لازم الاول نتشخص صح ونعرف سبب المشكلة ايه بالظبط علشان نتعالج صح.
بس في الاول خليني اقولك ايه هو البرود الجنسي عند الرجل :
في البداية لازم تكون عارف ان علشان يحصل انتصاب للعضو الذكري وتقدر تقيم علاقة زوجية ناجحة ، لازم الاول يكون عندك رغبة جنسية في العلاقة ورغبة في الزوجة نفسها ، لكن البرود الجنسي وضعف الرغبة الجنسية معناه ان الشخص ده بيفقد الاهتمام بالجنس تماما والتفكير فيه وبيفقد كمان الإثارة حتى مع وجود الزوجة ، علشان كده مهم تبقي عارف ان الرغبة الجنسية هي أساس إقامة العلاقة الزوجية.
ولان زي ما قولنا قبل كدة ان البرود الجنسي بيحصل نتيجة لأسباب كثيرة ، ممكن تكون :
1/ عضوية : بمعنى أن ليها علاقة بصحة الشخص
2/ نفسية : بمعنى أن ليها علاقة بالمشاكل والخلافات الزوجية والتوتر بين الزوج والزوجة.
ولو عايز تعرف بالتفصيل ايه هي اسباب البرود الجنسي عند الرجل ، اضغط هنا…
ودلوقتي تعالوا نعرف مع بعض ازاى بنشخص البرود الجنسي وفقدان الرغبة الجنسية عند الرجال :
1/ بمعني أن أول خطوة في التشخيص اننا بنعرف التاريخ المرضي للشخص
- هل هو شخص مدخن أو بيشرب كحول ولا لا ؟
- هل بيعاني من أي مشاكل صحية ؟
- هل بيتناول اي ادوية معينة ، واي هي الادوية اللي بياخذها ؟
- وهل في اي مشاكل او خلافات مع الزوجة ؟
2/ وبعد كده بنطلب من المريض إجراء بعض التحاليل والفحوصات اللي بتوضح لنا :
- نسبة السكر في الدم
- نسبة الكوليسترول في الدم
- وتحاليل الهرمونات في الجسم وخصوصا هرمون الذكورة علشان لو في اي خلل.
- وبنعمل أشعة دوبلكس على القضيب علشان نشوف وضع الدورة الدموية وهل في ضعف انتصاب او سرعه قذف.
3/ بعد كده بنقعد مع الزوجين علشان نعرف طبيعة العلاقة الزوجية ، وهل الشخص ده بيعاني من أي ضغوط نفسية أو مشاكل مع الزوجة ، والجلسة دي بيكون فيها توعية للمريض وزوجته حول العلاقة الزوجية وكيفية تجنب المشاكل فيها ، وفي بعض الأوقات بتساعد على تخفيف حدة التوتر والاكتئاب.
ودلوقتي تعالوا نعرف اي هو علاج البرود الجنسي عند الرجل :
بس لازم تكون عارف انك قبل ما تاخد خطوة العلاج ، لازم الاول تعرف سبب المشكلة ، لأن كل سبب وليه طريقة علاج مختلفة
- بمعني ان لو كان سبب البرود الجنسي عند الرجل بسبب عضوي : لازم الاول نحدد سببه أي ونبدأ نعالجه عشان نحسن من الرغبة الجنسية عند الشخص.
- ولو كان السبب نفسي : وقتها العلاج هيكون سلوكي ، علشان نبطل أي عادات أو أفعال غلط احنا بنعملها ويكون عندنا رغبة جنسية لممارسة العلاقة الزوجية.
- أما لو كان السبب خلل في الهرمونات زي انخفاض هرمون الذكورة أو ارتفاع هرمون الانوثة ، وقتها العلاج هيكون هرموني عشان نظبط مستوي الهرمونات في الجسم ويكون عندنا رغبة جنسية.
- ولو عملنا أشعة دوبلكس على القضيب وطلع السبب ضعف انتصاب او سرعه قذف ، وقتها لازم نحدد هل ضعف الانتصاب اللي عندنا درجة اولى ولا ثانية ولا ثالثة.
1/ ولو كان درجة اولى : وقتها العلاج هيكون بالادوية والمنشطات الجنسية ، علشان نزود تدفق الدم للقضيب ويحصل انتصاب.
2/ ولو كان درجة تانية : وقتها العلاج هيكون بالحقن الموضعي ، وده بيكون عبارة عن ابرة انسولين رفيعة جدا بنحقنها في العضو الذكري ، بيكون جواها مواد منشطة عشان نزود بيها ضخ الدم جوا القضيب.
3/ ولو كان درجة ثالثة : وقتها العلاج الوحيد والفعال هو تركيب دعامة العضو الذكري.
ولو عايز تعرف امتي يكون تركيب دعامة العضو الذكري الحل الوحيد لعلاج ضعف الانتصاب ، اسمع الفيديو ده مع الدكتور اسامة البكل….
وفي النهاية ، لازم تكون عارف ان البرود الجنسي او فقدان الرغبة الجنسية اللي عندك ممكن يوصلك للانفصال عن زوجتك ، لان معندكش أي رغبة جنسية للعلاقة ودايما بتهرب منها ، ومش قادر تسعد زوجتك ، لكن ده كله مش سبب يخليك تفقد الثقة ابدا في نفسك ، لان كل مشكله بتواجهك في العلاقة الزوجية ليها علاج وعلاج نهائي كمان ، بس المهم اننا ناخد الخطوة ونستشير دكتور متخصص علشان نتعالج صح.
ولو عندك اي تساؤل او استفسار ، تقدر تتواصل مع الفريق الطبي علي الرقم ده 01018874287 وهما هيحددولك اقرب ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.