ما هي علامات الضعف الجنسي عند الرجل ؟

ما هي علامات الضعف الجنسي عند الرجل ؟

امر طبيعي جدا ان الراجل يواجه مشاكل جنسية خلال مراحل حياته المختلفة ، وده لان الصحة الجنسية بتعتمد بشكل كبير على الحالة النفسية والصحة الجسدية ، ومهم تعرف ان المشاكل الجنسية اوقات بيكون ليها علامات وأعراض بتدل على ان الشخص ده في بداية ضعف جنسي وهيواجه مشاكل كثير في العلاقة الزوجية.

بس قبل ما نتكلم عن علامات الضعف الجنسي ، خلونا الاول نوضح ايه هو الضعف الجنسي : 

في البداية لازم تكون عارف ان الضعف الجنسي بيعاني منه نسبة كبير من الرجال تصل إلى حوالي 40-70% ، وده بيحصل نتيجة خلل في الأوعية الدموية اللي بتوصل الدم إلى القضيب ، والخلل ده ياما بيكون بسبب ضعف في ضخ الدم إلى القضيب ، أو ان مش بيتم الاحتفاظ بالدم داخل القضيب المدة الكافية لحد ما نخلص العلاقة الزوجية نتيجة تسرب الدم خارج العضو الذكري.

ودلوقتي تعالوا نعرف مع بعض ايه هي العلامات والأعراض اللي بتوضح ان المريض ده في بداية ضعف جنسي… 

1/ بيعاني من انخفاض في الرغبة الجنسية.

2/ صعوبة في حدوث الانتصاب من بداية العلاقة الزوجية.

3/ بنلاحظ استمرار انتصاب القضيب مدة قصيرة لا تسمح بإكمال العلاقة الزوجية.

4/ ويكون عدي عليه فترة طويلة يعاني من ضعف شديد في الانتصاب.

في الحالة دي لازم تتشخص كويس وتعرف اي سبب الضعف الجنسي عشان تعالجه ، ولازم تكون عارف ان في اسباب كثير ممكن تكون السبب في الإصابة بالضعف الجنسي ، زي : 

• الأسباب العضوية : 

1/ الاصابة بأحد الامراض المزمنة زي الضغط او السكر او امراض القلب : لان كل دي أمراض بتاثر على الأوعية الدموية ، والعضو الذكري ما هو إلا وعاء دموي صغير يتأثر بكل الامراض دي.

2/ انخفاض هرمون التستوستيرون : بمعنى أن هرمون الذكورة هو اللي بيحفز من زيادة الرغبة الجنسية عند الرجل ، لان زي ما قولنا قبل كدة انك علشان تقدر تقيم علاقة زوجية ناجحة ويحصل انتصاب للعضو الذكري ، لازم يكون عندك كمية مناسبة من هرمون التستوستيرون ، بالتالي لو بتعاني من نقص في هرمون التستوستيرون ، هيكون عندك ضعف في الرغبة الجنسية وضعف انتصاب.

3/ التسريب الوريدي : بمعني ان علشان يحصل انتصاب للعضو الذكري ، بنحتاج إلى تدفق كمية كبيرة من الدم وابقاؤه داخل انسجة القضيب لحد ما نخلص العلاقة الزوجية ، بالتالي لو عندنا تسريب وريدي ، هنلاقي ان الدم بيهرب من أنسجة القضيب وبيحصل ارتخاء للعضو الذكري وضعف انتصاب قبل ما نكمل العلاقة الزوجية.

4/ الإصابة بمرض بيروني : بمعني ان مرض بيروني بيكون عبارة عن تليفات بتحصل اسفل جسم القضيب ، وبتخلى شكل القضيب يبان اقصر وقت الانتصاب ، لان المناطق اللي فيها تليفات مش بتتمدد وقت الانتصاب ، وده اللي بيسبب انحناء او اعوجاج القضيب وبيسبب ضعف انتصاب.

• الأسباب النفسية : 

1/ المشاكل والخلافات الزوجية من اكثر الاسباب اللي بتخلي في توتر في العلاقة الزوجية وبتاثر على الزوج وبتسبب ضعف انتصاب أثناء ممارسة العلاقة الزوجية.

2/ مشاهدة الافلام الاباحية : لان ده بيخلي عندنا مفهوم وشكل معين للعلاقة الزوجية ، ولما مش بنلاقيها زي ما احنا متخيلين ، ده بيخلي عندنا قلة ثقة في نفسنا أننا مش كويسين ، وبيسبب ضعف انتصاب.

3/ لو بنمارس العادة السرية باستمرار : لان ده بيخلينا نفرغ كل الرغبة والشهوة اللي جوانا فيها ، ونيجي وقت العلاقة الزوجية مش بيكون عندنا أي رغبة جنسية وده بيسبب ضعف انتصاب.

4/ الاكتئاب : لان الاكتئاب من أشهر الاضطرابات النفسية اللي بتأثر على نفسية الشخص وبتسبب له ضعف انتصاب.

وبعد ما عرفت الاسباب اللي بتؤدي الى الاصابة بالضعف الجنسي ، لازم تكون عارف ان في اكثر من طريقة تعالج بيها الضعف الجنسي اللي عندك ، زي : 

• الأدوية والمنشطات الجنسية : لانها بتزود تدفق الدم إلى العضو الذكري علشان يحصل انتصاب ، ولكن استخدامها لازم يكون تحت إشراف الطبيب علشان ميحصلش اي مضاعفات.
• الحقن الموضعي : بنستخدمه بعد فشل العلاج بالأدوية والمنشطات الجنسية ، والحقن الموضعي بيكون عن طريق حقن القضيب بإبرة رفيعة جدا ، وكمان بيحقق الانتصاب في خلال 10 دقائق من الحقن.
• زرع دعامة القضيب : ودي تعتبر الحل النهائي بعد فشل العلاج بالادوية والحقن الموضعي ، وبتحقق انتصاب يشبه الانتصاب الطبيعي تماما بنسبة 100% ، وليها كذا نوع وكذا اصدار علشان تناسب مقاس كل عضو ذكري ، ومنها : 

1/ الدعامة المرنة : وهي عبارة عن قضيب من السليكون وبداخله معدن هو اللي بيعطي السيليكون الصلابة والقوة ، والسليكون مادة لا تتفاعل مع انسجة القضيب ، واثناء العلاقة الزوجية بنرفع القضيب لفوق فتتفرد الدعامة ويحصل الانتصاب ، وبعد ما بنخلص العلاقة الزوجية ، بنتني العضو الذكري لتحت ، بالتالي الدعامة بتتني ويحصل الارتخاء.

2/ الدعامة الهيدروليكية : بتكون اقرب لشكل وحجم العضو الذكري الطبيعي ، وفي منها نوعين : 

• دعامة هيدروليكية ثنائية : وتتكون من قطعتين الدعامة والمضخة.
• دعامة هيدروليكية ثلاثية : وتتكون من 3 قطع 

1/ الدعامة : وبتتركب في العضو الذكري نفسه وهي اللي بتكون مسؤولة عن الانتصاب

2/ الخزان : بيتركب في البطن وبيكون جواه السائل اللي بيضخ في الدعامة علشان يخليها تنتصب.

3/ المضخة : بتتركب في كيس الصفن ، ومسؤولة أنها تطلع السائل من الخزان لما نضغط عليها وتضخه جوا الدعامة فيحصل انتصاب ، وبعد ما بنخلص العلاقة الزوجية بندوس علي الزرار اللي في المضخة ، فالسائل ده يرجع تاني الى الخزان ، فيحصل ارتخاء للعضو الذكري.

ولو عايز تعرف ايه هي الاجراءات اللي لازم تعملها قبل عملية تركيب دعامة القضيب ، اسمع الفيديو ده مع الدكتور اسامة البكل….

في النهاية ، لازم لو حسيت انك معندكش اي رغبة في ممارسة العلاقة الزوجية ، أو لو لاحظت أي علامة من علامات الضعف الجنسي اللي وضحناها فوق ، لازم تستشير دكتور متخصص وتطمن على نفسك قبل ما الموضوع يكبر وياثر على العلاقة الزوجية ويسبب لك مشاكل نفسية كثيرة ، لأن أي مرض علاجه فى الاول بيبقى سهل ، لكن لو المشكلة كبرت علاجها يبيقي صعب ماديا ومعنويا.

ولو لسه عندك اي تساؤل او استفسار ، تقدر تتواصل مع الفريق الطبي علي الرقم ده 01018874287 وهما هيجاوبوا علي كل اسئلتك ، او ممكن تطلب منهم تحديد ميعاد مع الدكتور اسامة محمد البكل مدرس واستشاري طب وجراحة أمراض الذكورة وتاخر الانجاب والصحة الجنسية بطب القصر العيني.