الفرق بين التسريب الوريدى وضعف ضخ الدم في القضيب ؟
تفتكر ليه علاج ضعف الانتصاب مش بيجيب معاك نتيجة ؟ لأن حالات التسريب الوريدي مختلفة تماما عن حالات ضعف ضخ الدم بالقضيب وكل منهم ليه بروتوكول علاج مختلف عن التاني
ايه هو التسريب الوريدي ، وايه الفرق بينه وبين ضعف ضخ الدم في القضيب ؟
لكن الاول تعالي نعرف مع بعض مرحلة انتصاب العضو الذكري بتم ازاى ؟
في البداية لازم تكون عارف ان الانتصاب بيحصل بعد الاستثارة الجنسية أو المداعبة او ايا كان سبب الاستثارة الجنسية ، بيبدا الشريان الكهفي يضخ الدم بسرعة كبيرة جدا داخل النسيج الكهفي ، فيحدث ارتخاء لعضلات النسيج الكهفي فيمتلئ بالدم.
وعلشان يحصل انتصاب كامل و صلابة كافية لإتمام العلاقة الجنسية ، الاوردة اللي بتخرج الدم من النسيج الكهفي ، بيكون في نظام معين بيقفل على هذه الأوردة ، بالتالي بيفضل مقفول خروج الدم من القضيب طول العلاقة الجنسية لغاية بعد القذف تبدأ الاوردة دي تفتح فتخرج الدم من القضيب ، وهو ده الوضع الطبيعي للانتصاب في الشخص السليم المعافي.
لكن في حالة التسريب الوريدي فالدم بيدخل عادي من الشرايين ( الشريان الكهفي ) لكن الاوردة مش بتكون مقفولة تماما او مش مقفولة خالص ، فجزء كبير من الدم ده بيخرج من القضيب ، فالقضيب يمتلئ بالدم ولكن مفيهوش صلابة وساعتها هيكون غير كافي لإتمام العلاقة الجنسية ، أو بعد فترة من العلاقة يبدأ الدم يهرب من القضيب ويخرج من الاوردة فيحصل ارتخاء مفاجئ دون الوصول للنشوة الجنسية او القذف.
والتسريب الوريدي بيكون ليه اسباب كتير جدا ، بعضها بيكون نتيجة لأسباب نفسية زي ان المريض يكون متوتر او قلقان في العلاقة الجنسية ، وده في الغالب بيبقى مرات عابرة وبعد كدة بيستعيد العلاقة الجنسية السليمة.
أو أسباب عضوية زي :
- مرض بيروني وتليفات القضيب
- مرضي السكر
- المدخنين بشراهة
- ارتفاع نسبة الدهون في الدم
- كبار السن اللي بيعانوا من الأمراض المزمنة زي مشاكل في القلب
لكن مرضى ضعف ضخ الدم بالقضيب : الاشخاص دول بيكون عندهم ضعف في ضخ الدم في القضيب ، بمعنى ان الاوردة كويسة وبتقدر انها تقفل كويس مع الاستثارة الجنسية ، ولكن الشرايين مش بتضخ دم كافي انه يعمل صلابة كافية أو انتصاب كامل للعلاقة الجنسية.
إذ مرضى ضعف ضخ الدم بالقضيب مختلفين تماما عن مرضي التسريب الوريدي لان بيكون عندهم مشكلة في الشرايين ، عكس مرضى التسريب الوريدي بيكون عندهم مشكلة في النسيج الكهفي والأوردة الخارجة من النسيج الكهفي والقضيب.
واخيرا اللي بناكد عليه أن علاجات ضعف الانتصاب عبارة عن بروتوكولات شبه ثابتة لكلا الحالتين اللي اتكلمنا عنهم ، ولكن بيكون في حاجات أكثر احتمالية انها تجيب نتيجة مثلا مع مرضى ضعف ضخ الدم بالقضيب واقل احتمالية انها تجيب نتيجة مع مرضي التسريب الوريدي ، إذ في اختلاف في بروتوكولات العلاج لكلا الحالتين واحتمالية استجابتهم للعلاج مختلفة.
ولو لسه عندك اي استفسار عن التسريب الوريدي أو علاج ضعف الانتصاب ، تقدر تبعتلنا على رسايل الصفحة او من خلال الواتساب 01018874287
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :