اهمية هرمون التستوستيرون في الجسم عند الرجال
زي ما بيكون في هرمونات معينة مسؤولة عن تكوين ونمو الجنين في المراحل الجنينية الأولى ، برضو بيكون في هرمونات مسؤولة عن مرحلة البلوغ وظهور الصفات الذكورية اللي بتقول ان الشاب ده عنده قدرة جنسية عالية وقدرة على الإنجاب ، زي هرمون التستوستيرون.
ودلوقتي تعالوا نعرف مع بعض ايه هو هرمون التستوستيرون وايه هي أهميته عند الرجال:
في البداية لازم تكون عارف ان هرمون التستوستيرون بيبدأ إنتاجه من الغدة النخامية الموجودة في المخ واللي بتكون مسؤولة عن إفراز هرمون Lh اللي بيمشي في الدم لحد ما يروح لخلايا ليدج في الخصية ، والخلايا دي هي اللي بتفرز هرمون التستوستيرون.
وهرمون التستوستيرون بيكون مسؤول عن حاجات كثير اوي في الجسم زي:
1/ ظهور الخصائص الذكورية : زي نمو شعر الوجه والجسم وخشونة الصوت وزيادة كتلة العضلات وكثافة العظام والحفاظ على صحتها.
2/ تحسين المزاج: بمعنى أن هرمون الذكورة بيكون مسؤول عن تحسين وتعزيز المزاج ، علشان كده بنلاقي ان الاشخاص اللي عندهم انخفاض في مستوى هرمون الذكورة بيعانوا من تقلبات المزاج والاكتئاب والتعب.
3/ إنتاج الحيوانات المنوية: بمعنى أن هرمون التستوستيرون بيكون ليه دور كبير في إنتاج الحيوانات المنوية في الخصيتين ، وبرضو مسئول عن صحة وجودة الحيوانات المنوية.
4/ زيادة الرغبة الجنسية وحدوث الانتصاب: بمعنى أن الرغبة الجنسية هي اساس اقامة العلاقة الزوجية ، وان علشان تقدر تقيم علاقة زوجية ناجحة ويحصل انتصاب وصلابة للعضو الذكرى ، لازم يكون عندك رغبة جنسية كافية للعلاقة ، وهرمون التستوستيرون ليه دور في تحسين وزيادة الرغبة الجنسية عند الرجال.
5/ صحة القلب: بمعني ان هرمون التستوستيرون (هرمون الذكورة) بياثر بشكل إيجابي على صحة القلب من خلال التوازن الصحي بين الكوليسترول وضغط الدم.
6/ بالإضافة أن هرمون التستوستيرون ليه دور في إنتاج خلايا الدم الحمراء اللي تعتبر ضرورية في نقل الاكسجين في جميع انحاء الجسم.
وبعد ما عرفنا ايه هى اهمية هرمون التستوستيرون
تعالوا بقى نعرف ايه هي الاسباب اللي بتؤدي إلى انخفاض مستوياته في الجسم عند الرجل.
1/ دوالي الخصية: لان دوالي الخصية بتاثر على الدورة الدموية في الخصية وخاصة لو كانت من الدرجة الثانية أو الثالثة هترفع من درجة حرارة الخصية وهتزيد من تراكم المواد المؤكسدة (Ros) اللي بتأثر على خلايا ليدج في الخصية وانتاجها لهرمون الذكورة ، وبالتالي هيأثر على إنتاج الحيوانات المنوية وهيسبب تأخر في الإنجاب.
ولو عايز تعرف هل دوالي الخصية ممكن تسبب للشخص تأخر في الإنجاب ، حتى لو أنجب مرة قبل كدة ، اسمع الفيديو ده مع الدكتور اسامة البكل…
2/ وجود خلل في الغدة النخامية: لان زي ما قولنا قبل كدة ان الغدة النخامية في المخ هي اللي مسؤولة عن إفراز الهرمونات اللي بتحفز الخصية على إنتاج هرمون الذكورة وإنتاج الحيوانات المنوية ، وبالتالي لو حصل اي خلل في الغدة النخامية ، ده هيوقف افراز الهرمونات ، وهيوقف الخصية عن إنتاج هرمون التستوستيرون.
3/ السمنة المفرطة: لأن السمنة من الأمراض الخطيرة اللي بتزود من مستويات هرمون الانوثة بسبب زيادة نشاط انزيم الاروماتيز اللي بيحول هرمون الذكورة الي هرمون انوثة ، وكمان بسبب تراكم الدهون في الجسم هيقلل من مستوي هرمون الذكورة.
4/ الإصابة بأمراض الكلى والكبد: لان الامراض دي بتؤدي إلى انخفاض هرمون التستوستيرون وانخفاض الرغبة الجنسية.
5/ التعرض للعلاج الإشعاعي أو الكيميائي: لان علاج السرطان بيهاجم الخلايا ، وده بيخليه يشوف الخلايا في الخصية على أنها خلايا سرطانية ويهاجمها وممكن يتسبب في موت الخلايا ، وبكدة الخصية مش هتنتج هرمون التستوستيرون وهيؤدي إلى انخفاضه أو انعدامه في الجسم.
6/ ارتفاع ضغط الدم: ممكن يسبب انخفاض في هرمون الذكورة و انخفاض في الرغبة الجنسية وضعف انتصاب ، وساعتها مش هيكون في علاقة زوجية وهيحصل تأخر في الإنجاب.
7/ واخيرا طبيعي ان يحصل انخفاض في مستوي هرمون التستوستيرون مع التقدم في العمر.
إذ انخفاض هرمون التستوستيرون في الجسم عن المعدل الطبيعي ، بيكون السبب في انخفاض القدرة الجنسية والإنجابية عند الرجال ، عن طريق:
1/ أن انخفاض هرمون التستوستيرون هيأثر على انتاج الخصية للحيوانات المنوية وهيؤدي إلى نقص عدد الحيوانات المنوية وضعف حركتها وزيادة نسبة التشوهات وكل ده هيسبب تأخر في الإنجاب.
2/ وبرضو انخفاض هرمون التستوستيرون هيؤدي الى انخفاض الرغبة الجنسية وضعف الانتصاب.
ودلوقتي تعالوا نعرف ازاي نعالج انخفاض هرمون التستوستيرون عند الرجال:
لازم تكون عارف ان علشان تعالج نقص هرمون الذكورة (التستوستيرون) وتحسن نسبته في الجسم ، لازم الاول تعالج السبب الي ادي الي انخفاضه ، بمعني ان لو كان انخفاض هرمون التستوستيرون بسبب:
1/ دوالي الخصيتين: العلاج هيكون اننا نعالج دوالي الخصية عن طريق ربطها بالجراحة الميكروسكوبية أفضل وأحسن طريقة تعالج بيها دوالي الخصية من غير ما تضر الخصية.
2/ ولو كان السبب خلل في الغدة النخامية: العلاج هيكون هرموني عشان نظبط مستوي الهرمونات في الجسم.
3/ ولو كان السبب سمنة مفرطة: وقتها لازم نبعد عن الاكلات الغير صحية واللي مليانه دهون عشان نحسن من مستوى هرمون التستوستيرون.
وفي النهاية ، لازم تكون عارف ان ربنا سبحانه وتعالى خلق كل شيء بمقدار ، وان هرمون التستوستيرون بيكون ليه نسب معينة في الجسم ، لو زادت او قلت عن المعدل الطبيعي ، ده هيسبب لك مشاكل كثيرة جدا على صحتك الجنسية والانجابية ، لكن ده معناه إنك تجري وتحقن نفسك بهرمون الذكورة ، لأن ده مش هيعالج المشكلة ، ده هيوقف من انتاج الخصية لهرمون الذكورة وإنتاج الحيوانات المنوية وهتحرم نفسك من الإنجاب للأبد ، ولو عايز تعرف أضرار حقن هرمون التستوستيرون اضغط هنا….
ولو عندك اي تساؤل او استفسار ، تقدر تتواصل مع الفريق الطبي على الرقم ده 01018874287 وهما هيجاوبوا على كل اسئلتك ، او تقدر تطلب منهم تحديد ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.