ما هو الهدف من تشخيص مريض ضعف القدرة الجنسية وتأخر الإنجاب؟

ما هو الهدف من تشخيص مريض ضعف القدرة الجنسية وتأخر الإنجاب؟

في مقولة قديمة كانت بتقول ان التشخيص هو نص العلاج ، والمقولة دي فيها حكمة كبيرة اووي ، وهي أن التفاصيل او المعلومات اللي بنكتشفها ساعة التشخيص الظاهري لحالة المريض ، هي اللي بتساعدنا أننا نشخص حالة المريض صح ونقدم له العلاج المناسب لحالته.

ومن خلال المقال ده هنوضح بعض

 الحالات اللي بتهمل خطوة التشخيص الظاهري ، وبيكون هدفها بس تنفيذ قرارها سواء كان علاج أو جراحة.

• الحالات اللي بتبعت تحاليل واشاعات علي الواتساب وبتكون منتظرة مننا القرار النهائي بخصوص حالتها سواء بالعلاج أو بالجراحة.

في البداية لازم تكون عارف ان رؤية المريض وفحصه هي خطوة مهمة جدا في العلاج ، لان احيانا في فحوصات كثير مش بتكون كافية للتشخيص ، وان في مشاكل كتير جدا بتظهر بالفحص الظاهري زي : 

1. مريض عنده ضعف في عدد او حركة الحيوانات المنوية : 

والاشاعات بتقول ان عنده دوالي على الخصية بدرجة كبيرة ، في الأغلب المريض ده ممكن يلجأ لعملية دوالي الخصية ، ولكن ممكن يكون تقييم الاشاعة مش سليم ، لان الشخص ده ممكن يكون عنده صغر في حجم الخصيتين ، فالمريض ده عنده مشكلة رئيسية وهي ضعف في نسيج الخصية ، بالتالي هو مش هيحتاج لعملية دوالي الخصية ، علشان كدة مينفعش يبقى في قرار نهائي للعملية قبل الفحص الظاهري لحالة المريض.

ولو عايز تعرف ازاي تتاكد ان دوالي الخصية اللي عندك ماثرة عليك ومحتاجة للعملية ، اسمع الفيديو ده مع الدكتور اسامة البكل…

2. مريض عنده انعدام في الحيوانات المنوية : 

وفي الاشعة ظاهر دوالي على الخصية بدرجة كبيرة ، وعايز يعمل عملية دوالي الخصية ، ولكن بالفحص الظاهري اكتشفنا ان الشخص ده معندوش الوعاء الناقل وعنده انسداد في القنوات المنوية ، فالحل الوحيد اننا نعمله تفتيش ميكروسكوبي أو سحب عينة من الخصية بالابرة ، فالشخص ده مكنش هيستفاد من عملية الدوالي.

• الحالات اللي معاها تحاليل وفحوصات ومعاها قرار بالعملية سواء كانت عملية تفتيش ميكروسكوبي أو دوالي على الخصية أو عملية اصلاح اعوجاج القضيب أو عملية تركيب دعامة العضو الذكري

لازم تكون عارف إن في شوية حاجات لازم تتأكد منها الأول عشان تتأكد إن قرار العملية هو الأنسب لحالتك ، زي : 

1. شخص عنده انعدام في الحيوانات المنوية:

• قبل ما تقرر تعمل عملية تفتيش ميكروسكوبي ، لازم نسألك:
  1. عملت تحليل هرمونات ولا لأ؟
  2. عملت أشعة دوبلكس على الخصية ولا لأ؟
  3. عندك أي التهابات؟

لأن كل مشكلة من دي قابلة للعلاج ، وساعتها مش هنضطر نعمله عملية تفتيش ميكروسكوبي.

2. شخص عنده تاخر في الانجاب وجاي ومعاه القرار انه يعمل عملية دوالي الخصية ، الشخص ده ممكن يكون عنده مشكلة ثانية هي السبب في تاخر في الانجاب  زي : 

1/ أن يكون عنده خلل في الهرمونات.

2/ أو يكون عنده التهابات.

3/ أو يكون عنده صغر في حجم الخصيتين.

بالتالي الشخص ده مش هيستفاد من عملية دوالي الخصية.

3. شخص جاي ومعاه القرار انه يعمل عملية اصلاح اعوجاج القضيب ، فالشخص ده ممكن يكون مش محتاج للعملية اصلا

1/ لأن درجة الاعوجاج اللي عنده ممكن تكون بسيطة ، بمعنى انها مش بتعيق العلاقة الزوجية.

2/ أو أن يكون عنده ضعف شديد في الانتصاب ، فمحتاج يركب دعامة.

3/ أو أن يكون لسه في بداية مرض بيروني ، فبيكون محتاج الأول فترة علاج وينتظر تحسن من 6 شهور لسنة قبل ما يفكر في الجراحة.

4. شخص معاه إشاعة ظاهر فيها إنه عنده تسريب وريدي:

في الحالة دي لازم نفحص المريض كويس جدا ونتأكد: 

1. إن الأشعة اتعملت في مكان متخصص.
2. إن المريض كان في حالة استرخاء وقت الأشعة ومش متوتر.
3. إن المادة اللي اتحقن بيها كانت بجودة كويسة.

لان الحاجات دي كلها بتأثر على دقة التشخيص، ولازم نتأكد منها قبل ما ناخد قرار العملية.

5. شخص عنده ضعف انتصاب وعنده مشكلة عضوية زي : 

1/ ان يكون عنده سكر وهو مش متشخص.

2/ أو عنده ارتفاع في الدهون.

3/ او عنده سمنة مفرطة.

4/ أو يكون مدخن شره. 

لازم تكون عارف ان المشاكل دي كلها لازم تتعالج الاول قبل ما نقرر أن الحل الوحيد هو تركيب الدعامة.

ولو عايز تعرف امتي يكون تركيب دعامة العضو الذكري هي الحل الوحيد لعلاج ضعف الانتصاب ، اسمع الفيديو ده مع الدكتور اسامة البكل….

علشان كدة بنرفض اننا ندي القرار النهائي بالتشخيص على الرسائل اللي بتجيلنا ، أيا كانت الفحوصات و التحاليل والاشاعات اللي معاك ، لان مش من اول خطوة تاخد قرار العملية أو قرار علاج معين ، لازم في الاول نتأكد من التشخيص قبل ما نحدد خطة العلاج المناسبة لحالة المريض.

وفي النهاية، لازم تكون عارف ان خطوة التشخيص والفحص الظاهري خطوة مهمة جدا، وان التاريخ المرضي للمريض خطوة مهمة، لان في أفكار المريض بيكون مقتنع انها مش مهمة وهي للاسف بتكون مهمة لأنها ممكن تغير مسار تشخيص الحالة، أو تغير المسار من عملية لعملية ثانية، أو تغير المسار من العلاج لعملية ومن العملية لفترة علاج الأول، لذلك بناكد أن قرار العملية مش قرار سهل، وقبل ما نأخذ قرار العملية لازم نكون متأكدين انه الحل الوحيد والمناسب لحالة المريض قبل ما نلجأ لإجراء الجراحة، لأن في معايير بنحدد على أساسها هل المريض ده هيستفاد من العملية ولا لا. 

ولو اخدت خطوة الكشف والعلاج، تقدر تتواصل مع الفريق الطبي على رقم 01018874287 وهما هيحددولك ميعاد مع الدكتور اسامة محمد البكل مدرس واستشاري طب وجراحة أمراض الذكورة وتأخر الانجاب والصحة الجنسية بطب القصر العيني.