نصائح بعد عملية التفتيش الميكروسكوبي من الخصية

نصائح بعد عملية التفتيش الميكروسكوبي من الخصية

قبل عملية التفتيش الميكروسكوبي من الخصية لازم تتشخص كويس وتكون عارف حالتك ووضع الهرمونات في جسمك علشان تحقق أعلى نسبة نجاح للعملية ، وكمان في شوية حاجات لازم تاخد بالك منها بعد العملية زي وضع هرمون الذكورة في الجسم وخاصة لو كنت من الحالات اللي عندهم صغر في حجم الخصية علشان ميحصلش اي مضاعفات بعد العملية. 

عملية التفتيش الميكروسكوبي من أدق التقنيات المستخدمة في علاج انعدام الحيوانات المنوية ، و المريض بعد العملية بيكون مستني أن نتيجة التفتيش الميكروسكوبي تطلع ايجابية علشان يقدر يعمل عملية الحقن المجهري.

ولكن خليني اقولك ان في شوية حاجات لازم تاخد بالك منها سواء التفتيش الميكروسكوبي طلع ايجابي او سلبي ، وبالذات لو كان عندك صغر في حجم الخصيتين حتى من قبل عملية التفتيش الميكروسكوبي. 

• وهي أن نسبة كبيرة من مرضى التفتيش الميكروسكوبي بيكون عندهم صغر في حجم الخصيتين ، وده اللي بيكون سبب الفشل الوظيفي للخصية وكسل نسيج الخصية وسبب انعدام الحيوانات المنوية : 

والحالات دي لازم نتابع معاهم بعد العملية بكام شهر ونشوف مستوى هرمون الذكورة ، لأن زي ما احنا عارفين ان الخصية كان حجمها صغير وانتاجها للحيوانات المنوية معدوم ، بالتالي إنتاجها لهرمون الذكورة بيكون اقل من المعدل الطبيعي ، فممكن بعد عملية التفتيش الميكروسكوبي نلاقي ان مستوى هرمون الذكورة قل زيادة عن نسبته الطبيعية ، في الحالة دي هنحتاج اننا نديله علاج تعويضي ، وخاصة لو كان من حالات متلازمة كلاينفلتر ، لان الحالات دي بنسبة 100% عند نقطة معينة من عمرهم هيمشوا على حقن هرمون الذكورة.

لان زي ما احنا عارفين اهمية ووظيفة هرمون الذكورة في الجسم عند الرجال : 

1/ لأنه مسؤول عن تعزيز الرغبة الجنسية وحدوث الانتصاب في العلاقة الزوجية.

2/ زيادة كتلة العضلات في الجسم.

3/ كثافة العظام.

4/ إنتاج كرات الدم الحمراء.

5/ وتحسين الحالة المزاجية. 

بالتالي نقص هرمون الذكورة في الجسم هيؤدي إلى ضرر كل الحاجات اللي قولناها دي ، ده غير انه ممكن يؤدي الى الاكتئاب وانيميا وهشاشة العظام ، علشان كدة المرضي دول لازم يتابعوا هرمون الذكورة ، ولو وصل انه بقي أقل من مستوياته الطبيعية ، ده بيحتاج الى علاج تعويضي طول حياته ، والحالات دي بنفضل نتابع معاهم مرة كل كام شهر علشان نشوف مستوى هرمون الذكورة ونتاكد انه في مستوياته الطبيعية وان الحقن مش عمالة اي مضاعفات او اعراض جانبية. 

ولو لسه عندك اي استفسار عن عملية التفتيش الميكروسكوبي أو علاج نقص هرمون الذكورة في الجسم ، تقدر تبعتلنا على رسايل الصفحة او من خلال الواتساب  01018874287 

دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.

احجز الآن :