نصائح قبل عملية دوالي الخصية ؟
عملية دوالي الخصية تعتبر واحدة من الإجراءات الجراحية الشائعة والمستخدمة في علاج دوالي الخصيتين ، والهدف من العملية اننا بنعالج مشكلة كبيرة عند المريض ياما مسببة له الم او تاخر في الانجاب ، واللى بنعمله اننا بنربط الأوردة المتضررة علشان الخصية تقدر تقوم بوظيفتها بشكل طبيعي.
ومن خلال المقال ده هنتكلم عن شوية تعليمات ونصائح لازم تعملها قبل عملية دوالي الخصية…
ودلوقتي تعالوا نعرف مع بعض ايه هي دوالي الخصية :
في البداية لازم تكون عارف أن دوالي الخصية هي عبارة عن تضخم في الاوردة المحيطة بالخصية والموجود داخل كيس الصفن ، والتضخم ده بيحصل نتيجة لضعف الصمامات الموجودة في الأوردة واللي مسؤولة عن تنظيم تدفق الدم من الخصيتين إلى القلب ومنع عودته تاني للخصية ، فلما الصمامات دي بيحصل فيها خلل أو عيب ، الدم بيرجع تاني للخصية ويفضل يتراكم داخل الأوردة ويرفع من درجة حرارة الخصية ، وده بدوره بياثر على الخصية ووظيفتها في إنتاج الحيوانات المنوية.
في الحالة دي لازم نعالج الاوردة المتضخمة اللي مسببة الدوالي علشان الخصية ترجع تاني تستعيد وظيفتها الطبيعية في إنتاج الحيوانات المنوية وإنتاج هرمون الذكورة.
بس قبلها تعالي اقولك على شوية تعليمات ونصائح لازم تلتزم بيها قبل عملية دوالي الخصية :
1/ استشارة الدكتور : من أجل مناقشة خطة العملية ، والمخاطر ، وإخباره عن أي أدوية تتناولها ، خاصة إذا كانت تزيد من خطر النزيف.
2/ التوقف عن التدخين : ينصح بالتوقف عن التدخين قبل العملية بأسبوعين على الأقل.
3/ الصيام : يجب الصيام عن الطعام والشراب لمدة 8-12 ساعة قبل العملية ، خاصة إذا كان التخدير كلي.
4/ تجهيز منطقة العملية : حلق منطقة العانة قبل العملية مباشرة.
5/ ارتداء ملابس فضفاضة : ارتداء ملابس فضفاضة وسهلة في يوم العملية.
6/ تجنب الأدوية : يجب تجنب بعض الأدوية التي قد تزيد من خطر النزيف.
7/ المتابعة مع الطبيب : اتباع جميع تعليمات الطبيب قبل وبعد العملية.
ودلوقتي لازم تبقي عارف ان في اكثر من طريقة تقدر تعالج بيها دوالي الخصية ، زي :
وفيها الجراح بيبدأ يعمل فتحة في المنطقة الاربية ، و بعد كده بيبدأ يشوف فين الأوردة المنتفخة بعينه بس من غير ما يستخدم أى أدوات جراحية ميكروسكوبية دقيقة تساعده انه يشوف مكان العملية بشكل أوضح ، وده بيسبب مشاكل كتير زي :
1/ ضمور الخصية : لأن الجراح وقت العملية ممكن يربط الشريان الخصوي اللي بيغذي الخصية بالدم ، وبكده هنكون منعنا الخصية ان يوصلها دم وهيؤدي إلى ضمورها.
2/ رجوع الدوالي تاني بعد العملية : لان الجراح ممكن ميشوفش الاوردة الصغيرة اللي فيها دوالي بالعين المجردة وميربطهاش ، وساعتها الدوالي هترجع تاني بعد فترة من العملية.
- جراحة المنظار :
1/ مضاعفاتها نفس مضاعفات الجراحة التقليدية ، لأنها مش بتساعدنا نشوف الأوردة الدقيقة ولا نربطها.
2/ مفيهاش دقة كافية لحماية الشريان الخصوي ، وده ممكن يعرض الخصية لخطر الضمور.
3/ ده غير ان في احتمال كبير جدًا إن دوالي الخصية ترجع تاني بعد العملية.
هنا بيكون في احتمال أكبر أن دوالي الخصية ترجع تاني بعد العملية ، لان في الأشعة التداخلية ، القسطرة مش بتقدر توصل لكل الأوردة في الخصية ، و كمان وقت العمليه بنضطر اننا نعرض الخصية لجرعة كبيرة جدا من الإشعاع و ده بيضر الخصية وهى اصلا بتكون متضررة بسبب الدوالي.
ولو عايز تعرف ايه هي اضرار علاج دوالي الخصية بالاشعة التداخلية ، اسمع الفيديو ده مع الدكتور اسامة البكل…
- الجراحة الميكروسكوبية : وتعتبر أفضل طريقة مستخدمة في علاج دوالي الخصيتين ، لأسباب كثيرة :
اولا : لأن الميكروسكوب الجراحي بيكبر مكان العملية لغاية 25 ضعف ، وده بيساعدنا نشوف كل الأوردة و الشرايين بوضوح.
ثانيا : الميكروسكوب الجراحي بيساعدنا نربط الأوردة الثانوية والصغيرة عشان نمنع رجوع الدوالي مرة ثانية بعد العملية.
ثالثا : الميكروسكوب بيساعدنا نبعد عن الشعيرات والأوعية الليمفاوية اللي لو اتربطت بالغلط ممكن تسبب قيلة مائية على الخصية.
رابعا : وبنقدر نحافظ على الشريان الخصوي اللي بيوصل الدم للخصية ، واللى لو حصله اى ضرر وقت العملية هيسبب ضمور للخصية.
خامسا : وبنقدر اننا نروح من المستشفى في نفس اليوم ، وننزل شغلنا عادي جدا بعد 3-5 أيام.
سادسا : أما بالنسبة للعلاقة الزوجية، فبنقدر نمارسها بعد العملية بأسبوع.
وبعد عملية دوالي الخصية لازم نلتزم بشوية تعليمات علشان نتعافي بشكل أسرع و نضمن نجاح العملية :
1/الالتزام بالأدوية والمضادات الحيوية بعد العملية الجراحية.
2/ وضع كيس ثلج على كيس الصفن لمدة 10 دقائق وتكرارها على مدار اليوم الأول من العملية لتجنب أي انتفاخ أو ألم.
3/ تجنب الأعمال الشاقة ورفع الأشياء الثقيلة.
4/ تجنب الإجهاد أثناء استخدام الحمام، وتناول أدوية لعلاج الإمساك لو كان المريض بيعاني منه زي ملينات البراز.
وفي النهاية ، لازم تبقي عارف ان عملية دوالي الخصيتين عملية بسيطة وسهلة جداً وبتخلص في حوالي ساعة واحدة بس ، يعني مفيش أي داعي للقلق والتردد اللي انت فيه ده ، لازم تتشجع انك تاخد قرار العملية.
ولو لسه عندك اي استفسار عن عملية دوالي الخصية ، تقدر تتواصل معانا على الرقم ده 01018874287 واحنا هنحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.