دوالي الخصية مش دايما السبب في تاخر الانجاب
دوالي الخصية مش دايما بتكون هي السبب في تاخر الانجاب ، لان فى اسباب كتير لتأخر الإنجاب غير دوالى الخصية زى
- خلل الهرمونات
- الالتهابات
- التدخين
- مشاكل عند الزوجة تمنعها من الإنجاب
عشان كده مهم قبل ما نقرر نعمل عملية دوالى الخصية نتأكد من سلامة تحليل السائل المنوي وسلامة الزوجة ومن حجم الخصيتين.
حتى لو عندك دوالي في الخصية كبيرة مش هي السبب الرئيسي في تأخر الإنجاب ومش هي السبب الرئيسي للوجع اللي موجود عندك.
طب ده ازاي ؟
خليني اقولك أن درجة الدوالي أو حجمها مش هي السبب الوحيد أو المعيار الوحيد اللي بنحدد على أساسه احتياج المريض لعملية دوالي الخصية ، لأن في معايير تانية كتير زي أن مثلا :
1/ يكون مأثر علي تحليل السائل المنوي ده بالنسبة لتأخر الإنجاب ، وأن العدد يكون قليل والحركة قليلة ، أو أن يكون في تأخر في الإنجاب لفترة أطول من سنة ومعندناش اسباب تانية غير الدوالي.
2/ أو أنها تكون ماثرة على حجم الخصية أو حجم الخصيتين ، وان يكون حجم الخصيتين أقل من الطبيعي ، والخصية الشمال اللي في اغلب الوقت بيكون عليها الدوالي كبيرة تكون أقل بكثير من حجم الخصية اليمنى.
3/ أو أن يكون مفيش عندنا سبب تاني لتأخر الإنجاب وعندنا ارتفاع في تفتيت المادة الوراثية في السائل المنوي واتاكدنا كمان أن الزوجة معندهاش مشكلة.
4/ او بالنسبة لنقطة الوجع ، لو مريض لسه مش متجوز ومعندوش احتقان جنسي ومعندوش التهابات معندناش غير دوالي كبيرة على كلا الخصيتين.
ففي الحالات دي بنقول أن المريض ده محتاج يعمل عملية الدوالي ، ولكن في المقابل في حالات تانية المريض بيكون عنده نفس المشاكل وعنده وجع ولكن بسبب احتقان جنسي أو التهابات ، عنده تأخر في الإنجاب ولكن عنده خلل في الهرمونات أو عنده التهابات أو بيدخن أو عنده مشكلة صحية تؤثر على الحيوانات المنوية ، أو عنده تأخر في الإنجاب والزوجة هي اللي عندها مشكلة ، وبالتالي دوالي الخصية مش هتكون هي السبب الرئيسي ، وان كمان مش كل مريض عنده دوالي في الخصية لازم يعمل عملية الدوالي ، لأن في معايير معينة زي ما احنا وضحنا بتقول أن المريض ده محتاج العملية علشان يحصل انجاب.
ولو عندك اي استفسار عن عملية دوالي الخصية أو أسباب تأخر الإنجاب عند الرجال ، ممكن تبعت لنا على رسائل الصفحه او من خلال الواتساب 01018874287.
دكتور اسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.
احجز الآن :