عملية دوالي الخصية
دوالي الخصية من أكثر المشاكل اللي بيعاني منها حوالي 15% من الرجال ، وحوالي 40% بيعانوا من العقم وتأخر الإنجاب بسبب دوالي الخصية ، لذلك الحل الوحيد علشان تتخلص بشكل نهائي من مشاكل دوالي الخصية ويكون عندك القدرة على الإنجاب ، انك تعالج دوالي الخصية ، وعلاج دوالي الخصية الوحيد هو الجراحة.
بس قبل ما نتكلم عن عملية دوالي الخصية بالتفصيل ، تعالوا نعرف مع بعض ايه هي دوالي الخصية ،
وايه هي المضاعفات اللي بتسببها دوالي الخصية :
في البداية لازم تكون عارف أن دوالي الخصية هي عبارة عن تضخم في الاوردة المحيطة بالخصية والموجود داخل كيس الصفن ، والتضخم ده بيحصل نتيجة لضعف الصمامات الموجودة في الأوردة واللي مسؤولة عن تنظيم تدفق الدم من الخصيتين إلى القلب ومنع عودته تاني للخصية ، فلما الصمامات دي بيحصل فيها خلل أو عيب ، الدم بيرجع تاني للخصية ويفضل يتراكم داخل الأوردة وهو ده اللي بيسبب دوالي الخصية.
1/ دوالي الخصية بتكون خطيرة جداً وخاصة على المراهقين لأنها بتسبب لهم بطء في نمو الخصية ، وبتسبب للكبار صغر وانكماش في حجم الخصية ومع الوقت ممكن يوصل لضمور الخصية.
2/ دوالي الخصية بتسبب تأخر في الإنجاب : وده لان الخصية هي المصنع اللي بتنتج الحيوانات المنوية المسؤولة عن الإنجاب ، ودوالي الخصية وخصوصاً بقي لو كانت كبيرة ومن الدرجة الثانية أو الثالثة ، ساعتها الدم اللي في الخصية هيسخن وهيرفع من درجة حرارة الخصية وهيزيد من تراكم المواد المؤكسدة ( ROS )
- اللي بتأثر على الخصية وإنتاجها للحيوانات المنوية.
- وهتضر بالحيوانات المنوية السليمة والمكتملة في الخصية.
- وهتسبب انخفاض في هرمون الذكورة في الجسم وده هياثر علي صحة وجودة الحيوانات المنوية.
- وهتسبب تكسير في المادة الوراثية الموجودة في رأس الحيوان المنوي ، وفي الحالة دي هيكون حيوان منوي مشوه ومش هيتولد اصلا ، او ممكن يتكون ولكن هيحصله اجهاض في أول 3 شهور من الحمل ، وكل ده هيسبب تأخر في الإنجاب.
ولو عايز تعرف امتي بالظبط تلجا لعملية دوالي الخصية ، اسمع الفيديو ده مع الدكتور اسامة البكل…
وفي الحالة دي لازم تعمل عملية دوالي الخصية ، ولازم كمان تكون عارف أن في أكثر من طريقة تعالج بيها دوالي الخصية ، بس الاول خليني اقولك ان في كذا طريقة مش بنفضلهم ولا بننصح بيهم أي مريض هيعمل عملية دوالي الخصية ، زي :
واللي بيحصل في الجراحة التقليدية أن الجراح بيبدأ يعمل فتحة في الخصية أو في المنطقة الاربية ، و بعد كده بيبدأ يشوف فين الأوردة المنتفخة بعينه بس من غير ما يستخدم أى أدوات تساعده انه يشوف مكان العملية بشكل أوضح ، وده بيسبب مشاكل كتير زي :
1/ ضمور الخصية : لأن الجراح وقت العملية ممكن يربط الشريان الخصوي اللي بيغذي الخصية بالدم ، وبكده هنكون منعنا الخصية ان يوصلها دم وهيؤدي إلى ضمورها.
2/ القيلة المائية : لان في الجراحة التقليدية الجراح ممكن يربط الشعيرات الليمفاوية بالغلط مع الأوردة وده هيسبب للمريض قيلة مائية على الخصية.
3/ رجوع الدوالي تاني بعد العملية : لان الجراح ممكن ميشوفش الاوردة الصغيرة اللي فيها دوالي بالعين المجردة وميربطهاش ، وساعتها الدوالي هترجع تاني بعد فترة من العملية.
هنا بيكون في احتمال أن الدوالي ترجع تاني بعد العملية ، لان في الأشعة التداخلية ، القسطرة مش بتقدر توصل لكل الأوردة في الخصية ، و كمان وقت العمليه بنضطر اننا نعرض الخصية لجرعة كبيرة جدا من الإشعاع و ده بيضر الخصية وهى اصلا بتكون متضررة بسبب الدوالي.
3/ جراحة المنظار
- مضاعفاتها نفس مضاعفات الجراحة التقليدية ، لأنها مش بتساعدنا نشوف الأوردة الدقيقة ولا نربطها.
- مفيهاش دقة كافية لحماية الشريان الخصوي ، وده ممكن يعرض الخصية لخطر الضمور.
- بالتالي، بيكون في احتمال كبير جدًا إن دوالي الخصية ترجع تاني بعد العملية.
ودلوقتي تعالي اقولك علي طريقة بننصح بيها لعلاج دوالي الخصية ، واللي تعتبر أفضل وأحسن طريقة تفكر تعمل بيها عملية دوالي الخصية ، وهي الجراحة الميكروسكوبية ، لكذا سبب :
1/ لأن الميكروسكوب الجراحي بيكبر مكان العملية لغاية 25 ضعف ، وده بيساعدنا نشوف كل الأوردة و الشرايين بوضوح.
2/ الميكروسكوب الجراحي بيساعدنا نربط الأوردة الثانوية والصغيرة عشان نمنع رجوع الدوالي مرة ثانية بعد العملية.
3/ والميكروسكوب بيساعدنا نبعد عن الشعيرات والأوعية الليمفاوية اللي لو اتربطت بالغلط ممكن تسبب قيلة مائية على الخصية.
4/ ده غير اننا بنقدر نحافظ على الشريان الخصوي اللي بيوصل الدم للخصية ، واللى لو حصله اى ضرر وقت العملية هيسبب ضمور للخصية.
5/ وبنقدر اننا نروح من المستشفى في نفس اليوم، وننزل شغلنا عادي جدا بعد 3-5 أيام.
6/ أما بالنسبة للعلاقة الزوجية، فبنقدر نمارسها بعد العملية بأسبوع.
وبعد عملية دوالي الخصية لازم نلتزم بشوية تعليمات ونصائح علشان نتعافي بشكل أسرع و نضمن نجاح العملية :
1/الالتزام بالأدوية والمضادات الحيوية بعد العملية الجراحية.
2/ وضع كيس ثلج على كيس الصفن لمدة 10 دقائق وتكرارها على مدار اليوم الأول من العملية لتقليل الانتفاخ والألم.
3/ تجنب الأعمال الشاقة ورفع الأشياء الثقيلة.
4/ تجنب الإجهاد أثناء استخدام الحمام، وتناول أدوية لعلاج الإمساك لو كان المريض بيعاني منه زي ملينات البراز.
وفي النهاية ، لازم تكون عارف أن عملية دوالي الخصية عملية بسيطة وسهلة جداً وبتخلص في حوالي ساعة واحدة بس ، يعني مفيش أي داعي للقلق والتردد انك تاخد قرار العملية ، لأن زي ما العملية مهمة ، برضو فكرة انك تكون اب ويكون عندك أطفال مهمة وتستحق انك تتعب علشانها.
ولو لسه عندك اي استفسار عن عملية دوالي الخصية ، تقدر تتواصل معانا على الرقم ده 01018874287 واحنا هنحجزلك ميعاد مع الدكتور أسامة محمد البكل مدرس واستشاري طب وجراحة أمراض الذكورة وتأخر الإنجاب والصحة الجنسية بطب القصر العيني.